宏新閣 22 樓居民龔先生，因更改了時間，今早（4日）回家執拾，他點算發現單位內四隻龍鳳鈪及部份金鍊失蹤，損失共約 8 至 10 萬元，惟他不欲報警，「報警都幫唔到你，你覺得搵得返咩？你覺得搵邊個搵？冇可能搵得返。呢個情況底下大家乜都做唔到」。他形容當是「打個折」。他表示，上樓前一晚有些緊張，無奈回家發現失竊，「唔接受都要迫自己接受，好似唔見咗嘢，都要迫自己接受唔見咗嘢」。
龔先生原應更早上樓，因私人原因獲改期至今日回家。他透露三年多前與太太結婚後遷入宏福苑，火警當日聽到警鐘聲逃生，搭升降機趕快落樓。單位因大火損毁嚴重，可取走物品不多，最後帶走證明文件、有紀念價值的物品如童年收藏、結婚周年禮物等，相信不需要再上樓。
他有不捨得但只能向前看。「唔發生都發生咗，有啲嘢唔揭出嚟都揭咗，睇吓下一步要點做，如果無嘢做都無辦法，我哋身為普通市民，好多嘢我哋只能靠政府，係咪？」至於長遠安置，襲先生認為政府在現階段已盡力，但無法滿足所有人的需要，相信居民依單位損毀程度和傷亡，會有不同需要，希望政府能協助各人找到適合自己的居所或生活。
他贊成召開業主大會，但認為要釐清會議議題向方向，聚集有一定共識的居民方能有效討論，亦要有人統籌溝通。他希望聽證會後續得出結論，「唔好完全講邊個孭鑊，我唔想用到呢個字，但應該負責嘅人負責返」。
首輪上樓由由 4 月 20 日至 5 月 4 日。至昨日（3日），共有 1548 戶，5739人已上樓，共有 118 宗求警協助，47 宗已成功尋回失物，26 宗相信財物已被焚毁，30 宗無被搜掠痕跡，15 宗警方積極跟進，或進一步調查。
