保安局局長鄧炳強今（21 日）表示，本港面對四大國安風險，其中以軟對抗「最惡毒」。他以宏福苑大火為例，指有「壞心腸」的人以假消息煽動市民對政府的憎恨，例如「賤價」收樓「高價」賣給地產商。他指政府有責任將真相告知社會，市民亦要小心被煽動，「人人都係反駁隊」。
「每日啲人都會打擦邊球去犯法」
鄧炳強接受商台節目《在晴朗的一天出發》訪問時表示，目前社會較 2019 年「黑暴」平穩，但「每日啲人都會打擦邊球去犯法」。他指出香港面對四大國安風險，包括外部勢力制裁與抹黑、製作炸彈等本土恐怖活動、潛逃外國者繼續提倡港獨，以及軟對抗，「最惡毒就係軟對抗」。
「邪惡得嚟你未必知佢係邪惡」
鄧炳強解釋，相比另外三樣很明顯，軟對抗「邪惡得嚟你未必知佢係邪惡，有時你仲會以為佢係好人呀嘛！」他應主持提問以宏福苑大火為例，指有人散播假消息，例如政府「賤價」收回業權，「高價」賣給地產商賺錢，他強調政府已清楚說明用地會用來起公共設施。
「撈一啲就好似好冇嘢咁樣」
被問到火災後有市民自發捐助救災物質一事，當中如何分辨是有軟對抗，鄧炳強回應到現場看很清楚「所謂黏晒啲紙嗰啲」，「全部都係話政府唔好、話政府錯、話政府害死人，你見呢啲苗頭出晒嚟。」主持再問道，但當中有一些可能較中性，如「我愛宏福」，鄧則表示：「咩叫軟對抗呢？就係佢撈一啲就好似好冇嘢咁樣，跟住一啲煽動啲嘢，咁先至令到你信㗎嘛！」
鄧炳強又提到，有人當時指有防暴警準備對抗災民、消防膳食和防火衣不足，都是不可能發生，「但很多時候就係有啲立壞心腸嘅人去做呢啲嘢」，目的是分化他的同事、分化社會、煽動市民對政府的憎恨。
「人人都係反駁隊」
鄧指政府會留意軟對抗，若有違法便採取行動，政府亦有責任將真相告知社會，「我係反駁隊隊長呀嘛！」他又指市民見到有人欺騙自己、煽動自己對政府不滿就要小心，「人人都係反駁隊」。
回應宏福苑火災報 999 問題
另外，宏福苑聽證會上播出最終罹難者的報案錄音，鄧炳強回應指，公職人員能力範圍內會盡力幫助市民，而當時警察控制中心線路較多，消防線路而只有 30 條，因為確實未試過同一時間大量人報案，「你諗吓我哋經過咗咁多年，30 條線都係 OK 㗎喎，突然間有大事件發覺唔夠，咁就係唔夠囉！」他指現時消防已將線路增至 68 條，目標明年初再增至 100 條。
施政報告提出 2028 年 999 報案熱線增加三項功能，鄧炳強指報案者將可透過即時通訊軟件將聲、影、畫傳送給控制中心，若與消防有關，亦會即時將聲、影、畫傳給消防。他指系統可應付正常或稍多流量，若發生火災等情況太多人同時報案，系統會將以人工智能了解報案資料，決定接聽的優次。
