今（21日）午再有一批宏新閣居民回家，有人選擇帶花，也有人帶上一大個尼龍環保袋。居於 12 樓單位 40 多年、七旬的張太，只拿著一個手抽袋，她與丈夫，由兩名民安隊員陪同上樓，「我冇叫佢哋（義工），因為我知道我間屋無晒嘢㗎啦、乜嘢都冇晒，全部都燒晒⋯⋯返去望一望、個心息一息唧。」
徒步走上 12 樓，張太說，「唔辛苦！有嗰種動力、今日有嗰種動力！一啲都唔覺得辛苦！」但當上樓時心情頓變得複雜、忐忑，事發至今也仍未能接受；只能說聲「安息」，與舊居道別、令自己心息。
她說，災後家中只剩少量瓷器、玉石，「見到自己咁耐嘅地方，化為烏有，真係好難過！非常之難過！⋯⋯化晒啦，得返好少嘅紀念品。」
拭淚後，張太隨即翻出袋裡的一對「玉龜」，笑說是十多年前在內地旅行買入，今次在睡房尋回，「兩隻！仲喺返度喎！」、「回『龜』吖！回『龜』吖！呢次真係回『龜』吖！唔係呃你！」
現時政府提供的安置方案，張太說尚未決定，要視乎之後情況。她又說，今日上樓，重遇很多舊街坊、朋友，但同時，「有兩三個我好擔心都仲未見到佢哋，我諗都⋯⋯唔敢諗囉。」「嘗試個人樂觀啲，自己又接受命運囉可能係我人生嘅轉捩點。」
