「啱啱講求婚戒指，就係準備結婚，咁我哋𠵱家唔結住喇，搞埋間屋先。」揚琴音樂家鄺小姐一年多前購入宏福苑單位，原定入伙後結婚，惜婚禮因大火延期。她今日（3日）與未婚夫回到宏盛閣18樓的「新居」，上樓前最擔心求婚戒指和父親所贈首飾遭竊，幸好回家見一切安在。她離開前在家彈奏一首《今宵多珍重》憑歌寄意：「有一句係『相愛偏不能容』⋯我好鍾意呢個地方，但係我冇得再喺呢度住。」
上樓前憂求婚戒指被盜
鄺小姐今日與未婚夫和兩名朋友回家收拾，上樓前心情忐忑，「越嚟越近（上樓日子）就越嚟越緊張，開始唔係好瞓得着」，亦擔心屋苑失竊情況，不滿當局太遲讓居民回家，「如果可以早啲上去，就可以避免好多偷竊嘅情況」。
帶走三部揚琴和婚紗
鄺小姐回家後發現櫃桶被打開，幸點算後沒有財物損失。兩位男士在限時內來回18樓四次，帶走貴重物品、三部揚琴、表演服裝和電腦，還有婚紗，「（拎返）都開心㗎，到時一定要著，咁辛苦攞落嚟」。
準新人歷劫後情更牢固
剛裝修好的單位原先是倆小口的新婚居所，惟因大火被迫遷離，目前要處理住屋安排，婚禮需無限期延後，暫時集中心力應付眼前要處理的事。患難見真情，鄺小姐指與夫婚夫性格樂觀，很快接受事實，go with the flow（隨遇而安）。她亦感謝未婚夫大火至今五個多月的支持和照顧，「無論大火當日，到每個唔同階段，有啲事一齊經過，有啲決定一齊傾，都係磨練，我覺得我哋感情好咗。」
冀原址重建：而家根本無得揀
不過，她對於被迫遷走感到可惜，「因為我哋單位都無損毀，有啲灰，但無其他街坊（單位）薰黑情況咁嚴重，清潔吓、抽吓濕都住得人」。雖然希望能爭取原址重建，但鄺小姐相信機會渺茫，「而家根本無得揀」。
