大埔廣福社區會堂下午開放予家屬辨認死者相片，來港工作多年的印傭 Yayuk，入夜後與親戚到會堂尋找在宏昌閣工作的姐姐，她未在相中認出姐姐，將再到醫院尋找。
服侍 90 歲坐輪椅婆婆
Yayuk 的姐姐 Sri Wahyuni，來港工作近兩年，於宏福苑宏昌閣四樓一單位工作，服侍一名坐輪椅的 90 歲婆婆及僱主，事發時只有姐姐和婆婆在家。她哭着憶述，昨日下午約 5 時多得悉宏福苑發生火災後，立即問姐姐：「你有冇事呀？呢度係咪你屋企？」，惟姐姐未有回應，最後上線為下午 2 時 11 分。
Yayuk 指，姐姐服侍的婆婆坐輪椅，擔憂「唔知佢有火時拎唔拎到個婆婆，會唔會行樓梯或者搭𨋢去邊度，我未知，所以嚟睇吓問吓啲人」。整晚無法入眠，今早詢問領事館亦未有姐姐消息，「喺屋企等消息唔放心，所以過嚟試吓搵我家姐」。
家中經濟支柱
她指姐姐本來不想來港工作，「不過我叫佢過嚟做嘢，佢好開心喺度做，佢老闆好好人，唔想返屋企，想繼續喺度做到六年」。Yayuk 說，姐姐一家人也在印尼，有丈夫、一子兩女，最小只有七至八歲，是家中經濟支柱，他們得悉消息後紛紛向她說：「你搵吓你家姐啦！你畀我哋消息啦！得你一個人可以幫手搵到你家姐啦！」她說時激動落淚。
Yayuk 形容，到會堂看相片時「好擔心好驚有我家姐喺度，唔知有冇，應該冇」，她亦獲僱主聯絡，對方稱可能姐姐身上無身份證，救出亦未能確認身份。工權會幹事謝姑娘指，僱主昨晚已於網上尋人，她今陪同 Yayuk 入內辨認，未看到其姐姐相片，但有消息指其姐姐或在醫院，會繼續陪同 Yayuk 尋找。
至少八名外傭在大火失聯
謝指，據了解至少八名外傭在今次大火失聯。她指現時對外傭支援不足，如職員提供中文資訊等，今午看到 Yayuk 在社區會堂外「喊晒口」遂提供協助。她盼各國領事館更積極伸出援手，包括在各庇護中心派員讓外傭得知如何求助。她又指，工權會全力協助外傭，如有消息可聯絡23665965。
