三小時，開門見到家居完好無缺，卻要面臨告別。宏仁閣 10 樓余小姐，在上樓執拾後對舊居大感不捨。她哭訴，其實舊居完好無缺，但卻因火災而被迫離開，「我好唔捨得我屋企，好唔捨得離開呢一度，但冇辦法，係冇得返轉頭喇，我會嘗試忘記佢（舊居），但我唔知要幾耐時間先可以做到」。
點會有一間屋會突然畀你擺到晒啲嘢？
余小姐今天上樓只可取回家中約一半的日常用品，「梗係攞唔晒啦！我哋生活、我哋嘅回憶喺度㗎嘛，抹唔去㗎！」她指，她對家中每樣物品都很有感情，但始終不能取回所有物品，「我而家拎咗都唔知擺去邊，你諗下一家人嘅生活、一個屋企嘅嘢，點會有一間屋會突然畀你擺到晒啲嘢？係無可能㗎嘛！」
我哋無燒到㗎嘛！
余指，自己在火災後情緒很低落，甚至對今天是否上樓亦存有擔憂，「但我哋無燒到㗎嘛！我梗係要上一上去啦！」雖然近一、兩個月情緒有所好轉，但今日重返舊地「覺得好唔開心」，並表示即使有第二次上有機會，自己亦未必承受得到，「如果第二次返嚟，如果我學識斷捨離 ，我都唔會返嚟喇，但我唔知我做唔做得到」。
合共 20 袋物品
宏仁閣三樓住戶周小姐指，自己單位的損毀不是太嚴重，因此可取回有紀念價值的物品，包括結婚照、畫作、證書、屋契等合共 20 袋物品，「拎晒我哋自己覺得好重要嘅嘢，記念我哋生活嘅嘢，可能係一張紙，或者一隻公仔，可能其他人睇係冇價值，但我哋自己覺得好重要嘅嘢，冇咗我哋真係會好傷心」。
周已透過「一戶一社工」申請再上樓，希望將來可二度回家，「我哋一定會再上，如果有得上，全部嘢都想拎，全部嘢都係我自己好辛苦買返嚟、儲返嚟，係我哋嘅屋企，但而家就無晒」。
一直諗住喺呢度到老
周指，自己居住宏仁閣近 20 年，「同先生結婚之後，一直諗住喺呢度到老，冇諗過到今日就會冇咗我哋個家」。她由得知有機會回家的一刻，每天心情都非常緊張，「無一日放心過，晚晚都瞓唔到，返到嚟其實你都只係既開心，但亦都好傷心，因為拎到嘅就拎到，但你始終都係要同個屋企道別，明明我屋企冇事，無燒到，都係要冇咗個屋企」。
不敢拍下家中景象
她有向家園講再見，但即使社工著她拍照留紀錄，她都不敢拍下家中景象，「我驚我之後日後睇返，覺得仲傷痛，而家拜拜咗，我就唔留念幅相，唔睇喇」，火災後亦一直有接受心理輔導。
士多房救家當
姚先生居於宏昌閣三樓，單位損毀嚴重，「燒到溶溶爛爛，好多嘢都碳化晒」，但幸好在火災發生時，他正裝修家居，故將很多重要物品轉移至樓下「士多房」（Storeroom），成功能取回多樣物品，例如衣服、小時候的相片等，「即係嗰啲回憶嗰啲嘢咁」，現時需在迷你倉寄存物品。
兩兔兔罹難
姚先生原與妹妹同住，已居住約 40 年。妹妹有飼養兩隻兔子，但在災後一個月已收到愛護動物協會通知牠們已罹難，媽媽的神主牌亦在家中，「走嘅時候有同佢哋講聲」。他續指，家人目前安好，「心情就……間屋始終住咗咁耐，始終心情都唔係咁好」。
