政府今（21日）起一連九日再，開放宏福苑受火災波及的七座居民，作第二輪上樓。宏仁閣、宏新閣及宏泰閣居民，早上冒雨回家。有居民表示，家裏的小朋友利是錢不翼而飛，有居民不滿政府揚言立法收業權，認為有恐嚇成份，「你嚇到啲人唔敢講唔敢表達，完全冇一樣嘢做得好」。
社會制度咁，仲有發展嘅機會？
居民劉小姐表示，今日會執拾小朋友想取回的物品，「除咗大人，其實小朋友喺呢件事影響都好大，佢哋無辦法可以上返屋企，我哋影相畀佢哋都有情緒喺度」。她指，小朋友不明白，為甚麼家園沒有被大火波，及卻不能回家。
她又透露小孩的利事錢不翼而飛，「佢哋有問點解唔見咗？邊個攞咗？我唔識答小朋友」。她期望當局為了下一代「做得好睇啲」，「小朋友係社會棟樑嚟㗎嘛，如果社會個制度咁樣嘅情況，將來香港係咪仲有喺度發展嘅機會呢？」
環境和鄰里感情無法取代
被問到當局如何才算「做好」，劉小姐回應「問返啲官員啦，佢哋咁多錢，我哋呢啲蟻民嚟㗎嘛，佢哋咁攞咁多錢一個月，花紅都有 940 萬」。早前立法會資料顯示，30 位沒有爭取連任的立法會議員和助理發放合共 940 萬花紅或獎金。被問到如何評價合安簡介會，劉小姐稱「呢啲唔評論」。
劉小姐自小在宏福苑長大，子女亦同樣在此成長，她指宏福苑永遠是她的家，環境和鄰里感情無法取代，「我𠵱家覺得自己返唔到屋企⋯⋯我屋企就永遠都係我屋企」。
居民尹先生不滿政府用市民的捐款收購業權的安排，他說：「啲錢捐畀災民，政府有乜理由攞嚟用？你攞咗嚟用，又唔話畀我聽啲方案係點，剩係叫我哋賣業權，乜方案都冇，唔清晰呀政府部門，今時今日都唔知佢做咩，剩係喺度推卸責任。」
不滿收購業權手法
早上回家時，正下著雨，尹先提起，昨天也落大雨，他們居住的過度性房屋漏水，「我哋半年，屋企冇得返，個地方煮嘢食都煮唔到，沖涼轉個身都轉唔到」。他不滿政府收售業權的手法，「又要 6.30 迫我哋放棄業權，出法律要居民去賣，有恐嚇成份「你嚇到啲人唔敢講唔敢表達，啲事情永遠做唔好，冇一樣嘢做得好，完全冇一樣嘢做得好」。
宏泰閣居民何太的單位損毀嚴重，今再上樓會仔細檢查單位是否仍有物品可尋回，亦想在家懷緬及告別，她說：「以往自己點點滴滴都喺嗰度，想響嗰度再睇吓」。她透露一家自1983年宏福苑落成居住至今，「我哋咁多年，始終都係每個位置都係無論細路哥定成年人每個位置都係會好珍惜同會想再望多眼」。
宏仁閣居民羅小姐上樓前表示，希望合安能召開業主大會，另指近日表連收政府不同文件，對長者來說壓力甚大，「希望政府唔好將啲嘢迫得咁急」。另一宏仁閣居民表示已在宏福苑居住 40 多年，難捨街坊感情，第二次上樓仍是心情沉重。至於「樓換樓」方案，他認為新居民尺寸比宏仁閣單位「都好似細咗啲」，要再考慮各新樓交通和配套再作決定。
出售業權「焗住要做」
宏福苑去年五級火中，宏泰閣為最多人罹難的一座，居民郭太與丈提剛好在火警發生前一小時離家，逃過一劫，但住所全毁，更痛失多名感情要好的鄰居。
她今日（21日）第二次上樓後受訪，表示很感恩與鄰居重遇和在家尋到少量紀念品，談及離世街坊時感觸落淚。
郭太另形容出售業權是「焗住我哋一定要做」，夫婦初步考慮揀「樓換樓」方案的大埔頌雅路西資助房屋，但該苑至少四年後才入伙，其他新居屋則遠離她在大埔的生活圈，為陷入兩難而感惆悵。
大部份傢俬成焦炭
郭太在宏泰閣 8 樓單位被嚴重焚毀，全屋熏黑，大部份傢俬都已成焦炭。她透露上月首次上樓時沒有尋到有用物品，今日再上樓再翻找，成功找到少量紀念品帶走。她上樓時喜與鄰居重遇，「我細細個睇到佢大，大家見到都好感恩」，加上對方的母親已逝，令郭太相當感觸，一度落淚。「我識得好多樓上樓下，包括兩公婆、仔女，有阿媽，好多 全部我識得嘅街坊係喺我嗰座⋯⋯」她另感謝各團體支援，很開心今日可以再回家「畀我慢慢再回味吓」。
「東涌唔會去，將軍澳我哋唔識」
被問到出售業權意向，郭太指雖不捨得宏福苑但「𠲖家焗住我哋一定要做嘛六個月，正常都係要照住做」，惟她指暫仍未能在「樓換樓」方案選到合適屋苑，因大多數屋苑地點較遠，「東涌唔會去，將軍澳我哋唔識」。她目前暫居啟德過渡性房屋，地方狹小常撞傷，而且其生活圈子包括教會都在大埔，因此需頻繁交通，丈夫甚至情願在兒子家打地舖亦不願住啟德。她目前較想以樓換樓選大埔的頌雅路西資助房屋，但至少四年後才能入伙，令她感到兩難。
無聽民意，自把自為
羅先生今再次回媽媽居所收拾，他指母親已屆 91 歲，因此會出售業權，盡快買二手樓或居屋讓媽媽安住。不過，他亦批評政府未正視重址重建訴求。「我覺得佢唔係好完善，樣樣嘢都好求其，又無聽取民意，完全好似係自把自為，將個錯誤繼續延續落去，無諗過最初自己犯咗咩錯誤。」
他指，強制大維修被圍標及施工不受監管令人憤怒，令他感荒謬。他亦提及大火後很多居民想原址重建，但政府一口否定，「我覺得呢個係最唔尊重民意嘅地方」。他相認為，合安已做了可以做的工作，其餘表現有待觀望，惟大火發生後很多事已無法補救。
「搵返多啲回憶」
他們一家六口，由公屋遷到宏福苑，兄弟姊妹在宏仁閣渡過青春歲月，直到各自成家搬走，因此今日上樓主要為「盡量望多啲，搵返多啲回憶」。
「滿唔滿意都唔到我哋講㗎嘞」
宏仁閣低層住戶倫先生指，上次上樓，已搬走部分心愛的音響器材，今次帶同紙皮箱，打算清理餘下可帶走的心頭好。作為宏福苑一手業戶，倫先生說如今角色被動，「一來幾廿歲，無時間同佢磨…滿唔滿意都唔到我哋講㗎嘞，仲有乜嘢好講？」他指，自己也需要學習「斷捨離」，「我諗呢次都係，執埋呢次就算㗎啦。」
宏新閣低層住：收購價錢合理
宏新閣低層住戶凌女士指，對比首次上樓，今日上樓主要是兒子需要執拾衣物、相簿等。對於收購方案，她稱，當初希望原址重建，但需時八年、十年，她認為沒固定居所下「有啲真係唔實際」。
凌女士稱，現時收購價錢合理，會接受政府方案，謂「可能個人睇法唔同」，她又稱，身邊有朋友居於宏志閣，亦同意接受收購。對於合安兩輪簡介會，凌女士稱，「覺得OK（簡介會）」因設有發問時間，對於是否要開業主大會，她稱，對目前編排滿意，除非仍有事情想「再問」、「再知清楚」。
指合安簡介會 被抽中提問多屬資料性問題
宏泰閣中層住戶遺屬葉生、葉太，今午再次帶同鮮花上樓，葉太說，此舉是希望「畀返屋企有少少色彩」她指，對上一次上樓被告知單位情況嚴重，但上樓後發現只有一個櫃被支架撐住，而上次匆忙收拾後，部分櫃桶都有損毀，故今日上樓執屋清潔，也希望6月份姑姐生忌再帶花上樓，「嗰個始終係一個家，始終都希望收拾得好啲」。
原址重建 「20年都冇所謂」
政府數月前的意向問卷中，曾提及「原址重建」需要十年，葉生說，夫妻商討後，不論單位情況都有共識希望原址重建，或不出售業權，「20年都冇所謂，總之嗰個地方係我哋嘅，叫屋企嘅回憶，或者我哋屋企嘅地方。」
與丈夫一家相識廿年，葉太補充，理解其他街坊有迫切住屋需要，但二人希望兒子仍記得宏福苑是「爺爺、姑姐、嫲嫲都喺度，爸爸喺度住。」
「頭家冇咗啦」
「我哋屋企人都走咗，頭家冇咗啦，咁呢頭家你賠返份錢俾我 ，我哋又唔覺得好急。我覺得（單位）仲喺度嘅，我哋仲起碼有個聯想，起碼可能日後有機會，我哋可以隨時上去呢？咁你理得我上去做咩 ？總之我哋有個情感喺度，你唔可以抹殺我。」
對於合安兩場簡介會，葉太表示不解，為何有人會在短短兩小時內，重複提問網上、新聞可查閱資料，如退款安排、業權份數等，「最重要問呢啲問題嘅人，係識得上Zoom meeting、識舉手發問㗎喎？」
葉太指，自己最關注有關全險賠償問題，因早前解說隊不曾提及出售業權後，20億元的財產全險賠償，會因出售業權後盡歸政府，而居民索償只有家居賠償，但又要等聽證會釐清權責。
罹難老爺是業主 未知如何就火險索賠
葉太續提起另一疑問，以他們一家為例，因作為業主的老爺罹難，應向代理法團的合安理賠，抑或直接向太平保險索賠；索賠又應在收購業權前或後處理？圍封狀態下，公證行怎樣入場評估等，通通屬於未解之謎「我覺得流程好似唔係好啱，但又講到好啱咁。」
上周被捕獲保釋 江祥發再回家
上周被警方指涉詐騙「百份百擔保特惠貸款」及洗黑錢，拘捕的宏福苑前法團成員江祥發，今日（21日）孭上「紅白藍」袋再次回到宏仁閣的家。他上周六凌晨獲釋後，向記者表示，從今以後不會再接受任何訪問。被記者問到什麼原因，他說不需要解釋原因，對任何問題都不作回應。江祥發是宏福苑前法團成員，橫跨鄧國權和徐滿柑兩屆新舊法團。在宏福苑大火後，他仍有就居民的訴求發聲。
