估唔到上次上完去之後，到半年之後先至返到嚟⋯真係估唔到，返屋企嘅路係這麼近、那麼遠。」居於宏志閣的蘇先生，八旬父母於宏昌閣雙雙離世，分別被燒至碳化及只餘牙齒。事隔近半年後，他今早與親友重回父母的居所。
他打算在父母罹難的位置留下花束悼念，並嘗試在灰燼中尋回父母生前喜歡的物品。他也希望這只是暫別、能原址重建：「希望有緣可以喺度，再連繫返呢個社區、連繫返我嘅爹哋媽咪。」
相關報道：
宏福苑火災｜八旬雙親葬火海 父遺骸碳化、母「失蹤」逾月靠牙齒證身份 「政府責無旁貸」
望找回雙親的陶瓷馬
蘇先生與太太，今早駕車返回宏福苑父母住所。他在上樓前接受訪問，說原本未看到相片，「都諗仲會唔會搵到啲相片之類」，但看相後發現燒毀情況嚴重，「相信都應該冇」，預備了燒烤網、金屬探測器、鏟、凳仔等，望能找回父母生前旅行買下的陶瓷馬、龜等，「睇吓撈唔撈得返啲有紀念價值嘅嘢」。他亦準備了兩紮花束、及為父母和這個家寫上的心意咭，打算放在客廳和大門搜出父母遺體的位置。
這個星期以來，宏福苑的街坊陸續上樓，蘇先生說看到個個都很不捨、很感觸，「我哋都係一個⋯小家庭啦可以話，點解係會變咗咁樣呢？你真係冇諗過會變咗做咁樣。」
父母同於單位罹難，父親被燒到碳化、只餘頭顱和軀幹，母親只餘碎骨和牙齒。要踏足父母喪命的地方，蘇先生說早前找媽媽時曾要求一起上樓，已有心理準備；但離上樓的日子越來越近，他的心情既忐忑又緊張，今早 5 時多便起身，「喺度諗，會唔會做漏嘢、會唔會攞漏嘢」，「好多嘢諗囉，即係唔希望有遺憾做漏任何一樣嘢囉⋯盡量唔希望有遺憾」。
憶媽媽的湯水
蘇先生憶起，對上一次回家是飲湯，「媽咪好鍾意煲湯比我飲，但係再飲唔到媽咪煲畀我嘅湯」，憶起媽媽，他忍不住哭泣。上樓後，他「想盡快上到去叫聲爹哋媽咪，我返咗嚟」，臨行時也想說聲：「我哋一齊走，我帶你哋去新居。」
「我希望係暫別」
住在宏福苑 40 多年，這個單位承載許多回憶、有笑有淚，為一家人遮風擋雨，蘇先生說：「我唔想講話道別囉，我希望係暫別」，「希望政府聽到我哋少少嘅聲音啦，我哋真係好需要，我自己嚟講，好需要喺呢個社區有返個連繫，同爹哋媽咪有返個連繫。」
「我哋會好好照顧自己」
他最想跟父母說的話是：「叫佢哋唔使擔心我哋囉，我哋學識咗⋯學識咗自立，叫佢哋唔使擔心我哋，我哋會好好照顧自己，我哋來生希望再報答佢哋嘅恩情。」
今陪丈夫到場的蘇太不會上樓，會與蘇先生視像通話，與老爺奶奶道別。早上約 9 時 45 分，戴上頭盔的蘇先生和太太從社區會堂步向宏昌閣。他們在路上拍下一張合照，蘇先生與哭泣的太太相擁，其後兩人分別。
相關報道：宏福苑火災｜八旬雙親葬火海 父遺骸碳化、母「失蹤」逾月靠牙齒證身份 「政府責無旁貸」
