宏福苑大火，未受大火波及的宏志閣，政府安排居民今日起（13日）至 17日上樓，同樣限時三小時，每戶四人可進入單位，可使用升降機上落。合安昨表示，宏志閣的維修估計需要 3000 萬元，未受大火波及的宏志閣居民，又怎看政府的收購方案？有居民認為，無論是樓換樓或出價，都不吸引。
宏志閣低層住戶呂先生，被問及對合安簡介會的看法時，他說：「算吧啦，唔好問啦！佢話乜就乜啦！」
宏志閣低層住戶呂先生，今天再度上樓執拾，他指上次上樓只有一個半小時，今次有三小時，「同啲街坊都傾過，都係盡攞」，他更自製了一張兩頁紙清單，希望縮短篩選物品的時間。他希望取回重要的文件，以及部份較容易搬運的家具、家電等到新居使用，如貯物櫃桶等，「都係拎返啲物品，去到再砌返」。
會當作今次是最後一次上樓
呂先生坦言，會當作今次是最後一次上樓，「安全啲囉，雖然其餘七座可以月尾再上，但自己呢幢唔知㗎嘛」。他透露，早前上樓時，因大廈已鑿走紙皮石，加上大雨連連，令家中已有滲水跡象，「已經浸咗張床㗎喇，希望間屋唔好發晒霉」。
政府安排居民今日起（13日）至 17日上樓，同樣限時三小時，每戶四人可進入單位，可使用升降機上落。
「唔知會唔會又觸動紅線」
對於昨晚合安舉辦的簡介會，他指「簡介會呀？算吧啦，唔好問啦！（解唔解答到你嘅意願？）佢話乜就乜啦！」對於有逾 200 戶業主曾要求合安開大會，讓居民投票表示安置意願，他指曾有聽聞街坊意願，但預料難以成事，「因為你咁多人聚埋一齊，唔知會唔會又觸動到一啲『紅線』呀咁」。
不過，呂先生認為有開大會的必要，「你一個禮堂其實都已經可以容納晒一幢樓嘅業主存在，可以核實晒佢哋啲身份，跟住你咪當面去數（票）囉，我覺得咁就最公道喇！」
有居民帶同了多個拖匧準備上樓搬物資。
指政府重置方案沒吸引力
對於政府的重置安排，呂先生認為，宏志閣的位置優越，他心繫舊居，「宏志嘅景觀係成個屋苑入面最優勝，我諗都好難搵得返，今時今日」，如要繼續居住，他指需考慮很多因素，「要睇下佢（政府）公佈嗰啲，話如果你一幢樓存在嘅時候，你將來要承擔咩費用甚麼甚麼，咁我諗要睇多少少」。
不過，目前的「樓換樓」選項卻不在他意願之中，「金錢上或者𠵱家 offer（提出）出嚟嘅樓換樓選項，我就覺得係冇吸引力，因為我都要考慮好多嘢，工作地點、大細各樣」。
宏志閣居民王小姐表示「搬屋幾時都唔夠啦，三個鐘」。
宏志閣居民林小姐說：「百般滋味在心頭，執就執唔晒嘅，始終係幾十年嘅家，乜嘢都想拎，但就攞唔走囉」。
居民：百般滋味在心頭
回到宏志閣完成執拾的林女士，談及再次上樓時，一度哽咽，她說：「百般滋味在心頭，執就執唔晒嘅，始終係幾十年嘅家，乜嘢都想拎，但就攞唔走囉，裝修、電器攞唔走，又剩返好多回憶喺度」。林女士回到家中，馬上尋找的，是她在職場上服務 26 年的證書，有安全獎、服務獎等等。
林女士現已退休，在大火發生前，她正在為家居大裝修，希望為自己築起一個安樂窩，安享退休生活，「估唔到而家人算不如天算，都諗唔到有一場咁樣嘅災火，大家都估計唔到，咁希望之後安排得好啲」，她表示心情沉重，「點都放唔得低」。
傾向售賣業權
林女士目前正居於過渡性房屋，希望盡快可以落實安置方案，她坦言要繼續居住宏志有一定難度，「如果要居住都係唔係幾啱，因為你裝修又未維修，外牆又未維修到，跟住啲屋契、管理點樣呀，一大籃子嘅嘢都係未知之數」。她傾向售賣業權，「既然而家政府有呢個計劃係要收返嚟點樣處理，或者起啲公共設施嘅，咁就算啦，但最好就快啲安排畀我哋有返一笪安居之所囉」。
「折現得三百幾萬」 難買二手屋
宏志閣居民王小姐表示，「搬屋幾時都唔夠啦，三個鐘」，體力上，一定應付不了。她表示，想取回相簿等有紀念價值的東西，也擔心有否被人偷竊。
她表示，家居本來正開始裝修。有街坊投資了大量金錢裝修，準備將屋留給子孫。她指屋苑的位置優越，近海濱公園，長者生活舒適，照顧小朋友也方便，不少街坊都不想搬走。
對於政府的收購方案，她指出，「𠵱家折現得三百幾萬，喺香港地買間二手屋買唔到，我哋個位置，買唔返，呢度近海邊，我哋呢度交通配套，出九龍、港島區，半粒鐘，返工返學方便」。
宏志閣居民林先生說：「老人家想返去住，佢哋好想返去」。
老人家想返去住
宏志閣的林先生，今日代年老父母執拾，他指心情沉重，「咁多街坊離開咗」。他說：「老人家想返去住，佢哋好想返去」。
政府早前表示，77% 宏志閣業主願接受收購。如 6 月 30 日前，有 75％ 業主簽署接受收購建議信件，會將宏志閣納入收購方案，預計涉 10 億元，否則將不涵蓋宏志閣。
業主大會？ 「仙女散花咁囉，點樣開吖？」
從事五金的宏志閣居民張先生說，今次上樓主要取回工作工具，已當是最後一次上樓的他，認為，三小時執拾時間尚可，因對物品位置「記定晒㗎啦。」
張先生指，昨日有簡單聽取合安簡介會，對於安置目前「無咩諗法，都係睇政府，市民有咩辦法啫？」他個人而言不打算重回宏志閣，因目前「零零丁丁得一座」水、電、煤在內都要重新架設，到時拆除其他大廈又會揚起大塵，考慮到收購價可接受，就選擇接受安置。
被問到有無需要召開業主大會，張先生說，「𠵱家好似仙女散花咁囉，點樣開吖？周圍都係（居民）啲人都打散晒。」
居民：主要執拾日用品
事隔五個月再回家，宏志閣住戶林小姐指，今日上樓主要執拾日用品，對上樓她也沒特別預算時間、也沒抱特別心情，「無預計幾耐時間，因為都係得三個鐘。」
昨日合安公布宏志閣情況，包括預計 3000萬維修費、重啟升降機至六月中等匯報，林小姐指有留意簡介會，對維修費，她說，「所有決定都係佢話事，都係聽、（業戶）冇得講」。對於是否出售業權，她表示也是「睇安排做決定」。
至於升降機安排，她指有設想過之後可以再回家，「但係你問我自己覺得，應該係可以再 extend 嘅，我可能咁始終啲嘢都係彈性，所有嘢未 confirm，咁都係待安排，我哋都冇得特別做啲乜嘢。」
首日開放七個樓層的居民上樓，上午開放單數單位、下午開放雙數單位。其後每日開放六個樓層。宏志閣有三部升降機，三部升降機分別到一、四、七樓；二、五、八樓；三、六、九樓的層數。民青局長麥美娟曾表示，希望每一部升降機在開啓一日，不會有過多單位使用，解決居民擔心因搬運後要等待升降機而沒有執拾時間。
宏志閣居民在去年 12 月曾上樓一次，當時每戶限兩人，只可逗留 1.5 小時。
相關報道：
宏福苑．簡介會｜將退 1.27 億大維修基金 業主倡表決安置方案、交合安商議 合安：唔係最適合做法
