「（2023 年播錯國歌事件）所有球員都有唔開心，有啲出嚟做咗訪問，今次（球員受襲），都唔想畀大眾對冰球有唔好嘅觀感。」今年 37 歲的中國香港男子冰球隊隊長梁健邦（Tony）這樣說。
11 年前，他首度代表香港出戰世錦賽，當時是港隊闊別 27 年後再闖世錦。2023 年，男子、女子隊破天荒於世錦賽奪銅奪金，因播錯國歌風波，輿論焦點落在政府、港協對冰協炮轟，冰協與港協掀罵戰。兩年過後，港隊在亞冬運成績有突破，但公眾的焦點，全落在三名球員對土庫曼賽後握手時受襲事件。Tony 接受訪問時說：「真係唔知點解畀人襲擊」。
作為冰球隊老將，Tony 見證著球隊在這 11 年間，艱苦創佳績。他訴說，隊員全有正職在身，加上香港「冰時」（冰場時間）緊張，隊員往往要在晚上十時後受訓。「其實想大家睇返，我哋真係好落力打嗰場波」。
冰協主席陳恩永（中）、冰球香港代表隊教練Carey Durant（右）、隊長梁健邦（左）回應亞冬運受襲風波，談及對冰球運動發展的期望。
冰時緊張 等到晚上十時半始能受訓
Tony說，隊伍之中，無人是全職運動員，有隊員在外地讀書，其他人各有正職，有冰球教練、拍賣行人員、物理治療師；Tony 本身是事務律師。單看職業，運動員本身都有一定的經濟基礎。
而翻查體育學院資料，冰球項目未達任何精英運動組別，意味所有隊員未列為精英運動員，沒有機會取得體院的支援，日常也要抽工餘時間訓練。
Tony 指，平時只在大賽前幾個月，全隊才有較多訓練。當完成比賽，便暫告一段落。「因為『冰時』（冰場時間）始終好緊張，所以真係如果有大賽，先至會之前安排多少少，亞冬運嚟計，一星期都係3、4個鐘『上冰』。」他說，以港隊練習計，通常要到晚上10 時半、11 時，才能開操，多數只能練習一至兩小時，訓練地點上，目前亦只有3個冰球場可供隊員訓練「第朝又要再返工返學，冰球發展暫時嘅局限，我諗就係冰時嘅限制。」
土地問題，香港冰球隊沒有專用場地受訓，全部球員都有正職在身，爭取好成績，並非易事。（受訪者提供圖片）
今次出戰亞冬運，冰球總會安排隊員到大阪集訓，隊員要放下正職，請假備戰。Tony 指，過去冰協較少安排大型集訓，今次是少數機會，全隊人可按足教練策略作實戰；抵日後，港隊與當地球隊打友誼賽，「起碼大家試吓唔同方式，唔同位置，（對比賽）幫助非常多」。
集訓有成果，港隊在分組賽全勝；其後港隊以1分之差，在決定8強對手的晉級賽中，僅負排名高4位的吉爾吉斯。最終闖至半準決賽，不敵世界排名 15 的哈薩克，八強止步，但已是男子冰球隊在亞冬運最佳成績。
冰球香港代表隊成員，因場地問題，往往要待晚上十時半後，始能受訓，亞冬運前，他們到了大阪集訓。（受訪者提供圖片）
「真係唔知點解畀人襲擊。」
至於遇襲事件，是分組賽對世界排名第 46 的土庫曼，世界排名 49 的港隊，以 5 比 1 取勝。「諗返起，（對土庫曼）嗰場都係重要出線賽，中間可能有人覺得有火藥味，但一場重要比賽，大家都係搏到盡。」Tony受訪時也不忘重申，冰球是有碰撞、有口角的運動。他認為球證有合理吹判，雙方都有人被罰離場，「所以諗返起，真係唔知點解畀人襲擊。」
他憶述，事發時正率領隊員握手，直至尾聲突聽到打鬧聲，回頭了解並嘗試拉開雙方，避免情況惡化，隊友保持克制，未惡化成全面打鬥。Tony 說，翌日要迎戰下一場比賽，當時全隊上下只想盡快慶功再準備，「我哋唔需要，都唔會做任何挑釁」、「尤其今次（其中一位）受襲球員，其實係我哋最年輕嘅球員。」
Tony坦言，事發後，全隊心情「多少有影響」，「本身贏波好開心」，幸好受襲球員只受輕傷，可繼續出賽，加上冰協、港協均有跟進事件，隊員得以重新專注比賽。
回應球員遇襲事件，Tony 說：「真係唔知點解畀人襲擊」。
「想大家睇返，我哋真係好落力打嗰場波」
回顧亞冬運及兩年前的世錦賽，港隊都取得佳績，但焦點總落在成績以外的風波。
2023 年的世錦賽，男子隊首奪銅牌，主辦單位播錯國歌，港協圖整治冰協，雙方對罵。Tony 說，運動員其實「冇乜得點 comment」。「當年係我哋第一次拎牌，喺世錦賽拎獎其實係非常之難，你要睇其他唔同國家，永遠一定高大過我哋，但第一次拎，我哋都係想 focus 喺成績，因為呢度（國歌）都係管理層去處理。」
「（播錯國歌事件）所有球員都有唔開心，所以有啲出嚟做咗訪問，好似今次（球員受襲），都唔想畀大眾對冰球有唔好嘅觀感。」今次在冰球場上受襲，Tony說，全隊用時間、血汗去換取成績，始終希望大眾看到冰球員的努力，亦不想坊間對冰球有誤解。
「好似 coach Carey（港隊教練）講，我哋（連賽前準備）打咗 305 分鐘，但就畀一分鐘，個個人就 focus咗喺嗰一分鐘，我哋其實想大家睇返，我哋真係好落力打嗰場波。」今年四月底舉行的世錦賽，Tony 希望球隊維持成績，繼續爭取獎牌。
Tony說：「我哋其實想大家睇返，我哋真係好落力打嗰場波。」
正職律師 有意發展做教練
記者問：「以冰球員生涯，37歲係咪已經係晚期？」Tony 說： 「差唔多啦，仲有嘅，我唔係最老嗰個嚟！」37 歲的Tony笑言，自有兩位孩子，仍未打算放棄運動，平衡冰球與生活，是他要做的功課。
會犧牲與小朋友相處時間？「又唔可以話係犧牲嘅，始終代表中國香港去比賽，係好難得嘅事，同埋我哋真係好熱愛冰球，所以先選擇出去比賽兩個禮拜。」
打從七歲接觸冰球起，「球齡」有 30 年的Tony指，除了有兩年要集中精神應付法律學位，一直未有放棄冰球，因「有成功感，一隊人向住同一個目標去進發，係想取得最好嘅結果。」港隊 20 人陣容當中，由16 至 41歲都有。翻查資料，Tony口中「最老」的隊員，便是司職前鋒的副隊長沈卓謙，他既在當年開腔回應國歌事件，也在今次事件受襲。
37 歲的冰球香港代表隊隊長 Tony 笑指，若離開港隊後，都會繼續打冰球，甚至會考慮擔任教練。
冰球隊由老帶幼，Tony說，年輕球員為球隊帶來活力；大賽經驗、領導力則由「老將」傳承。他說，以香港為例，一場比賽可能只有數十名觀眾，到了外地，觀眾便數以千計，年輕球員往往會緊張，此時需老將穩定軍心。
始終有日要退下火線，Tony則 笑指，若離開港隊後，都會繼續打冰球，甚至會考慮擔任教練，「如果可以培訓到新球員，喺我運動員生涯都係好重要，我再打多幾年先，之後嘅事，我都有諗呢個方向。」
2023 年，冰協跟港協曾因播錯國歌風波對罵，兩年後的今日，時任冰協主席簡揚傑（右二）及時任領隊關婉儀（右一），都已退下冰協及球隊的管理層。
關婉儀（右）在今年一月中，以身體健康等理由，表示自己需要更多時間休息，宣布離開冰球總會。（資料圖片）
集誌社檔案｜播錯國歌風波曾與港協互轟 時任主席、領隊已離任
2023 年二月，香港男子冰球代表隊，在波斯尼亞舉行的世界錦標賽戰勝伊朗，主辦單位播國歌出錯，播了反修例示威歌曲《願榮光歸香港》，事件觸發一場政治風波，當時特區政府表強烈不滿，會嚴懲違規行為、特首李家超曾指事件不能接受，警方有組織罪案及三合會調查科（俗稱O記）一度介入調查。冰協當時曾跟港協對罵，時任冰協主席簡揚傑曾炮轟港協義務秘書長楊祖賜如「六十年代的審犯恐嚇式質問」。兩年後的今日，簡揚傑及時任領隊關婉儀，都已退下冰協及球隊的管理層。
回顧當時的風波，港協當時曾建議政府懲處冰協。冰球時任隊領隊關婉儀曾發聲明指，已盡全力維護國家尊嚴，對球員即時對播錯國歌作出反應感驕傲，遺憾努力未獲認同。
其後，港協一度啟動暫停冰協會員資格的程序，再次要求冰協解釋事件及提改善方案，批冰協的態度迴避及不情願。冰協其後發聲明反擊，批港協「一直希望證明只有冰球協會有錯」，又在會面上，質疑冰球代表隊得到亞軍及季軍的成績並不突出，轟港協「口口聲聲最尊重運動員，但實際上最不尊重香港運動員的付出及成就」。
冰協後來在提交報告中，批港協指冰協沒「對國歌予以莊嚴的處理」，實屬「冒犯」(offensive) 作強烈抗議，又強調「沒有不情願和迴避」，對被認為不溝通和不合作表示震驚。
港協義務秘書長楊祖賜其後批冰協「不斷提出失實指控」、否認有作出不尊重運動員言論。時任冰協主席簡揚傑還擊指，楊祖賜不斷以「高壓審犯」態度處理事件，指如港協不是靠「六十年代的審犯恐嚇式質問」，而是有心了解整件事，深信領隊關婉儀可更好的解釋事件。港協其後再反擊冰協指，「高壓審犯」言論「失實」，表示強烈反對和不滿。
其後，港協決定對播錯國國歌事件向冰協發書面申斥，不會暫停其會員資格，但要求冰協就企業管治改善方案向港協再作交代，並指冰球運動員的遴選機制欠清晰、冰協的誠信管理，如餽贈程序有改善空間等。
翻查資料，中國香港冰球總會有限公司由 2023 至 2024年度、2024至 2025 年度獲政府資助的金額，分別為約 708 萬元和 716 萬元。在 2024 年 8 月，簡揚傑已卸下冰協主席一職，由陳恩永接任。關婉儀也在今年一月中，以身體健康等理由，表示自己需要更多時間休息，宣布離開冰球總會。
冰協主席陳恩永認為，球員受襲事件，港協有發信及出聲明，要求國際冰聯徹查，相信已證明雙方「對事唔係對人」。
新主席陳恩永：盼有專用場地
國歌風波約一年後，在 2024 年 8 月，冰協主席由商界出身的陳恩永接棒。在學時期打過籃球、現有打冰球的陳恩永受訪時表示，是應上屆管理層邀請。他說，過去曾贊助本地乙組籃球隊，當再有機會為體育界貢獻，便接受邀請。
「襲擊事件都 surprise（驚訝），應該咁講，我哋任何運動都唔想有暴力事件，今次算係好突發嘅單一事件，唔係話好普遍。」回看賽事，陳恩永同樣認為，球證有合理吹判、處理對方不君子動作；而港隊教練亦有指示，表明參與衝突或會被罰停賽，「我諗今次都好體現到冰球員心理質素好高。」
被問及冰協與港協，過去鬧得不快，陳恩永認為，今次事件，港協有發信及出聲明，要求國際冰聯徹查，相信已證明雙方「對事唔係對人」。他又稱，港協處理方法，符合他上任時期望，可以公平公正做到令各界支持冰協。
如何評價前任主席簡揚傑？陳恩永說，任何總會都有進步空間、要求，「我諗上一屆管理班子喺佢哋任期內，應該盡咗佢哋好大努力去做（經營），我上任後，當然希望有更大進步，所以先做出更多調整。」
過去數年，冰協獲政府撥款約 700 萬元左右。陳恩永指出，球隊資金、訓練場地、選拔機制、教練都有改善空間，他入主後，選擇為球隊重新聘請教練，也向各大溜冰場爭取「冰時」。他指香港現時從未有冰上運動的專用場地，才是冰球發展的最大樽頸。
至於目前正規冰球場地，雖然有九龍灣「MegaIce」、將軍澳康城「LOHAS Rink」以及愉景灣「DB IceRink」共3個場地；然而使用時間需要與公眾、花式溜冰課程等瓜分「冰時」，其中又以公眾使用佔絕大多數時間。
他直言，資源有限下，若要追「KPI」達標某某成績，才得到局方更多資源，是「雞同雞蛋」的問題。他續指，若有專用場地供花式滑冰、競速滑冰、冰壺等運動統一使用，的確才有助所有冰上運動發展。
港隊教練 Carey Durant 指，希望追隨港隊過去的成功。
教練：希望追隨過去成功
至於首年帶隊便助男子隊創下亞冬運歷史最好成績，並揚言會力爭在不久將來取得世錦賽獎牌。加拿大籍教練 Carey Durant 指，自己不是創造歷史，因港隊過去已贏過獎牌，只是希望追隨過去的成功。
他同意，本地運動發展最大問題是資源。他指運動員要經年培訓，獎牌絕非憑空出現。在他眼裡，加拿大與香港球員同樣熱情洋溢，最大分別可能只有北美聯盟發展成熟，人人都有自己愛隊，港人只單純享受比賽。他又笑言，兩地溫度不同，可能都是其中一個分別。加國河川結冰處處可見；對比之下，香港球員只能走進冰球場，但他仍期盼，與港隊找到勝利方程式後，一直維持下去。
