「Hong Kong！」冰球香港代表隊成員，今（13日）午返抵香港，隊員在亞冬運冰上曲棍球分組賽對土庫曼時，賽後握手期間受襲，三人受傷。冰球香港代表隊隊長梁健邦表示，冰球碰撞一定有，他指事件好罕有，因在賽後握手環節發生。「我哋啲國際比賽，其實都好少會打交嘅」。
中國香港冰球總會主席陳恩永表示，賽後跟主教練即時向國際冰聯作正式投訴，事件暫告一段落，比賽當中，香港冰球運動員充分體現專業水平，克制、專業運動員精神，對此予以嘉許。
他指今次比賽是寶貴一課，陣中球員有學生、有在職人士，犧牲了許多時間備戰，對半總決賽，對專業的球隊敗陣，「我都係收貨」。
隊長梁健邦表示，所有球員只受輕傷，現已康復，他又指感謝特首李家局及文體旅局長羅淑佩，於事發翌日前赴探望，支持和鼓勵球員，也感謝港隊醫療隊。「雖然呢件事大家唔想發生，但大家都保持冷靜」。
他希望事件不會令大家對冰球觀感有影響，「其實冰球碰撞一定有嘅，呢個事件，係好罕有，喺賽後握手環節發生。同時間，我哋啲國際比賽，其實都好少會打交各方面嘅，就算比緊賽嗰陣時。所以，呢個係一個特殊啲嘅事件」。
教練 Carey Durant 則表示，這是球隊最好的比賽，又指球隊會吸收、消化今次大賽經驗，有朝一日，會獲得奬牌。
三人發言時，隊員先離開，他們發言後，在場記者追問事件，三人未有回答現場記者提問便離去。
