王女士的 93 歲母親，災前住於宏建閣 24 樓。王女士將於 5 月 1 日偕同外傭及家人上樓執拾物品，於是今天先到大埔墟港鐵站領取物資。 大火後，患阿茲海默症患的媽媽入住了老人院，最初常說要回家，家人唯有哄騙說「醫生要你喺呢度住，住到隻腳好翻」，老人家似懂非懂，「得閒就同你講『返屋企啦』，『返屋企啦』咁樣」。
雖然宏建閣火勢並不嚴重，只得一單位嚴重損毀；但王女士憶起當日母親逃生情況，仍餘悸猶存，「佢都算好彩㗎啦，個工人帶得到佢落地下咋，嗰陣時仲未封𨋢，如果遲五分鐘都唔得。」
說到此，王女士雙眼淚水湧出，接著說：「不過咁嘅講真，如果 93 歲唔好彩嘅話，我哋都唔會怨天尤人。講真一句，咁長命做乜嘢？」
王女士母親患阿茲海默症，災後獲社工迅速安排入住古洞的老人院。「佢初初成日話要返屋企，佢都唔知發生咩事。咁我地就呃鬼佢，我話你隻腳唔舒服啊，醫生要你喺呢度住，住到隻腳好翻，先帶返你出嚟。佢而家迷迷糊糊，又知知地，又有啲唔知咁。得閒就同你講『返屋企啦』，『返屋企啦』咁樣。」王女士慶幸，老人院環境安靜企理，比市區老人院舒適得多，即使每月費用 1.2 萬，她仍慶幸母親能在此頤養天年。
雖然母親居於二十四樓，但王女士指自己「做開運動」，所以「一啲都唔驚嘅」。她已鎖定取物目標——夾萬、護照、八達通手錶等等，不過亦擔心可能已被偷竊。即使相片不值錢，她也希望尋回：「當你在生嗰時去睇，你冇興趣去睇，但係呢，人一發生咗呢啲事，你就會想去睇。」
