香港同志嘉年華「一點粉紅」（Pink Dot HK）原定於周日（14日）在赤柱廣場舉行，領展稱有「牌照問題」未能出租場地，導致活動連續第二年需取消。主辦方另覓場地，繼續舉行嘉年華中的傳統「Pink Talk」論壇，邀得邱禮濤、李駿碩等多位導演，探討香港酷兒電影浪潮。「一點粉紅」總監梁兆輝透露，大會從未收過任何政府部門解釋何謂「牌照問題」，向領展追問亦不果，目前正計劃 9 月舉辦網上音樂會，盡力凝聚社群力量，「你想見到彩虹，咁你嘅代價就係承受風雨」。
香港同志嘉年華「一點粉紅」（Pink Dot HK）原定於周日（14日）在赤柱廣場舉行，領展稱有「牌照問題」未能出租場地，導致活動連續第二年需取消。主辦方另覓場地，繼續舉行嘉年華中的傳統「Pink Talk」論壇，邀得邱禮濤、李駿碩等多位導演，探討香港酷兒電影浪潮。「一點粉紅」總監梁兆輝透露，大會從未收過任何政府部門解釋何謂「牌照問題」，向領展追問亦不果，目前正計劃 9 月舉辦網上音樂會，盡力凝聚社群力量，「你想見到彩虹，咁你嘅代價就係承受風雨」。
引述食環公眾娛樂牌「審批中」 領展已率先拒租
梁兆輝透露，大會當初只收到領展解釋，取消租場是「牌照問題」，追問下未能了解細節；大會及後嘗試向政府部門查詢，得知公眾娛樂場所牌照其實仍在審批，「但當場地已經決定咗唔租，其實我哋做嘅嘢已經係零，個決定係 beyond us（超越我們），喺成個取消過程入面，我哋係無收過任何相關嘅牌照部門，話畀我哋聽邊個牌照有問題」。
「一點粉紅」去年曾被西九文化區在未有提供原因下拒絕租場，令活動被迫取消。梁兆輝指，去年活動與立法會選舉撞期，或影響活動審批，故今年依舊嘗試向西九租場，同時做足「兩手準備」準備一個非政府場地，向領展查詢赤柱廣場檔期，「我哋都用平常心去諗，今年可能無事呢，但最終都唔得⋯⋯似乎意味住無論政府場、還是非政府場，日後我哋嘅成數都較低」。
失大型場地衝擊社群：能見度少咗
「一點粉紅」至今已踏入第 12 屆，當初由新加坡引入香港。梁兆輝指，Pink Dot 與同志遊行不同的地方，是同志遊行有較明確的政治訴求，較為屬於社群的活動；Pink Dot 則主打性小眾社群與大眾的連結，「我唔係選擇一啲 underground club（地下場所），而係一個大草披地，一個大眾可以睇得見嘅地方」，讓不同性取向、宗教、年齡層的人聚首一堂。以往十數年的 Pink Dot 亦秩序良好，「我哋係一個好 mild（溫和），甚至稱之為 Vanilla（單純）嘅活動，其實係唔係唔需要太緊張，可以放寬啲呢？」
他坦言，活動失去大型場地，對社群而言是一種衝擊，「當我哋唔可以喺一個公眾地方，變成能見度少咗，其實唔多唔少，係對於新加坡個 Pink Dot 嘅本質有幾大嘅影響」。不過，梁仍然希望繼續嘗試其他出路，大會亦計劃於 9 月舉辦網上音樂會，「如果我哋排除萬難都搞到嘅話，唔多唔少都係一個指標，希望大家日子幾艱難都唔好放棄」。
同志電影難籌資金
是次論壇以「酷兒電影新浪潮」為主題，邀請到多位本地電影人擔任講者，包括《我們不是甚麼》導演邱禮濤、《翠絲》和《眾生相》導演李駿碩、《女孩不平凡》導演徐欣羨，以及《超風》編劇李嘉怡。席上談及酷兒電影籌募拍攝資金的困難，當中《我》及《眾》均由兩位導演自資拍攝。
邱禮濤提及，在拍攝《我》期間，有電影業內人士曾指「你唔好拍兩個『基』，部戲票房就會 double（雙倍）」，「所以過往呢啲電影就係好難開」。李駿碩同樣指，他一度考慮為《眾》尋找台灣和歐洲不同計劃的資助，惟因在香港難以尋找資金來源，「如果我無自己地區嘅錢入嚟，其實我個 say（話語權）會越嚟越細，係更加捆綁住創作上嘅自由」，最終需自資 150 萬拍攝，並以《眾》獲第 62 屆金馬獎最佳導演，「他日可能市場上風氣唔一樣，可以有多啲錢去拍呢啲題材嘅時候，又會有另一個感想，但呢個時候我拍咗呢部戲，都係對我自己嘅 portfolio（作品集）、對呢個時間嘅記錄」。
善用光影呈現血與淚：同志電影不一定要 feel good
翁子光新作《超風》講述來自內地的主角超風，在香港尋求身份蛻變，探討跨性別人士的掙扎和命途。劇中編劇李嘉怡為跨性別人士，為故事提供她的親身經歷作藍本，包括一些裸露鏡頭。李表示，曾收到社群內成員批評「使唔使寫到咁」，「我諗佢哋喺一個倡議角度去睇呢件事，要 present（呈現）一個比較容易啲接受嘅樣，先可以去講我哋嘅故事」，但她強調，自己並非政治人物，只希望表達自身的故事，電影的光與影是呈現真實的一環，「點解我要用好抽象嘅方法去演繹呢？係唔係一定要畀你一種好舒適、好 feel good（感覺良好）？點解我唔直接帶到你入去現場，現場發生緊啲咩，我就畀你光、畀你聲，咁樣先係用到電影呢個 medium（媒介）嘅優勢」。
相關報道：
Pink Dot HK｜ 再被取消 領展「牌照問題」突拒租場
Pink Dot 被取消｜西九無原因下「無法租場」 總監：惹揣測，影響國際形
