今日(23日)至下周二(28 日),政府會安排宏昌閣、宏仁閣、宏道閣居民回家執拾,其中宏道閣會由26日開放。
臨上搭駁巴士前,宏仁閣災民李先生說,回家「呢條路好遠」,他不知入門後如何面對,批評政府的安排一塌糊塗,「講一套,做一套」。
前法團成員江洋發概歎:「我返屋企渣嘛,都要得你批准」。他又指宏福苑是「老人村」,很多老人家也想上樓,質疑為何不用方法維修電梯,或安裝籠𨋢。有災民下午步出家園,說屋內大部分東西已燒毀,慶幸人還在。

踏入家門前一刻:「呢條路好遠」
宏仁閣街坊李先生,戴好口罩,在頸綁上毛巾,帶了電筒、鏟仔準備上樓,希望能找回金條、證券等。他的家園已變灰,廚房已燒爛,他表示,自己一會也不知如何面對,「呢條路好遠」。他說,苦等回家多時,不解為何事發後多個月才能上樓。他又批評政府安排一塌糊塗,「講一套,做一套」。
「我唔夠膽面對入去嗰種」
「我唔夠膽面對入去嗰種⋯⋯我唔知我自己上唔上到樓。」李先生曾於宏新閣開放上樓首日,到場觀察安排,今早將重返家園。93年入伙的李先生,在火警當日成功逃生,但到大廈門口時因心臟病發暈倒,住了約一個月醫院。

「鋅盤都燒到熔晒」
提到單位情況,他說「無吖,變晒灰啦已經,層樓啲組合櫃、吊櫃,全部都冧晒,廚房不鏽鋼、鋅盤都燒到熔晒,你話呢場火幾恐怖,不鏽鋼床架、窗花都已經無晒。」因此今日只帶電筒、鏟上樓,「道別啦,睇吓搵唔搵到啲嘢。」

談到當局安排,李生指,「由開始發生呢個火警到𠵱家,我唔講話佢政府部門有啲乜嘢疏忽,就算佢嗰個善後,嗰個善後你哋有眼見,講一套做一套⋯⋯根本係幾亂。」
他說,災後每日起身查看援助、補領證件、又要看WhatsApp 資訊,「我有五個月未去酒樓飲過茶,照計我啲退休生活,好似朝頭早行吓山、晨運,完全畀『宏福苑』呢三個字蓋掩晒,我真係好攰。有啲乜嘢幫到我吖?你哋(記者)話?有啲乜嘢可以幫到我?」

江祥發:我返屋企渣嘛,都要得你批准
前法團委員江祥發,約早上八時多抵達登記上宏仁閣低層。他說早兩星期已申請改期,希望能親身到聽證會聽消防部門作供,無奈一直未獲回覆,概歎:「我返屋企渣嘛,都要得你批准」。

起火的樓宇宏昌閣的單位,有居民入內執拾。
為何不維修電梯、不裝籠𨋢?
他又說,宏福苑是「老人村」,很多老人家也想上樓,質疑為何不用方法維修電梯,不要三部電梯,一部可以嗎?譬如宏建閣未嚴重燒毀,為何不能維修電梯?其他可否安裝籠𨋢?如果怕安全問題,可考慮只上落貨物,不上落人?他說,電梯有買保險,應該和電梯公司跟進。
他的寓所,未有嚴重燒毀,但大物件也無法搬運,也無地方安置,難道送堆填區?所以也是盡量執拾。被問到有何珍貴物件要帶走?他說:「人命,人命是最珍貴的。」

起火的樓宇宏昌閣的單位,有居民入內執拾。
災民 7.5%皮膚燒傷 腳上仍貼膠布
居住宏仁閣低層的劉先生,與父親一同上樓,他帶備一個大紙箱準備執拾物品,他最希望取回重要的文件和舊照,「最複雜就係樓契,樓契要拎咗先」。劉亦指,入屋首先會檢視有否財物損失。
劉先生的腳上有著灼傷的印記和膠布,是火災當天逃生時所致,造成7.5%燒傷。他指,現時康復進度尚可,「香港醫療都真係算唔錯,但始終都要經歷呢個痛楚」。被問到再上樓會否有陰影,他僅指「交畀主」。
由於劉先生的父親居住於宏昌閣,他及後亦會再次上樓陪同父親執拾。
一隻愛貓「細佬仔」未有音訊

住宏仁閣的陳女士,她家未有被大火波及,原本領養的八隻貓,幸運地有七隻尋回,但有一隻6 歲的「細佬仔」一直未有音訊。她說上樓心情複雜,哽咽說:「真係驚返去見到隻貓」。她說,都已經五個月,如果見到,可能都已過身,寧願她走出火場成為流浪貓。
宏仁閣災民林小姐,早上由大埔墟港鐵站,乘搭接駁巴士到宏福苑。她表示,想取回保險箱的鎖匙、保單、「阿媽曬啲陳皮」,三個小時執拾是否足夠?她說「執完話你知」。

宏仁閣災民林小姐,早上由大埔墟港鐵站,乘搭接駁巴士到宏福苑。她表示,想取回保險箱的鎖匙、保單、「阿媽曬啲陳皮」,三個小時執拾是否足夠?她說「執完話你知」。


慶幸嘅就係個人在
中午時分,有今早首批上樓居民經穿梭巴士返回大埔墟站。居於宏昌閣低層的周先生指,火警當日大廈燒了幾十小時,單位「燒得嚴重啲,全部通晒」,因此只執回少量飾物,「基本上都燒晒」、「慶幸嘅就係個人在。」
被安排下午重返宏仁閣單位的郭女士指,今午提早乘搭穿梭巴士到廣福。她透露,單位「都燒咗半間屋」,今次上樓道別,認為三小時已足夠,「咁希望其他街坊,可以上多去一次,畀多個機會佢哋,上去再攞返佢哋需要嘅嘢啦。」

期望盡快召開業主大會
她說,只打算取回相簿等具紀念價值物品,如有珍貴物品則更理想。「希望啲人唔好成日話我哋貪心⋯⋯ 好多人都話我哋好貪心、要求好多嘢,其實我哋乜都冇晒。」
她又指,期望取代法團的合安管理公司可盡快召開業主大會,包括有理想方案提供,以至退還屋苑管理費盈餘、大維修剩下期數款項。
下午返回宏仁閣低層單位的鍾小姐說,對於重返單位感到難過,「因為好多嘢都好唔捨得」。同行親友何先生指,從相片看,單位情況嚴重,「不過都上去再睇吓」。早前有居民成功找回家珍,二人被問到,如在家中找到任何物品,是否都會感到珍貴,何先生說,「會嘅,呢個肯定會有咁嘅感覺。」

宏昌閣有63% 極嚴重損毀
獨立委員會的聽證會曾披露,七座受大火波及的大廈中僅 53% 遭受不同程度損毀,其餘 812 個單位未有受影響。最先起火的宏昌閣有63% 極嚴重損毀、宏仁閣 2、3號單位嚴重損毀,其餘單位無受損。




