宏盛閣及宏泰閣居民今日（3日） 繼續回家，首輪上樓安排會在明日（4日）結束，有居民表示，「基本上我成世嘅嘢都喺入面」，要在三小時內執拾實在困難。有居民說，自己「喊咗先嚟」，在重置抉擇上，一家人也意見不一。曾多次旁聽聽證會的宏盛閣居民何小姐，單位沒有被燒，但因火場高温，令一整箱多啦A夢收藏品被高溫融化。她慨嘆「變咗難民咁」，冀能原址重建。
高溫熱融一整箱多啦A夢珍藏
曾多次旁聽聽證會的宏盛閣居民何小姐表示，希望取回金飾、錢和相簿等重要物品，又指自己心情緊張，「幾個月冇返過屋企，個感覺唔同。」何小姐的單位未有焚毀，但因樓下單位被燒，高溫熱融一整箱多啦A夢珍藏，只能帶走部份模型和自己親手編織的咕𠱸，她受訪時一度流淚不能言語：「我冇諗過一個火災可以⋯⋯冇咗間屋係咁。」
35年前遷入剛重新裝修
何小姐大火當日午睡期間匆忙逃生，等五個多月方重回家園。她表示，上樓時心情緊張，腦袋一片空白，「我想像唔到兩年前裝修，一間屋變成咁」。執拾期間，朋友提醒要斷捨離，令何小姐更感觸，「一間屋無可能做到斷捨離，我住咗35年，有啲街坊住40幾年」。她帶走了部份衣服和已彎曲的黑膠唱片，但仍有CD、梅艶芳年代的錄音帶等要留待二次上樓取回。
「變咗難民咁」冀原址重建
何小時亦多次提及希望原址重建，相信有很多街坊有同感，「講真一句，我哋𠵱家變咗難民咁，連新移民都不如，反而我係土生土長嘅香港人，我有納稅，點解火燭你要收我層樓？我唔係好明。」
她認為，當局執意收購業權，甚至立法強收，會影響香港人和外來者買樓意願，「買樓係冇保障，咁買層樓嚟做咩？」被問及如何與宏福苑道別時，何小姐稱「我唔覺得需要道別」，質疑大火後從未召開業主大會，當局如何能了解居民意願。
宏盛閣居民何小姐今天回家。
宏泰閣居民黃先生與七旬媽媽回 25 樓的家，他指近日積極行樓梯做準備，與媽媽花十多廿分鐘便抵達家門。他續透露單位大致完好但遭大火薰黑，最終順利找回有紀念價值的物品帶走，縱有不捨，也已跟 43 年的家告別。
成世嘅嘢都喺入面
宏盛中層陳小姐指自己沒有收到單位相片，因單位向海，從公園觀察沒有焚燒痕跡，應該沒有大礙。一家人在 1984 年搬入宏福苑，「基本上我成世嘅嘢都喺入面，所以我咩都要攞」，包括父母的結婚相片。
陳小姐家中貴重物品不多，擔心有人曾入屋，因見到有居民上樓發現家中曾被人翻找。她指自己家中應該是十分整齊，因為大火當天都外出了，不是要臨急臨忙逃生，「（如果）亂晒大龍，我想執嘢都好困難。」
重置抉擇 家人意見不一
陳小姐認為，宏福苑是她無可取蹄的家，很希望政府可以重新考慮原址修復，不一定是原址重建，「因為其實有好幾座嗰個損毀情況係唔嚴重嘅，點解佢唔考慮用一個用少啲公帑嘅辦法，去做維修？點解要用咁多公帑嚟買晒我哋嘅業權？點解佢唔畀我哋返去自己本身嘅屋企住呢？」
宏盛閣 17 樓住戶陳女士表示，希望取回家中供奉多年的彌勒佛銅像。居於宏福苑約 20 年的她表示，上樓之前自己很難過，「我都喊咗先嚟，唔捨得，真係唔捨得宏福苑。」
她的老朋友朋友陳先生幫她上樓收拾，他指兩人相識十多年，平常會約出來吃飯、逛街，「我就當好似陪個家姐咁行街。」陳先生形容，老友陳女士本來性格開朗，近月卻不如以往開朗，「心情肯定係唔好，但都要接受㗎啦呢啲嘢。」陳先生指，陳女士和同住大兒子對安置方案意見不一，「個仔就鍾意住新界遠啲嘅地方，佢呢就鍾意住啟德」，已經了解啟德的資料，但兒子卻不喜歡。
男友、兩隻寵物狗罹難 接回家通知失眠
張小姐年逾七旬的媽媽居於宏泰閣高層十多年，媽媽男朋友和兩隻寵物狗都在大火離世，他們一行人帶同鮮花上樓。張小姐指，沒有收到單位相片，但寵物狗是大火之後四、五天在梳化底下找到，是焗死的，沒有被燒到，相信單位沒有被焚毀。
大火之後，張小姐媽媽在親戚家中暫住，據親戚所言，媽媽近來常常不能入睡，「本來回復咗，咁你接到通知話可以上去就嗰時，佢又嚟料，又瞓唔到。」
認為其餘座數應該修復
張小姐認為，宏福苑八座之中，只有最嚴重的兩座有需要重建，其餘座數應該修復，「我諗好大部分人都係唔想搬㗎」。她批評政府早早收集居民意願，然後才讓居民上樓，「咁你睇完之後，已經填咗表，咁可以點？」
原址重建 十年我等到
宏盛閣 5 樓居民廖先生周六（2日）回家收拾，今日下午在黃色暴雨下再步上樓梯，協助住同幢 17 樓的胞兄執拾單位。他透露兩個單位皆完好，因此對被迫遷離而感遺憾和失望，「始終住咗30幾年，𠵱家被迫要走，心情係唔開心。單位完好無缺，點解唔畀唔去做維修畀我哋入返去住，或者重新起過，你話九年、十年我覺得可以等到」。
如回到起火當日 姪兒功課攤桌面
大火發生五個多月，未遭祝融的家如被凝結時空。廖先生家中桌面仍放着姪兒攤開的功課，床舖仍是當日出門上班的凌亂情景。他說窗戶在過去一年多被大維修棚網遮擋，卻因為大火而重見他所懷念的海景。他續指因為上樓僅三小時，「拍一段片已經拿拿臨要執嘢」，匆忙收拾文件和母親的金器等等，需再次上樓盡量執走餘下物件。
擋著黃雨的藍雨衣
大埔下午落傾盆大雨，天文台發出黃色暴雨警告訊號，居民及關愛隊、社署出入屋苑略顯狼狽，但廖先生指宏盛閣樓梯仍然乾爽，上落無礙。當局向居民派發藍色雨衣，並以雨衣蓋於居民行李擋水。
