居於宏昌閣 24 樓、火災當天搭升降機逃生的高以蕾，今午與姐姐一同上樓執拾。她早前曾於聽證會上供稱，後悔無拍門通知鄰居、自責做得不夠好。高以蕾哽咽說，希望能與罹難鄰居道歉：「知道樓上樓下好多都冇晒㗎喇，同層都有啲走咗，咁我最想、最想先係返上去先⋯⋯道個歉」，「希望佢哋喺天堂，唔會再有痛苦」。她最終與姐姐在單位門口放下一隻紙鶴悼念：「我做咗我想做嘅嘢，我有好好咁道歉。」
最有安全感的路 現失安全感
高以蕾與姐姐下午於大埔墟站接受訪問，事隔五個月首次回家，胞姊說今早開始已心情緊張，擔心帶不夠袋收拾，又哽咽稱：「咁耐以嚟第一次返返去呢，有少少擔心睇到面目全非嗰吓。」
高以蕾說，最想取回有紀念價值的物品和相簿，「由細到大宏福苑長大嘅相簿喺晒上面」。她自言緊張，「因為你行返屋企嗰條路本身應該係最有安全感段路，但你𠵱家一啲安全感都冇⋯唔識形容，因為陣間見到嘅嘢應該係會⋯好恐怖囉」。被問擔心見到什麼，她深吸一口氣，眼眶通紅、雙手顫抖，一度說不上話來。
精神支柱公園遭剷走
在旁的姐姐摸了摸高以蕾的頭，回答主要擔心環境與以前熟悉的「唔同晒」，指宏福苑居民有共同回憶的地方如公園，在無經諮詢下便遭剷走：「其實災後我哋已經心靈好脆弱㗎喇，但係連嗰啲淨低落嚟少少嗰啲叫精神支柱、一啲心靈安慰到嘅地方，你問都冇問過我哋就拆晒，其實返到去我好驚見到已經唔同晒嘅畫面，我好驚自己都會忍唔住喊。」高以蕾亦在旁拭淚。
姐姐續說，自己一家是宏福第一手住戶，即使公園被拆、環境猶在，「我哋淨低嘅精神支柱可能就係我哋望到嘅風景，所以我哋真係好想如果可以嘅話，原址返返去住囉。」
高以蕾亦身體顫抖、哽咽說：「因為我係宏昌吖嘛，我知道樓上樓下好多都冇晒㗎喇，同層都有啲走咗啦，咁我最想、最想先係返上去先⋯⋯道個歉」，她一度哽咽未能言語，續道：「即係希望⋯⋯佢哋喺天堂⋯⋯唔會再有痛苦」。她說帶了紙鶴，望放在現場悼念。
「我做咗我想做嘅嘢」
高以蕾今午與姐姐回家後再接受訪問。她一度哽咽，再輕聲說「我做咗我想做嘅嘢，我有好好咁道歉。」如今完成心願，她有稍稍放下重擔，「因為我走出嚟之後，因為我剩低一個人，所有嘢都好辛苦⋯⋯因為好多人走咗」，說罷低頭拭淚。高又說，今天終於回家，「但返屋企好難」，她「好想多謝幫過我嘅人」，最終也成功在單位找回記載成長點滴的相簿。
妹妹在火海逃生，二人今被問到如有機會，會否重返家園，高以蕾頻頻點頭，姐姐則說「絕對會，返幾多次都一定會，隔幾耐（都好）總之有機會都會返嚟。」她說，宏福苑對她們非常重要，二人也非抱着道別心態上樓，臨行時，只對單位說：「我哋會再返嚟」、「我哋下次見」。姐姐亦哽咽對妹妹說：「無論變成點呢，我哋都想返嚟，係咪呀？」高眨了眨眼說：「多謝家姐。」
caption: 高以蕾和姐姐放下紙鶴悼念，姐姐說本來想放通道，但不容許，最終放在自己單位門口。（受訪者提供）
相關報道
宏福苑回家．第七日｜鄰居罹難 43 年家園化灰 宏昌閣街坊哽咽 宏道閣居民回家再影全家福
宏福苑回家．第六天｜告別？怎告別？ 中風伯伯淚灑 長者：根種咗係度 拍下最後風景
宏福苑回家．第五天｜雨中別家園 葉家駒：心情複雜 居民哭訴：三個鐘難執咁多年嘅嘢
宏福苑回家．第四天｜宏昌閣、宏仁閣居民今回家 災民：慶幸人還在
宏福苑回家．第三天｜最後一批宏新閣居民執拾 屋居民感慨：出面咁繁榮，裏面頹垣敗瓦
宏福苑回家．第二天｜擁兩單位戶主 自費購外骨骼上樓 「損傷又係兩間，記憶都係兩間」
宏福苑回家．第一天｜紅網圍封 灰燼挖掘家當 首日 264 人上樓 三宗失物求助警續跟進
宏福苑回家｜作供曾自責 好好道歉 重擔稍放 高以蕾：我哋會再返嚟
宏福苑回家．災廈眾生｜廿蚊燒烤網 灰燼「淘」家當 樂天爸爸也有憂慮
宏福苑回家．災廈眾生｜家園焚毀 愛貓骨灰龕倖存
宏福苑回家．災廈眾生｜長輩曾是名媛世家 「成屋都係文化嘢」 居民見證宏福苑的誕生和終結
宏福苑回家｜「媽咪我哋返來啦」 羅曉琪兄妹 返家念亡母 「走啦，我地一齊走
宏福苑回家｜重返嚴重焚毀兩居所 子單位見煙頭 父家園有部分金器未尋回
