宏福苑大火聽證會涉事方之一、曾於會上作證的李國鴻，92 歲的母親居於宏昌閣高層，由兩名外傭照顧。火災當天三人離家後疑因驚慌，獲鄰居老夫婦開門「照應」，翌日消防員在該單位發現五人一同罹難。李國鴻的家人昨回單位，打算到鄰居門口獻花時，遭警員禁止。李國鴻不滿謂：「好離譜囉，其實有咩傷害到佢呢？」
以「樓梯雪撬」取回電器
李家獲安排昨（28 日）日上樓，李國鴻因行動不便未能上樓，由弟妹代勞，他事前自製加裝木板的紅白藍袋「樓梯雪撬」，方便家人搬運物品，又預備了清單予他們執拾。李家單位大致完好，成功以「樓梯雪撬」和紅白藍袋等取回電視、抽濕機、風扇、水壼等家品，及相簿和印章等；亦取回兩個外傭的家當，交予協助她們的工權會，「做到嗰啲實畀返佢」。
李國鴻事前準備了四紮花束，分別予母親、兩名外傭和鄰居夫婦，望能放在五人罹難的單位悼念：「因為我媽同姐姐都係嗰度走㗎嘛，梗係去返嗰個位啦」；而準備花束予鄰居，是希望向他們道謝：「多謝佢啦，唔好理佢得唔得都好啦，起碼都幫到比佢入去先⋯去人哋嗰度，都要同人哋講聲，多謝人哋」。
警不准鄰居門口放花束
但他引弟妹表示，打算到鄰居門口獻花時，現場警員指不得將物品放在別人單位、亦不得拍照，最終他們擺花悼念後，將花束移至母親及兩個外傭的睡房。李國鴻不滿謂：「好離譜囉，其實有咩傷害到佢呢？你擺紮花喺度咋嘛，點解會傷害到佢？好奇怪。」
家人居於此單位 40 多年，李國鴻雖非住在這裡，但也時常上樓探望。這次未能親身上樓道別、只在樓下等待，他坦言遺憾可惜：「最後一次都睇唔到」，只能讓弟妹幫他拍照留念，「冇辦法」。他指，仍有部分家品未取回，如有機會盼能再多上樓一次。
相關報道：
宏福苑火災｜九旬母、兩印傭喪火海 曾問發泡膠封窗獲覆「冇法例管」 兒子誓「跟到底」追責
