宏盛閣何小姐今早回家，她回家後，貼出「我愛宏福」的字句，記者在屋苑外圍拍攝，有軍裝警員到場視察。下午約 12 時 35 分，直幡被移除。何小姐下午表示，上樓時收到電話，門外的警員也有干涉，要下落樓前先收回「我愛宏福」的直幡，「原址重建」四個字，也不許她貼在屋內。她直斥事件「好荒謬！」她說：「間屋係我，業權係我，點解你要做嘅嘢，鍾意點就點？」
何小姐下午再回家執拾，有警員要求她答應，不會在窗外範圍貼標語，方讓她上樓。何小姐指對方態度惡劣。她最終將「我愛宏福」標語掛在橙網後。
早上九時許，何小姐在屋內展示「我愛宏福」的字句。
12 時許落樓前，何小姐被要求收起直幡。
回家前，何小姐重申自己不會賣業權業，她說：「政府有嘢冇做足，冇人落台，聽證會七七八八，完成冇一句道歉，剩係識得叫你賣業權，呢個唔係好 make sense，政府做得唔好，你係咪應放返所有善款出嚟或者保險，我哋自己去搞，我哋自己可揾承建商做。」她說：「不如你畀街坊直接去做啦，業主大會你又唔畀，原址重建你又唔做，咁你想做乜呢？」。第二次上樓，她仍心情緊張，她說，仍想執拾梅艷芳的 CD、錄音帶。
對於近日居民不能張貼「原址重建」四個字，她說：「「好多街坊想原址重建，我又唔明，點解呢四個字唔出得街，有乜法例可阻止呢四個字呢？」對於「原址重建」的貼語，是否不能張貼，警方曾回應指，採取任何行動均會按實際情況處理。
今午落樓後，何小姐交代指，原來打算懸掛「原址重建」直幡，後來改掛「我愛宏福」後專心收拾，但上樓三小時，警方不時與她「溝通」，令其執拾進度滯後。
「唔係電話，就吖Sir同我講嘢，你要點樣配合返我哋（警方）做嘢」甚至最後要求她移除「我愛宏福」直幡，稱張貼紙張或有機會吹到馬路，構成危險；另一邊亦禁止她在屋內張貼「原址重建」訴求，令她感到無奈，「就算黐咗（牆）自己影相，佢都唔suggest你做呢樣嘢。」
原址重建的標語，被禁貼在自己的屋內。
她說，下午仍會再嘗試張貼訴求。「我唔係（貼）原址重建，我係『我愛宏福』都唔可以，咁我唔知，可能真係要寫四隻字『我賣業權』，或者樓換樓，佢咪唔介意你做呢樣喇。」
她續表示，自己尚未出售業權，已被警方限制，「間屋係我嘅，我要原址重建，你又話唔得，咁又話唔好黐⋯⋯和應你唔黐，黐『我愛宏福』你又話唔好，咁我唔知佢哋有咩係好？」
因單位損毀嚴重，且有大量物品要處理，下午獲安排第三度回家執拾。何小姐下午近 6 時再現身封鎖範圍近出口位置，一度被數名社署職員及警員圍繞，其後受訪透露，下午有高級的警員要求她上樓前先承諾，不會在單位窗位外面張貼任何圖文，她準備的「我愛宏福」標語只可貼在防護網內，不可貼在網外，「原址重建」字眼則不能在任何位置張貼，警員另要求其同行朋友不能在單位內做網上報道。
獲告知有上樓條件
何小姐指出，早前得悉可第三度上樓時，從未有人向她提出條件，上午回家時，警員亦指可以在窗戶貼「我愛宏福」，僅要求她不要在屋內外展示「原址重建」字眼，下午卻突然獲告知連「我愛宏福」都只能貼在防護網後面，以免破壞圍網。當時警員更向何小姐稱「我知你一定會同記者講」。
批警態度惡劣
她批評該警員態度惡劣，更召來多名警員，「算啦，佢把口大，我把口細，佢要兇我嘅、仲要係好惡咁兇我，唔係好似朝早啲阿sir 咁nice」。何小姐一度想繼續爭論，但擔心有機會被禁上樓，再無法取回個人財物，只好妥協，「我有得 say no 咩，我一定屈服畀你㗎」。
警告同行者不可在單位直播
她指，即使已和警員作出承諾，對方仍然嚴厲再警告同行朋友，不可在單位直播，「我都唔知𠵱家政府係做乜，間屋係我嘅時候，點解乜都話唔可以做？佢（警員）就話唔講咁多，『我只係打份工』」
另外，何小姐上次上樓，由關愛隊協助運送行李到封鎖範圍外的上車點，但她今日傍晚離開時，則獲告知署方做法已改，如何小姐需關愛隊協助，必需要在封鎖範圍內上車，關愛隊不會協助送行李到範圍外，「全部都係佢哋講，乜都係佢哋講」。她最終由隨行朋友協助搬 11 袋物品到廣福邨上貨車。
