宏福苑居民第二輪上樓。宏昌閣居民羅曉琪（Phyllis）的母親在大火中罹難，她上次上樓遺憾未取母親的鑽石耳環，今日（24日）再回家仍尋遍不獲，「今次咪喺度嗌佢囉，喂阿媽，你好攞出嚟喇喎，喺邊呀究竟，不過嗌咗幾次都係搵唔到，睇吓佢會唔會都想我哋搵得到」。
不過，她終能帶走母親所贈的毛公仔和各樣證書，媽媽所戴的眼鏡一直不知所蹤，她今次也在家發現眼鏡的碎片。她續透露，上次上樓比較心噏，今日再回家心情較為抒緩，也不再需要狂風掃落葉般帶走物品，有時間和心思坐下來好好感受。
她說：「我覺得真係一個道別，我問哥哥點啊捨唔捨得走，佢話在心中啦，無辦法，無得再返去喇始終。」Phyllis 母親大火當日在家，與女兒最後一次通電留低一句「你同哥哥好好生活」。
她表示，今日回家或是最後一次，因此亦有傷感，「如果可以返屋企唔好咁困難就好啦，如果可以原始安置原址重建就好啦，係我哋屋企好希望，好多街坊都好希望發生，好多街坊都好掛住宏福苑」。如有機會再次上樓，她亦想再回家，「返去沉澱吓有咩未拎，始終都係自己屋企，會覺得點解要限住我次數同時間」。
相關報道：
宏福苑火災｜復刻蘿蔔糕滋味 寄託對亡母思念：好好生活，係佢最想見到嘅事
宏福苑聽證．第三日｜政府代表指 ICU 前年十月未見發泡膠 居民指九月已出現 「昂高頭就見到」
宏福苑回家｜「媽咪我哋返來啦」 羅曉琪兄妹 返家念亡母 「走啦，我地一齊走」
