宏志閣居民今午（15日）冒雨上樓，黃小姐推着行動不便母親回家，離開前將手寫字句「♥️宏福」貼於窗前，表達不捨。「我爸爸前年過身，呢個屋企係佢留畀我哋一個好溫暖嘅家，同埋佢一生嘅心血。」
去年11月宏福苑五級火當日，黃小姐的媽媽獨自在家，因玻璃窗被發泡膠密封而不知火警，幸得住宏仁閣的親戚致電，催促她趕快逃生。宏志閣是宏福苑唯一未遭火燒的樓宇，黃小姐原以為新年過後便可回家，因此大火後不久獲安排上樓時，只取走重貴物品和三套衫褲，今日上樓，她最想取回夏天衣物，媽媽則掛心珍藏的蔘茸海味和廚具。「今次呢三個鐘頭我哋非常珍惜，希望可以封執多啲嘢，同埋喺屋企度懷緬一下，因為唔知幾時可以又再上去」。
在宏志閣出生的她坦言，前一晚輾轉難眠，擔心媽媽心情和上樓安全，亦不希望要抱「最後一次」的心態回家。「宏志無燒，政府成日講我哋尊重私有產權，呢度係我哋私有財產，我哋未賣業權，係可以繼續返上去。」她理解屋苑情況不宜居住，但認為宏志閣外有完整通道，冀政府彈性安排居民多次上數，亦希望不須限時。
宏志閣居民要在六月底前決定是否賣業權，黃小姐表明不願遷走，但尊重所有鄰居的選擇，望街坊保重：「我哋住咗喺度好多年，每一個宏志、宏福街坊，以我認識嘅Auntie Uncle、佢哋嘅仔女、佢哋嘅孫都係心地非常之好，亦都好熱愛呢個社區，接下來呢一段時間希望大家好好面對，好好生活⋯⋯照顧好自己身體，我哋有好多嘅路要行」。
「無可能用兩個月時間決定賣唔賣」
「我無可能用兩個月時間決定賣唔賣住咗40幾年嘅家。」黃小姐從出生居於宏志閣至今，單位代表已故父親留給家人的愛，也是母親安享晚年的安樂窩，因此她在政府和合安解答疑問火險前，不會考慮出售業權。「點解要賣呢個單位？我根本就喺呢度住緊。如果無呢件事發生，無維修，無火燭，呢度將會係我媽媽住到佢走嘅一個單位⋯⋯我唔會走。」
去年 11 月 26 日下午三時許，黃小姐接到媽媽逃生後報平安的電話，立刻趕回宏福苑，看着大火逐幢樓蔓延，直到所住的宏志閣低層亦冒出火光。「我同阿媽講唔好企喺度睇，因為我唔想老人家望住自己幢樓燒。」宏志閣初起星火很快被消防撲滅，為屋苑唯一沒有遭火燒的大廈，張小姐一度以為等兩三個月便可以回家，沒想到等了近半年才獲准回家三小時。
黃小姐指過去幾個月，每日聽街坊訴說單位情況、離世親人的故事都感難受，加上自己回家無期。「每一日安排都非常混亂，搞到我哋無所適從，所以好複雜個心情。」她指當局起初稱會修復宏志閣需時約三至四個月，後來延至九個月，「我哋都等啦，你話復修嘛，你講嘅嘢我哋係配合，咁我哋咪等囉，突然之間你又同我講有兩個月限期，呢度已經有77%居民願意賣（業權）喇」。
表明不考慮賣樓
黃小姐早向解說員表明不考慮賣樓，不清楚政府如何得出 77% 的數字，消息令街坊擔心是否有很多鄰居都想賣樓，質疑做法如迫人賣業權。「政府成日話唔想我哋互相影響決定，但佢將數據用唔清晰、好唔透明嘅方向講出嚟，其實某程度影響街坊諗法。」她強調，今年初有 427 戶在官方意向書表明只接受原址重建，但政府從來沒有提供此選擇。
火險是否足夠支付修葺費用？ 合安未交代
她續指，即使不談數據，當局周四（14日）突然要求居民在兩個月內做決定亦是趕急，「我哋冇資訊去決定呢個單位究竟係點，咁我覺得唔賣喇，你畀多啲資訊，我就再考慮啦」。她所指的資訊包括火險是否足夠支付 3000 萬元修葺費用，惟合安管理有限公司從未交代，並指維修費需要由宏志居民支付。她更認為以香港人效率不難盡快召開業主大會，「好希望大家居民可以坐低，政府、合安聽我哋聲音，我哋可以表達意見，大家係真誠溝通」。
回家跟街坊好友聚舊
與同幢鄰居 Feon 一樣，黃小姐也在單位窗戶貼上字句表明「♥️宏福、回家♥️」，兩個人趁上樓當日見面，難掩舊友聚頭的興奮。她們是小學同學，「坐同一架校車識嘅」，兩個女生在宏福苑公園由細玩到大。Feon 表示自她結婚遷走後，二人近十幾年較少聯絡，因為大火後互通消息而重新連繫。「我哋嘅意念相同，我哋嘅諗法、睇法都好相似，自然會啱傾返，好多交流。」
二人由火災至今堅持不離宏志閣，被問到為何非宏福閣不可，黃小姐答回家是理所當然，「呢度就係一個屋企，我唔係要所有資源，我唔係要援助，都唔係要間新嘅屋，我係想喺返宏福苑居住，呢樣係我哋對家嘅連繫，我哋只係想攞返本身擁有嘅地方」。Feon 則能想像很多人未能體會居民感受，「唔理解嘅人可能心目中未搵到自己好鍾意嘅嘢」。
