「我等咗呢日好耐」。在大埔墟港鐵站，宏仁閣居民李先生說，「呢條路返去係遠」。過去一周（4 月 20 日至 4 月 26 日）宏福苑災終等到回家。等了五個月，得到三小時，限時上樓執拾，更有可能是跟家園最後道別。《集誌社》記者記錄了災民在過去七日的回家感受。
回到單位，望著吐露港，宏仁閣吳先生感慨，像進入了一個與世隔絕的平行時空，「出面咁繁榮，呢度頽垣敗瓦，出面依舊，呢度好似停留喺平年前時空」。宏昌閣中層住戶朱先生，臨行前用手機拍下窗外的吐露港，他說：「之前大維修，都好耐冇見過海、陽光。影到就盡影」。
踏入家門，宏仁閣余小姐心情矛盾，她哭訴「返嚟又唔開心，但係我好多嘢想攞嘅」。宏昌閣的李先生、李太說，家裏的東西「變晒灰」，「逐啲逐啲扒，金耳環，我係揾到嘅」。
沒有電梯，不少長者或傷病者，根本不能行樓梯上樓，最終回不了家。宏新閣高層梁婆婆說：「30 樓，點上呀？上咗去，落唔到嚟，死得」。宏仁閣麥太也說：「我爬上去，我驚要人抬我落嚟呀」。中風的陳先生，家在宏仁閣，回家當日，他在樓下淚灑，妻子陳太說，丈夫自大火後，一直以淚洗臉，她不明白，可否用籠𨋢等，助居民上樓。
「bye bye 啦 702！」宏昌閣的郭先生好不容易，才能在亡父的單位說出這句道別。他早前受傷，粉碎性骨折，他曾要求改期上樓，一直沒得到肯定的答覆，他撐著拐杖，頂著傷患上樓梯，他說：「我就算受傷，我都想上去」。
要在三小時內，告別、執拾數十年的家當、回憶，談何容易？宏道閣潘小姐說：「去旅行都唔會執三個鐘嘢啦，何況成間屋，住咗成 40 年」。宏仁閣的胡小姐說，如可再多一次、兩次，她但願能跟爸媽在屋內共聚，「慢慢，唔使執嘢，係間屋享受一吓，希望可以同家人渡過呢個鐘頭」。宏仁閣的謝先生不點名問高官：「如果佢間屋燒咗，佢係咪咁決絕可以斷捨離同道別？」還有喪親、鄰居罹難的居民，在回家時，也面對一份傷痛。
