宏福苑居民第二輪上樓最後一日，居民百感交集。宏盛閣居民脫先生今日（29日）下午回家，裝備比上次少，心情則比上次差，「因為真係要告別喇今次，告別唔止係我嘅家居，告別我嘅社區囉」。
大火當日十多人在三單位
他透露，家族在宏福苑有三個單位，半年前大火當日，三家十多人都在家中，幸好全部平安，「差啲滅族㗎，好嬲㗎其實」。他指出，現在回想屋苑大維修似乎並非必要，「當初講到好似好嚴重，危樓咁，所以先強制大維修，但最後結果燒咗咁多個鐘，幢樓無塌到，仲喺度喎，點解當初講到好似好危樓咁，要立即強制大維修？」他續指，當時搭棚後，工人每次開工時間很短，質疑維修可以「縫補補」方式分階段進行，不需長時間搭棚。
希望原址重建 或廣福公園重置
脫先生亦表示，他早在政府第一份問卷，已經寫明希望原址重建，結果選在對面廣福公園重置的人數為第三多。他估計，可能很多人在問卷表示想盡快安置，因此當局在短時間內選了10 個屋苑供居民「樓換樓」。不過，他認為有 9 個屋苑都不在新界東，與居民生活圈不吻合，而且部份單位需要補錢，不能視為真正「樓換樓」。
標語被撤 「唔需要做多餘功夫囉」
被問到如何看有居民被阻貼「原址重建」字句，他認為事件已肯定是災難，「都知道件事係衰咗㗎喇」，當局清楚知道如果處理不當或會製造出更大問題，就如宏福苑大火亦是由很多原因堆疊造成。他因此認為「前綫唔需要做太多多餘功夫囉，你話禁唔禁標語，啲標語唔會影響你，唔會煽動到啲咩，都係本身居民啲願望嚟」。
至於表達意見平台是否足夠，脫先生未具體回應，但指出問卷「結果係好似歪曲咗咁」，程序上亦應先開業主大會再決定居民去向，「𠵱家感覺上，啲程序、次序都錯晒咁，好奇怪」。
