宏福苑居民周一（20日）起至 5 月 4 日可分批上樓取回物品，限時上樓三小時跟家園道別。有居民希望當局能安排多於一次上樓，政務司副司長卓永興表示，政府評估後，認為一般情況下，如有需要，可以容許居民，在「三小時內，上落樓多過一次」。他又叫傳媒不要上樓做採訪工作，「如果有呢啲情況出現，我哋係唔能夠畀有關人士上樓嘅」。
政務司副司長卓永興周日（19日）接受香港電台專訪表示，逾 1670 戶 （約 97%）能按當局安排的時段上樓，當中 74% 登記四人上樓，共 6000 人上樓。當中約 1400 人屬 65 歲以上長者、47 戶決定不上樓，當中不少是看完相片後，決定不上樓。
卓永興表示，留意到不少居民希望上樓多於一次，他指政府再次評估後，認為一般情況下，如有需要，可以容許居民，在「三小時內，上落樓多過一次」。「我哋同各個部門討論後，咁就覺得，我哋喺一般情況之下，係會畀居民上落多一次，畀佢哋有更多方便執拾佢哋物品。」他指居民進出樓宇，基於保障其他居民財物的考慮，要由警員、民安隊陪同。
他表示，近日接獲居民反映，知道有傳媒邀約居民將他們加入上樓名單。他指，上樓安排是給居民了解單位情況及執拾。「居民向我哋反映，佢哋覺得呢，上樓都係一個困難，一個傷感嘅時刻，佢哋啲情緒都會波動。希望係呢個期間，唔會受到干擾同影響，能畀佢哋呢，安靜咁進行執拾，呢啲場面呢，畀人攝入鏡頭，影響到佢哋私隱」。
他表示，希望大家能尊重居民感受，為居民著想，不要上樓做採訪工作，「如果有呢啲情況出現，我哋係唔能夠畀有關人士上樓嘅」。他又指，上樓期間，嚴禁進入拍攝其他人的單位，或在公共地方拍攝其他人士。
在宏福苑旁的大埔廣福邨，警方在平台增設流動指揮中心。
