大埔宏福苑五級火第七天，今日（2日）為死者的「頭七」，已完成遺體辨認手續的家屬，獲安排在災場附近路祭。有仍未能確認家人下落的災民，連日來到廣福社區會堂看照片認屍。今日繼續到場尋親的蘇氏夫婦，在火災當日，蘇先生收到母親致電。直到今日，確認八旬雙親已經離世。蘇太說，相信二人相擁離開，「呢個係我幻想佢哋，因為佢哋好恩愛，應該唔會分開，咁應該佢哋係相擁一齊。」有家屬表示，政府今日始要求他們提供失蹤者詳細表徵，他們已有「心理準備」。
今午步出社區會堂的蘇先生、蘇太透露，除了周日，每日都前來尋人，希望找到八旬雙親。
兩代人住在同一屋苑，火警當日，蘇太從街坊群組得知宏昌閣起火，馬上聯絡丈夫。她說，丈夫趕回來時，已目睹父母所住的宏昌閣火勢「好緊要」。蘇先生先衝到宏志閣拯救太太與貓貓。
今日得知雙親已葬身火場，蘇先生指，相片難以辨認。蘇太補充，從相片看，相信二人最終相擁離開，「呢個係我幻想佢哋，因為佢哋好恩愛，應該唔會分開…咁應該佢哋係相擁一齊。」她說，仍有待進行 DNA 鑑辨身份。
兒子：我好無助
蘇先生憶述，火警後收到媽媽來電說：「好大煙，著咗火吖阿仔」當時正在工作的他，十分鐘內返到屋苑，「佢話『要走出去，𠵱家落樓』，跟住聽到佢話『今次死啦』跟住之後就無出聲」蘇先生哭訴：「佢連電話線都無斷到，入面有啲嘈雜聲，跟住我一路嗌『媽咪』，佢都聽唔到，我唔知做到乜嘢，我好無助。」
警方今日指仍有 30 人失聯。一連六日到來尋找老父的另一位蘇先生，他指，直至今日，警方才要求家屬提供身體的表徵、是否有配戴假牙、手術置入物等。「可能搜到多啲資料，佢就想要多啲準確資料嚟配對。」
「每日都喺度等、盼望」
「都有心理準備。」蘇先生說，77 歲的父親，獨居於宏昌閣中高層，事發時早已聯繫不上。多日來尋親無果，每日前來會堂，要重複看同一批相片、資料。他說，相片數量沒有因為部份人已獲家屬辨認而減少，相信是有機會辨認錯誤。「每日都喺度等、盼望。每日都諗住嚟到有好消息，但都仲未有。」
與蘇先生一同尋親的叔父指，宏昌是首幢起火大廈，理解搜索會按災場嚴重程度決定；相信有很大機會要用 DNA 鑑定哥哥的身份，「會，都會（繼續來）…可能直至都係有確實結果，始終𠵱家都係推測。」
「多謝咁多香港人、世界各地嘅人嘅關心、慰問」
臨行前，蘇先生說，不想家人擔心、影響情緒，希望記者只拍背面。他說，「多謝咁多香港人、所有人，或者世界各地嘅人嘅關心、慰問，希望其他遇害者都可安息。」
除了蘇生沒放棄，郭老先生、郭老太今日也再來到會堂，嘗試尋找住在宏泰閣高層、仍失聯絡的女兒。郭太說，女兒本預計上周四到日本旅行，希望自己為她執拾行李，也相約好飲茶。沒料到發生五級火，「層樓燒得好緊要，一條火炷，啲水射唔到上去」。
上周五曾經來過會堂認人無果。郭太指，直至昨日，從電視新聞得知，警方已完成清理。今日到場，郭先生獲職員告知，宏泰閣未完成搜索，樓宇結構需要先「鞏固」，才有進一步搜索和資訊，「乜嘢都做唔到，叫我哋等消息！」短暫透露現況後，郭太說，「唔好意思，我要走嘞！如果唔係再講多啲，我會喊得好緊要。」
