居於宏仁閣高層的陳老太，今日一家六口上樓。陳老太指非常感謝政府，安排「上樓機」予中風十多年、現年 70 歲的陳老先生坐輪椅上樓，但陳老太同時指，「希望政府聽多啲聲音，我哋想開業主會，希望各界善長畀嘅錢，真係可以修復家園」。她形容自己與丈夫「係好徨恐，唔知道跟住我哋抽到咩屋」。
媳婦尋回結婚戒指
今次一家六口可以上樓，陳老太的兒子陳先生指「係一個道別」，其妻陳太就指慶幸尋回結婚戒指，「老公同奶奶喺廳嘅灰燼入面，搵到我隻結婚戒指」，彌補早前的遺憾。陳老太的女兒陳小姐指自己一歲多已經在宏福苑居住，「好有智慧嘅政府，相信佢會接納居民嘅意見……我哋係想原址重建」。
災後丈夫「幾乎日日喊」
陳老太指，丈夫在火災後「幾乎日日喊，有時喊幾次，上次上唔到去，更加觸景傷情」。「其實你見到好傷心」，但得知可以有上樓機輔助後，「佢係開心咗，好似真真正正同間祖屋告別，知道佢係好唔捨得……個心希望唔好離開宏福苑」，期間陳老先生亦有落淚。
曾思考「孭佢上去」
至於今日陳老先生上樓的狀況，陳老太指曾思考「孭佢上去」，後來得知有辦法協助上樓，「諗住試一試，上到就當係一個禮物，上唔到就現場直播」。後來有機會透過「上樓機」上樓，有兩名救護人員陪伴上樓，加上「推（輪椅）嗰兩位義工係好辛苦好辛苦」，對義工表示感謝。
「我哋慈悲嘅政府⋯⋯」
而上樓後陳老先生有否取回個人物品，陳老太苦笑「化成灰燼喇」，兒子陳先生補充，「真係一個道別」。陳老太亦在訪問時重覆在單位落拍片時所說的口號，「我哋希望原址重建，加油、努力！我哋慈悲嘅政府一定會完成我哋嘅心願！加油！」不過陳老太亦謂，「我哋話原址重建，會唔會好敏感㗎？」
上月 25 日，陳家首次回家，但陳太與丈夫只能在樓下等待與家人視訊，透過螢幕與宏仁閣 26 樓的舊居道別。陳先生因中風行動不便，需坐輪椅出入，因未能上樓，陳太當時曾向傳媒說：「佢坐輪椅，我諗佢哋應該安排唔到𨋢囉，唔知道可唔可以嘅呢可？唔知點解啲工人又可以上到去，有籠𨋢咁樣」。
相關報道：
宏福苑回家．第六天｜告別？怎告別？ 中風伯伯淚灑 長者：根種咗係度 拍下最後風景
