居住宏盛閣 30 多年的住戶廖先生今午上樓，他希望取回黑膠唱盤、音響器材、小型家電等用品。他預料今天是最後一次上樓，「唔知會唔會有第三次俾你㗎嘛，當今次最後一次，盡量執晒啲嘢，最後懷緬吓囉」。
「有得重建梗係揀重建」
對於安置計劃，他不評論政府的回購方案，「我自己有得重建梗係揀重建」。然而，近日不少街坊在單位內貼上「重建」的標語後卻被撕去，廖先生批評「唔明佢（政府）驚啲乜嘢，都係大家嘅聲音嚟啫，大家唔同意見，你冇理由抹殺咗人哋把聲」。他指，由於自己屬低層單位，窗戶被外面的隔音屏障擋住，因此未能在窗戶留下訊息。如果可以，想留下甚麼？「原址重建啦，我愛宏福苑」。
聽證會「大家都喺度踢緊波」
廖先生的父母是第一手業主，居住宏福苑 40 多年。大火災燒家園至今半年，目前一家人住在過渡性房屋，「一定係住得唔舒服㗎，都要習慣，冇辦法」。他認為目前需優先處理的是追究責任，然後才處理居住問題，「你話賠唔賠償、邊個賠償，呢啲等委員會決定返，但還返個真相俾居民先」。不過，他形容聽證會是「大家都喺度踢緊波」，「個個波都係踢嚟踢去，好似個個都唔關自己事咁，咁睇嚟大家都唔想孭返個責任」。
要追討責住，廖則希望各位街坊努力生活，「繼續向前行啦，各位街坊，明天會更好嘅，我相信」。
