宏昌閣遺屬袁氏姊妹，今日（25日）帶同鮮花上樓悼亡母，妹妹還身穿寫上「開業主大會、原址重建」的毛衣回家。單位完全焚毀，但二人在宏福苑長大，仍期盼原址重建，她們望政府願意溝通，了解街坊真實訴求。
妹妹指，大火初期，仍對安置方案懸而未決，但隨著聽證會披露更多大廈損毀資訊，認為與政府起初公布有出入。業主要重置問題上，被部分網民打上「貪心」的標籤，她說：「其實人命唔係用錢嚟計、屋企唔係用錢嚟計⋯⋯佢哋唔清楚嗰種痛，未拮到佢哋。」
姐姐補充指，「大家一直嗰個立場就係，我哋唔需要一刀切（安置）反而想要一個彈性啲、有得選擇俾我哋。」半年來，她形容災民的處境很卑微，「卑微到你會諗，（媽媽）焗死定係燒死⋯⋯睇返單位嘅情況，同埋睇返一啲科學嘅片段，我哋唯有好卑微咁相信，佢係焗嘅，因為好快就可以離開世界，唔需要受咁大痛苦。」
滿腦問題未獲解答，卻要面臨是否出售業權的抉擇。姐姐明言，理性會了解到，政府想收回整個宏福苑，「但係我哋亦都好希望，不如你又聽下我哋嘅說話？你（政府）都係錫我哋㗎嘛？」她說，聽證會當中，只是各部門重申做法「不理想」，「買賣業權對我哋嚟講，只係呢件事嘅過程 ，但係我哋未可有說服力，或者未夠資訊，令到我哋行到去呢一步。」
她無奈道，不認為政府一定要居民心聲，但認為居民不能不發聲，「喺呢個時間唔發聲，我哋以後講嘅，只係喺度『歷史對談』。我哋希望，喺呢段事情經歷緊嘅階段，有機會去講多啲。」
姐姐提到獨立委員會主席陸啟康，曾指宏福苑居民要更主動的說法。她指，聽證會是一堂公民教育堂，她自嘲「我都好想知道，究竟我哋究竟要有幾多人走出嚟，先至可以叫我哋有理過家園？」
「我哋吸到呢個資訊，我哋學到原來係要主動講多啲，我哋就出嚟講。」妹妹說，政策出台要有公眾諮詢或相關持份者，但如今政府推方案卻沒確切諮詢居民，「咁政府政策係做咩 ？」
