宏泰閣低層居民莫女士，周五（1日）早上 上樓執拾，大火後她發現懷孕，但因失去居所、無處安胎而被逼流產；又斥政府「選擇性失聰」、圖以立法收回業權是「撳住嚟搶」，自言居於宏福苑逾 40 年，「100% 係想原址重建」、「等幾耐我都肯等」。
莫女士的家被嚴重燒毀，上樓後，她表示家中有近 80 萬金器和現金不翼而飛，已經報案，斥賊人「趁火打劫，真係唔怕報應？呢啲要落地獄㗎！」她又指，家中大量絕版書籍，包括全套博益出版的《叮噹》漫畫被燒毀，感到很心痛，「我今日先發現我冇同過啲書影相」。灰燼中，她保住了家中珍藏的果皮。
失聯了三小時後尋回父親
莫女士憶述，大火當天僅父親一人在家，聞到燶味後開窗見樓下有火苗，即關窗離開，一出門已很大煙；她與丈夫趕回宏福苑找尋父親，電話一直聯絡不到，感到很害怕，最終在父親失聯了三小時後成功尋回。
她形容「頭嗰幾日都未喊得出」，直至情況開始定下來才哭出來，當時安置和補助資訊混亂，要如「捉精靈」般頻撲，哽咽道：「𠵱家過咗咁耐，都仲係好唔開心，個心仲係嗱住，都仲係會發夢想返屋企。」
想改期聯絡五次均無果 傳媒報道始獲批
莫女士稱，本來安排於 4 月 29 日上樓，但與父親的醫院檢查撞期，向社工申請改期，但聯絡五次均無果，她後來找記者訪問、報道刊出當天社工便通知她可改期，「仲有幾日畀我揀」。
她嘆過程很不開心、安排很差，「我哋嘅要求、我哋嘅訴求，政府冇聽到，每一次我哋講完之後，佢都好似選擇性失聰，跟住就擺低咗，然後就畀其他嘢我哋⋯但佢冇打算同我哋去傾、冇真係坐低傾。政府一開始就話以情行先，但係我哋覺得成件事係完全冇人情味。」
災後無地方安胎而流產
莫女士又說，大火後發現自己懷孕，但「我保唔到個 BB，因為我冇咗屋企，我冇地方安胎，咁後尾 BB 就冇咗囉，即係被逼要流產」，又說「一個大火，係冇咗好多嘢，冇咗個屋企，冇咗個實質嘅家，連小朋友都冇埋，呢件事本來係有得避免。」
街坊質疑鴻毅 曾有區議員傳話：叫你個女唔好出聲
她憶述，自舊法團聘請鴻毅開始，已有很多街坊出聲指「呢間嘢唔得喎，點解要搵呢間」，但「冇人理過我哋，冇人幫到我哋出聲」；更有當時的區議員「會同啲老人家講，叫你屋企個女，即係同我阿爸阿媽講，叫你個女唔好出聲」。推翻舊法團後換轉法團，以為有曙光，但又被恐嚇說不能轉合約，否則賠錢。就工人食煙問題，街坊投訴多次、拍片、拍照放上網也無人理會。
「我 100% 係想原址重建」
莫女士不贊成回購方案。她說自三歲搬入宏福苑，「我冇離開過呢度，呢度⋯唔淨係個家咁簡單，唔淨係屋企咁簡單，係我哋嘅根嚟，𠵱家就係冇咗個根」。她指現時安置方案的選項「全部都唔係我哋想要」、亦有很多細節不清楚，「我住喺度 40 幾年，我 100% 係想原址重建，等幾耐我都肯等，我都係想等」。她望政府有重建方案，即使一棟或三、四棟也好，讓想回來的居民可優先回購。
斥政府「撳住嚟搶」
莫女士又指，政府稱不多人想原址重建、又稱以立法收回不想賣出的業權，是「撳住嚟搶」：「啲老人家聽到就自然會縮，𠵱家政府係用恐嚇嘅情況，然後逼啲老人家就範」。她又質疑，宏志收購方案是「霸王硬上弓」，指本來宏志閣仍在，原則上他們可購買宏志的單位、與街坊交換，但現時「我哋連返屋企嘅機會更加變成零」。
proud of 宏福苑
莫女士續說：「我好 proud of 自己話畀人聽我住喺邊度，我住喺宏福苑，宏福苑邊度，就係大埔入嚟第一個屋苑，啡色樓嗰啲，我由細到大咁同人講」，即使別人說啟德的屋苑有多好，「都唔夠我呢度，我係好想返嚟呢度」。她很希望召開業主大會，但「政府唔岌頭畀佢開，點開得啫？我哋自己就算開都好，我喺邊度開呀？唔驚非法集會咩。所以有好多嘢唔講得、唔做得、唔知點算」。
她又說，外面常有人說宏福苑居民很貪錢，但「第一我哋唔貪，第二我唔想買樓，我唔想跌返入個市場同大家一齊爭居屋，唔係我想㗎」，但政府無考慮原址重建時，「就逼我哋出去同人哋爭居屋囉」。她說，「其實你原址起返畀我，我咪喺返呢一度囉，我唔需要動用其他社會資源、都唔需要同其他人去爭，唔需要將宏福苑同其他市民分化囉。」
莫女士上樓後，向記者提供單位相片和影片，顯示屋內損毀嚴重，牆身熏黑、地面一片瓦礫。她尋回三罐 40 年以上的陳皮、紫砂茶具及舊相簿等，但相片沾濕，需要修復。
近 80 萬金器、現金不知所蹤已報警
她又指，屋內原有一個膠箱，存放母親約值 45 萬的金器等，父親亦以該膠箱和數個月餅罐儲放現金，連同金器總值近 80 萬，但這次上樓均找不到。當中放膠箱的位置特別乾淨，「連溶咗嘅膠屍都冇」；雖找到其他裝茶葉的罐，「但放現金嗰幾個月餅鑵就冇咗」。莫女士認為「可能畀人偷咗」，已就此報警，警察立即上樓，但無法找回失竊物品，她憤稱「好嬲！個賊好無良、卑鄙、趁火打劫，真係唔怕報應？呢啲要落地獄㗎！」
大量絕版書燒毀：好心痛
莫女士又提到，家中原收藏多本她自小學開始，以零用錢購買的絕版書，包括錢穆《國史大綱》、郭廷以《近代中國史綱》、全套草日漫畫、全套博益出版的《叮噹》及《龍珠》漫畫，及中學老師送的一套 70 年代出版白話文《資治通鑑》。當中叮噹由她小學開始儲、其他由中學開始，收藏超過 20 至 30 年，「博益都執咗，叮噹連名都改埋」。她說這些書原本打算留給女兒，現時在大火中燒毀，「好心痛，真係買唔返」，「我今日先發現我冇同過啲書影相」。
相關報道
深度：
宏福苑回家｜哭別雙親 面臨收購 遺屬蘇先生人亡家破 卑微願望盼重建
宏福苑火災｜工權會訪遺屬 記罹難外傭故事：想佢哋每個人嘅名、故事出現返
宏福苑回家｜災民回家記 忐忑準備 8 分鐘上 15 層 執廿袋家當 無暇哭泣
宏福苑回家｜夾萬鈔票化飛灰 婚照相簿倖存 與家園自拍好好道別 戶主盼消化情緒前行
聚焦：
宏福苑回家．第 11 日｜父女罹難 家人尋回全家福 居民房間被搜掠 失十多萬元財物
宏福苑回家．第十日｜宏泰閣、宏建閣居民回家 卓永興認不止一個單位被堆雜物宏福苑回家．第九天｜女兒場外遙念亡母 住戶返家驚見一屋堆滿外來雜物
宏福苑回家．第八天｜遺孀憶丈夫最後通話 倖存者暗寸卓永興 居民質疑七座全拆
宏福苑回家．第七日｜鄰居罹難 43 年家園化灰 宏昌閣街坊哽咽 宏道閣居民回家再影全家福
宏福苑回家．第六天｜告別？怎告別？ 中風伯伯淚灑 長者：根種咗係度 拍下最後風景
宏福苑回家．第五天｜雨中別家園 葉家駒：心情複雜 居民哭訴：三個鐘難執咁多年嘅嘢
宏福苑回家．第四天｜宏昌閣、宏仁閣居民今回家 災民：慶幸人還在
宏福苑回家．第三天｜最後一批宏新閣居民執拾 屋居民感慨：出面咁繁榮，裏面頹垣敗瓦
宏福苑回家．第二天｜擁兩單位戶主 自費購外骨骼上樓 「損傷兩間，記憶兩間」
宏福苑回家．第一天｜紅網圍封 灰燼挖掘家當 首日 264 人上樓 三宗失物求助警續跟進
圖輯｜遺屬回家祭雙親
宏志閣重置｜議員上月指逾五成業主想賣樓 政府今指達 77% 爭重建居民：效率犀利呀
宏福苑回家｜宏志閣 5.13-17 限時上樓 卓永興：望保持一致性
宏志閣重置｜63 日內抉擇 6.30 前未夠 75% 業主願賣業權 收購方案會「拉倒」
宏福苑回家．訪問｜雙親葬火海 蘇先生帶花回家悼念：望來生再報答恩情
宏福苑回家｜作供曾自責 好好道歉 重擔稍放 高以蕾：我哋會再返嚟
宏福苑回家．災廈眾生｜廿蚊燒烤網 灰燼「淘」家當 樂天爸爸也有憂慮
宏福苑回家．災廈眾生｜家園焚毀 愛貓骨灰龕倖存
宏福苑回家．災廈眾生｜長輩曾是名媛世家 「成屋都係文化嘢」 居民見證宏福苑的誕生和終結
宏福苑回家｜「媽咪我哋返來啦」 羅曉琪兄妹 返家念亡母 「走啦，我地一齊走
宏福苑回家｜重返嚴重焚毀兩居所 子單位見煙頭 父家園有部分金器未尋回
宏福苑回家｜七旬住戶搬走「聽咗 30年」音響 對政府收購方案「好唔忿氣」
宏福苑回家｜宏昌閣頂樓 唯一沒燒的單位 八旬夫婦：好想返去住 將會「樓換樓」
