大埔宏福苑五級火，約 1700 戶居民無家可歸，今日大排長龍等候領取援助。有居民表示，火災前已有多人向 ICAC 舉報大維修問題，但一直無果。
X先生（化名）一家五口，包括三名五至六歲的子女，本住宏仁閣。火災當日，他們目睹宏泰閣大火，立即逃離現場，因而無人命傷亡。事發後，全家自費入住沙田區酒店暫住，每晚高達 2000 元，「免費酒店好多都 full 晒，同埋地區都唔啱我；唔考慮中轉屋，因為有小朋友在附近返學，太遠。」幸好他們有買家居保險，但經濟負擔仍極大。「經濟好大負擔，政府個啲資助都係及時，睇下政府點安排我哋啦。」
對於樓宇安全疑慮，X先生直指火災前已有多人向 ICAC 舉報大維修問題，但一直無果。「相信在大維修之前有好多人對大維修做舉報，但都係無結果，𠵱家出事之後，我淨係想知道點解ICAC 可以即刻捉人，攞 file 去睇。因為你 ICAC 捉人之前一定係有証據先做。我哋去投訴之後到事發前一直無結果。」他質疑廉署工作態度，呼籲公開檔案以釐清真相。
X先生記述 9 月 10 號風球樺加沙襲港後，大廈的棚網有所損毀，其後管理處曾貼通告指會修補，「但有冇做測試、用咩物料、有冇QC就唔知道，」他認為，政府首要首先要安置居民，「就算係大埔住或不在大埔住都要可能安排專車接送。」至於樓宇，他覺得政府不能「馬虎」，「希望重置，拆晒去，始終死咗幾百人，叫人住返入去都唔開心啦，即係咁講。」
廉署周五（28日）拘捕八人，被捕者包括工程顧問、棚架工程分判商及中間人，當中四人為宏福苑大維修的工程顧問公司兩名董事、兩名責監督有關工程的項目經理、三名棚架工程分判商，包括一對夫婦東主，另外餘下一人為中間人。廉署人員今日搜查 13 個地方，包括工程顧問公司、棚架工程分判商的辦公室，及被捕人住所，檢走相關工程文件及銀行紀錄。
此外，政府日前宣布以三億元成立「宏福苑援助基金」，即日發放每戶一萬元予居民應急。不過居民取資助需長時間排隊，同樣住在宏仁閣的居民廖先生指昨日已大排長龍，最終人龍太長而離去。於是他今晨七時起床，準時九點開口時到達中華基督教會馮梁結中學，頻頻撲空才終於拿到一萬元，「排隊排幾日，食完嘢返嚟睇下有冇得排，如果無嘅咪又聽日九點。」
