天文台再次發出酷熱天氣警告，大埔氣溫高達 36 度。年過 70 的羅先生今日（29日）再次步上宏福苑宏盛閣高層住所，運走大批物品，包括已故父母的遺物。他上樓前批評政府冷處理大火責任，反問「168 條人命，竟然間就咁樣，無聲無息咁唔見？」他也不滿長遠安置資訊不透明，認為當局以實用面積計算收購價不公。
點名批評麥美娟 冀政府反省
羅先生受訪時表示，不滿未能召開業主大會，點名批評民青局局長麥美娟：「佢講過賣業權係我哋自己嘅事，但係業主立案法團係你香港政府要求我哋做嘅，咁你話畀我聽，你話你地自己決定嘛，咁你法團要嚟做咩呀？我想知道，係咪我哋以後都唔需要法團？每一次維修都係自己顧自己呢？」
他指出，整個屋苑業主同時出售業權，需要一起商量如何處理，不少業主已表達欲開業主大會的訴求，「香港政府怕咩呢？難道呢啲咁簡單野都做唔到？希望佢哋好好反省一吓，畀個清晰我哋」。
實用面積計算收購價不公
他認為，政府長遠方案「淨係迫我哋賣業權」，原址重建或在廣福花園重置選項失蹤，而且「樓換樓」資訊含糊簡略，令他不知如何選擇合適單位。他續指，業主購入單位時，價錢以建築面積計算，然而當局以實用面積每呎 $8000 收購單位業權，對居民不公，亦無法用收購價在私人市場覓得大小相約單位。
亂過馬路要罰款 「168 條人命點解無人講句說話」
羅先生另不滿政府無人承擔宏福苑大火的責任，「我哋行出馬路，如果（交通）燈閃下閃下都罰 $3000，咁你哋呢？ 168 條人命，點解無人出嚟講句說話？對我哋啲市民係咪好唔公平呀？每一樣嘢都要有人承擔」。他希望政府聽到市民聲音，當面解釋清楚何以會發生大火悲劇，「全世界都望住你點樣處理呢件事」。
