「拜拜喇，702！」
「負傷上樓」的郭先生回到先父故居、宏昌閣 7 樓住所，這是他臨離開前，對着單位大喊的最後一句說話。他特地帶走了先父的日常用品 —— 一個玻璃煙灰盅，「因為佢喺我由細到大都食煙，但我自己唔食煙，所以純粹紀念」，亦取走已被燻黑的門牌，將與先父的回憶、自己的童年保存在門牌上。
郭執拾約兩小時後落樓，取回共 13 袋物品。他指，上樓過程尚可，「係個樓梯級窄少少，但慢慢撐上去都OK」，單位損毁情況如他所估計不太嚴重。
郭先生月初因弄傷左腳導致粉碎性骨折，今早仍一拐一拐地與數名友人到場上樓執拾，「我驚我錯過咗呢次，就無機會再上樓，我都有衡量過，七樓啫，唔係高層，我應該上到去嘅」。他指有嘗試行樓梯，但未試過行足七層，今天需以拐杖支撐上樓，亦有自備頭盔，以及摺椅方便休息。
相關報道：
宏福苑回家・第五天｜居民雨中告別家園 葉家駒：心情複雜 居民哭訴：三個鐘難執咁多年嘅嘢
郭先生的父親是宏福苑首批住戶，郭亦自出生起居於宏昌閣 30 年，直至成家立室才搬離。隨著父親於去年三月離世，單位亦丟空至火災發生。他指，單位情況並非嚴重焚毁，「係廁所燒咗少少，馬桶水箱爛咗咁」，因此能尋回不少物品，「都少少驚喜，因為爸爸過身之後都有執過屋，但估唔到 Dig deep（挖深）啲又有多啲嘢執」。
找不到歷史水壺
他原先想找尋一個與爸爸從小用到大的水壺，但遍尋不獲，笑言或已被父親丟掉，但反而找到一個鐘，鐘底有旋轉木馬配飾，現時竟然仍能開動。他看著旋轉木馬的五光十色，心中有一陣漣漪，「有一啲 feel（感覺），我望住咗佢，呆咗一陣，就拎走佢」。
郭在家中亦有如重拾回家的感覺，「當不停走動嘅時候 我自己最大嘅感覺係，我返到去之後就冇撐拐杖，就咁掹住個牆四圍去，個感覺好似有種返屋企嘅輕鬆，但明明個地方又冇電，又黑鼆鼆，好多塵，但佢個擺設同我以前都好似」。
在家中放低一紮膠花
他又看出窗外，記低最後一次從宏福苑看出去的風景，「嗰個窗口可以望到樓下迴旋處嘅位，以前我爸爸揸車返嚟，會喺嗰個位度行返嚟，如果我捕得耐，我就可以捕住佢行返嚟，我就會喺嗰個位叫爸爸，頭先我喺嗰個位望出嚟，迴旋處冇咗，垃圾站冇咗，變咗一塊爛地，係感觸嘅，我都停留咗一段時間」。
郭先生這次回家，是執拾物品，也代表與父親道別。他最後在家中放低一紮膠花，獻給父親和兩父子的「窩居」。
「成個（執拾）過程都係道別過程，我諗係接受咗呢個地方我要離開啦，可能無得再見，可能我都唔會再返嚟第二次，要執嘅嘢都執晒，狀態又唔係特別好好，咁可能差唔多時候放低喇」。
