牛池灣村重建在即，已屹立於牛池灣村超過半世紀的新龍城茶樓，最近公布結業消息，晚市營業至3月31日，早午市營業至4月30日。這是村內其中最為歷史悠久的店鋪，《集誌社》攝影記者，去年底曾拍攝記錄茶樓的日常。
張老闆是新龍城茶樓的第三任老闆，他們一家數兄弟姊妹合力經營茶樓十多年。茶樓於每天清晨三點前開業，最早的茶客，於清凌兩時左右已到步。新龍城茶樓以其價廉物美聞名，師傅堅持每天手製點心確保新鮮。
張老闆：心情嚟講到時先算啦
對於結業在即，張老闆當時曾笑言其實並沒有太不捨，「好熟嗰啲朋友都已經有晒電話㗎喇， 飲茶食飯一樣得嘅啫。」他亦坦言經營茶樓最難忘的，莫過於能結識到一班好朋友。至於政府的重建計劃，他說：「我唔係好會諗未來㗎，心情嚟講到時先算啦。」
華姐：做茶樓好辛苦㗎
華姐是張老闆的家姐，主要負責樓面及開店的工作。華姐指新龍城茶樓的特色就是開得早「有啲客兩點幾就坐係到㗎喇，風雨不改㗎，越嚟越早添㗎！」她更說，師傅們的上班時間也因此被推得越來越早。
熟客變朋友
對於重建結業，華姐說她不會再從事茶樓業，因為艱苦得很，每天需要搬蒸籠出入廚房及樓面，已弄得五勞七傷，「啲手指，啲骨頭真係痛㗎」。她亦不捨每天相見的客人，「佢地成日同我哋傾計，成日攞啲嘢畀我哋食，已經係朋友嚟㗎喇。」華姐亦曾經為師傅們的人事關係大為頭痛，「請人又難，請到幫到手嘅又可牛脾氣」，她感恩現在的廚房大佬張師傅極具責任心。
廚房一哥張師傅：一定要即蒸，即走，即食
張師傅在新龍城工作 11 年，每天兩點前上班，他是廚房的「一哥」。華姐對張師傅盛讚有嘉，「佢太有責任心啦，早過我返工仲遲過我收工。
關於手工點心與預製點心的分別，張師傅說：「好大分別㗎！真係差好遠㗎！」。新龍城廚房，要求是出品必須要新鮮，一定要「即蒸，即走，即食」，「越新鮮越好食㗎，𠵱家蒸出嚟嘅包同埋等到晏奏再食，都已經唔同味啦」。張師傅分享，廚房門口總是有幾枱客人在等點心出爐，不見出爐不下單，「佢地寧願等，有新鮮嘅就即刻食，冇新鮮嘅飲多兩杯茶就走㗎喇。」
對於重建，張師傅說他們都要退休了，「我地全部都60幾㗎喇。」
新龍城福祿壽
每天清晨四點左右，92 歲王「叔叔」，79歲的陸先生與另一位伯伯每天都會坐在茶樓的同一位置位。店員都戲稱他們是「新龍城福祿壽」。
92歲王「叔叔」每天五點前會到新龍城飲早茶。他光顧新龍城已超過二十年之久，由從前的新記，龍城，到現在的新龍城。店員們都稱王「叔叔」為潮洲伯。王「叔叔」說，對於他們老人家而言茶樓最緊要是「平靚正」，他笑言：「茶又靚，華姐又靚 ，嘢食又好食」
79 歲的陸先生住順天邨，每天走一小時清水灣到新龍城茶樓，四點前便會就座，他會帶着他的小型電視看粵曲。陸先生分享他與茶樓的前老闆張先生是好朋友，亦即是現在張老闆及華姐的爸爸，所以陸先生已光顧新龍城有十幾年了。
對於清拆，陸先生最不捨的是茶樓的手工點心，「人手做出嚟嗰啲味道唔同㗎，同蒸返熱畀你食嗰啲真係唔好食㗎，嗰啲無癮㗎。」
