育有三子、12 年前新婚後購入宏泰閣低層單位的歐生歐太，今日（29 日）再次回家。家中嚴重焚毀，三個小時內，他們頂着滿頭大汗，以燒烤網篩去滿屋灰燼，雖未能如願尋獲結婚戒指，但最終尋回多本舊相簿，亦帶走兒子渴望取回、燒剩支架的兒童單車，「呢樣嘢真係曾經佢覺得好重要，雖然個樣已經變咗，都希望畀佢有機會摸吓。」
離開前，歐太將「心繫宏福」、「宏福人宏福情常在」、「同根、同心、同行、同在」字句，以索帶固定在窗口的橙色圍網外；又在原本放有代表一家五口的熊公仔的層架位置，貼上五隻熊啤啤的合照。她說最不捨宏福苑街坊的感情，指這半年來，街坊的連繫和支援是她的精神支柱。
上次回家，曾提過向小朋友說「人在、家在」，「你有爸爸媽咪帶住你，你𠵱家跟住我哋搬去邊度，嗰個就係你屋企」。歐太今與丈夫合力在牆上噴上「人在家在」四字，並在牆上寫上一家五口英文名的首個字母，及住在宏泰閣這個家的日子：「7.2014-11.2025」。兩人又與一家五口和外傭的全家福拍照留念，「唔好畀自己遺憾」。
「我哋五個會一齊同行」
歐太說，「人在家在」是支撐他們一家同行的原因：「想維持住佢哋一路長大都會記得，屋企人永遠都係最重要，有屋企人有支援嘅時候，所有嘢都可以解決，唔係淨係得佢哋三兄弟，係我哋五個會一齊同行。」
這次因為臨近考試，歐太擔心影響小朋友情緒，未有讓他們一同上樓。她希望能有第三次上樓，讓三個兒子有機會與這個家道別，「喺宏福苑呢個家劃上一個句號，重新開始佢哋嘅新生活。」
警關注張貼位置、稱或吹落街有危險
執拾期間，有三名警員駐守在大埔公路元洲仔段單車徑，不時抬頭望向單位。歐太在張貼字句前「禮貌上通知」陪同警員，稱準備張貼字句、但不涉敏感字眼，約 10 分鐘後有兩名警民關係科的警員進入單位打招呼，關注她的標語貼在何處。歐太說是室內，指大廈外是公眾地方、裡面則屬業主，她只是貼在自己屋的範圍，「我都好相信你哋啲網係頂得住嘅，宏業嗰啲頂唔住啫，你哋嗰啲貼咗咁耐」。
警：你知呢邊都大風嘅
警員回應「我哋 concern 都係危險㗎啫」，指「你知呢邊都大風嘅，唔知啲氣流點樣走法啦」，假設橫幅「吹咗落去」、或「大風得濟連個網都勾埋吹咗落街」，可能有機會砸到人或車。
歐太：除非你個網唔安全
歐太表示自己「索實咗個網，除非你個網唔安全」，歐生亦指問過其他警察，沒有字眼不容許張貼。該名警員望向歐生歐太的標語，說「呢啲字眼，very ok 嘅」，並重申對安全的關注，「個（橙）網 supposed 上面係唔勾嘢㗎嘛」，歐太即笑着摸摸當局掛在橙網的「危險 請勿靠近」紙牌，說「咁你都勾啦」。最終警員未有阻止兩人掛標語，並待他們完成與單位的告別後一同離開。
相關報道：
