宏福苑大火發生逾 10 個月，業主「特設銷售計劃」今日（29日）開始揀樓，有 35 戶申請者獲安排揀樓。不少受訪業主都是年近七旬或八旬長者，有長者預期要補貼數十萬元，買入心儀的粉嶺樂嶺軒單位，嘆「攞晒我啲老本囉，第時養老都唔知點呀」。有一家三口選購觀塘房協灝然逾 500 呎單位，撇除收購價約 360 萬元，料要補貼百多近 200 萬元買樓，單是印花稅便要近 12 萬元，業主張先生盼政府豁免一半，強調「係迫於無奈買樓，迫於無奈又要畀嗰啲稅」。
早上 9 時許，業主陸續抵達位於觀塘的房委會綠置居銷售小組辦事處，現場有「解說專員」協助。
長者嘆「冇得揀」：攞晒老本出嚟（影像紀錄）
75 歲的劉女士是宏福苑一手業主，與 80 多歲的丈夫原居於宏建閣 40 多年。劉女士心儀年底入伙的粉嶺樂嶺軒兩房單位，指就近自己到那打素醫院覆診，亦可經常看到在大埔讀書的孫兒。至於大埔頌雅路西項目料 2030/31 年入伙，她說「太耐喇，我先生 80 幾歲，我 75 歲，等得幾耐呀？等唔到咁耐啦」，故未有考慮。
劉女士今年已 75 歲，丈夫已 80 多歲，二人希望揀選粉嶺樂嶺軒的兩房單位，預料要補數十萬元「老本」。
宏建閣僅一個單位損毀仍要賣樓，劉女士說當然不開心，最初失眠，「諗起嗰時都想喊」。她說原本想原址重建、或選址廣福公園，但「政府都唔會聽我哋講」，最終於首個限期前提交意向書，「冇得選擇，迫住我哋要做㗎啦」。
劉女士說為購買單位，需額外填補數十萬元，包括預計約數萬元的印花稅，而樂嶺軒管理費每月亦要 1,800 元，嘆「咪攞晒我啲老本囉，第時養老都唔知點呀」，「我仲要貼錢出嚟買，攞啲老本出嚟，我都買唔起間屋」。她說老人家沒有收入，望政府「最好幫吓我哋啲老人家」。劉女士亦望能有第三次上樓，指自己兩次上樓，只是「執返好少嘢」，仍有紀念價值的物品、廚房的物品未取，曾向社工申請，但未獲通知，望能盡快獲安排。
住戶貼百多萬買灝然：「玩少啲」、「慳啲使」（影像紀錄）
原居宏仁閣的張先生同是第一手住戶，屬意位於觀塘安達臣道的房協灝然單位，指喜歡該處景觀。他說政府以約 350 多萬收購、預計要補 100 多萬買樓，指從政府角度，其收購價當然比市價高，但「我哋角度未必咁樣計出嚟」，又指以現時 70 歲之齡難以借貸：「我哋借唔到錢㗎而家，除非有人擔保，我哋個歲數，銀行唔會借畀我哋」。他說對退休生活有影響，唯有「玩少啲」、「慳啲使」，但慶幸自己另有買保險，能有些幫補。
對於政府收購，他說「一定唔抵」，因以統一價收購，亦認為當局不應收足印花稅，應減免一半：「因為買樓唔係我哋嘅意願嚟㗎嘛，係迫於無奈買樓，迫於無奈又要畀嗰啲稅」。他續說，「政府收稅係啱嘅，但係有冇 discount 呢，咁就值得溝通下⋯因為我冇諗住買樓㗎嘛，你今次要我買樓，我又要畀多次稅吖嘛。」
張先生一家三口選購觀塘灝然，料連同約 12 萬印花稅，將補貼百多萬元買入單位。
不考慮粉嶺、大埔：唔係好想再見到
張先生指，原有單位實用面積 447 呎，已屬宏福苑內較細單位，但新的居屋「越起越細」，400 多呎的單位已屬「大單位」，故選擇有較大單位的灝然，又指屋苑最大面積的單位不提供予宏福苑居民購買。選樓後，張先生表示一家三口成功選取心儀的灝然單位，面積約 515 呎。他說心情「冇乜特別，又唔會特別開心、又唔會特別失望」，因為「我唔係想去買樓吖嘛，係今次特別焗住要買樓」，坦言「唔發生呢單嘢最好啦，發生咗呢件事先令到我哋去焗住有條路去我行，唔行又唔得」。
張先生說，不想回到粉嶺或大埔居住，形容宏福苑位置具「戰略價值」，所有人入大埔、或到粉嶺行經吐露港公路都能看到，「佢個位置就係咁好」，但自己「唔係好想見到佢」。至於九龍灣盛緻苑，他認為類似公屋，「幾百萬買返間公屋就無謂」。要搬離居住 40 多年的大埔，他說過往親睹大埔發展，「感覺有啲回憶無咗」，感到懷念。而他現居的房協單位合約 2027 年尾完結，但灝然料 2028 年第一季才交樓，屆時或要面對未知數。
現場亦即場顯示最新已選單位的資料；在頭 10 個已選單位中，有 6 個都屬於啟德的啟陽苑。
評黃碧嬌辭職：冇乜擔當，應按事實解釋
對於黃碧嬌近日辭任區議員，張生坦言「覺得佢冇乜擔當囉，佢未必之前做嘅嘢係錯，但問題咁多疑問嘅，解釋吓囉，按事實解釋吓就 OK，但冇解釋。」他又指，向解說隊提出望第三次上樓，執拾之前未及收拾的物品，但至今未收到通知，望政府能盡快安排。
李先生受訪時多次感謝政府協助和安排，稱能購得心儀單位心情高興。
頭籌業主料補貼幾十萬搬啟德 大屋搬細屋（影像紀錄）
抽得頭籌、原居宏盛閣的李先生，成功選擇啟德啟陽苑單位，指該處交通方便、配套成熟，心情很高興。原居於宏盛閣 420 呎兩房單位，他將補貼約數十萬元、選購 385 呎的一房單位，又說兩夫妻居住，一房一廳已足夠，指現時樓價較貴，已預料要補回一定金額。
被問到要補錢、單位面積又縮水，會否內心「有少少唔舒服」，李先生說「呢啲感覺係有」，但指啟陽苑與宏福苑各有好處、缺點，如以往在宏福能望到海景、在海濱跑步雖不再，而啟德的交通配套則較方便，只能慢慢適應。啟陽苑料 2028 年底入伙，李生說現居於香港仔房協過渡性房屋，獲告知可待入伙時才交還單位，故未有擔心。
對於要再付印花稅，李生說大家都想政府豁免，但認為買樓是要付相應費用，「唔可以話我宏福苑就咩都豁免，我就覺得唔係，大家都一視同仁」，又指這段時間已獲很多支援，認為應能負擔。不過，年屆七旬的他承認，現時買樓對退休生活「有啲影響」，因已沒有收入，只能用以往積蓄支付，強調「最緊要安居，希望生活穩定情緒好啲」。
現場設「樓換樓券」諮詢櫃位；有業主今日揀樓時仍未取得「樓換樓」券，要「hold 住」單位待完成手續。
揀「樓換樓券」仍未到手：進度好慢，暫時 hold 住層樓
賣業權的宏福苑業主可選擇取現金或「樓換樓券」。李先生選擇了「樓換樓券」，他說自 6 月已簽署相關文件，但樓換樓券至今仍未到手，故今日未能簽署臨時買賣合約，只能先簽署文件「暫時 hold 住層樓」，待政府處理好、發放樓換樓券後再完成手續。他預計起碼一個月後才能領取，指上周到律師樓，律師稱已交齊文件予政府處理。
特設銷售計劃網站列明「樓換樓券」持有人須攜同「樓換樓券」出席選樓，但至今仍未發放，引來不少業主疑慮。李先生指事前未有太擔心，認為「政府叫得我嚟，我都照做我應做嘅嘢，就算你幾個月後畀我，你政府都知係咩事，都唔可能取消我呢個單位」。但他同意有關進度的確緩慢、「搞咗好耐」，指很多選擇取現金的鄰居，早兩星期已全部收錢，反而「樓換樓券拖到而家都仲未有，唔明白點解」。他說沒後悔選樓換樓券，因對參與計劃分別不大。
向社工申請第三次上樓：未有回音，一個字，等
李先生又說，已向社工申請第三次上樓，望將值得懷念的物品和回憶帶走，但社工向政府反映後一直未有回音，「所有嘢都係一個字，等」。他望政府能短期內安排上樓，指再拖下去，樓宇經風吹雨打、越加老化，或越來越危險，亦望知道斟察報告內容，「事件係發生咗，我哋都想知道個內容、個損壞程度去到邊度」。
要搬離居於 40 多年的社區，李生坦言「所有嘢都要從頭嚟過，心情都上上落落」，不知如何面對新環境，但「人嘅嘢都好容易適應嘅」，只能慢慢適應，過去的街坊是回憶，只能間中通訊，「希望新嘅路程，我哋都希望再繼續行落去㗎喇要」。
今年已 79 歲的譚太選到心儀的粉嶺房協樂嶺軒單位，說「好開心」，憶述過去一年感惆悵、「未試過咁辛苦」。
八旬夫婦買粉嶺樂嶺軒 連印花稅料補貼近 55 萬元
原居宏盛閣 11 樓的 79 歲譚太，今日排第 35 位揀樓，選到心儀的粉嶺房協樂嶺軒單位：「我而家好開心呀，揀咗我好心水嘅屋，未試過咁開心呀幾十歲」。譚太說，與 87 歲行動不便的丈夫，一直只考慮樂嶺軒選項，「我唔慣住九龍，我不嬲住新界，住咗 40 幾年⋯我哋兩個老人家去唔到遠，唔識路」。大埔頌雅路西項目料 2030/31 年入伙，她說「完全都冇諗，我驚冇咁長命」；至於同區二手居屋，「兩個老嘢，執極都執唔掂啦」。
譚生譚太現時在子女協助下租住大埔的單位，撇除政府租金津貼後，每月要補貼 $2500 元。她說單位明年 2 月初要交吉，而長者難以租屋，一直十分煩惱，與丈夫常為住屋問題「頂頸」，現時選到今年底入伙、已有基本裝修「整好晒」的樂嶺軒，「安樂喇，攞到最鍾意間屋，我特別開心」。譚太原來的宏福苑單位是 482 呎，這次選得兩房單位；根據她的資料以及房協文件，計及收購價 8000 元呎，預期要補貼 40 多萬，亦要繳付 $8.2 萬元印花稅。
過去一年感惆悵、「未試過咁辛苦」
大火發生近一年，譚太說「我老公成日流眼水，話諗住喺宏福苑住到百年歸老，誓估唔到搞成咁樣，所以好容易頂頸就喊」。十個月以來，經常與拿拐仗的丈夫四周頻撲，「論論盡咁拖住佢去⋯呢度去嗰度去」，她坦言是「好惆悵」、「未試過咁辛苦」，但也遇到不少人幫助。丈夫行動不便，她一人上樓執拾，雖然客廳完全燒毀，但慶幸取回屋契和結婚證書。對於將搬至粉嶺，她不擔心難適應，指與大埔距離較近；至於未來的生活，她說沒特別期望，「見步行步」，「求其兩個老人家又唔係好長命，住得一年得一年」。
首日已售或選 34 個單位 近七成揀啟德、粉嶺
綜合「特設銷售計劃」十個項目的銷售情況資料，首日有 34 個單位已被售出或已被選。其中，13 個屬揀選「樓換樓」方案或未完成業權轉讓業主預留、已選的單位；其餘 21 個為揀選現金方案業主，所購買的單位。34 個被賣或被選單位中，近七成屬啟德啟陽苑和粉嶺樂嶺軒，當中有 14 人揀選預計於 2028 年 10 月落成入伙的啟德項目，9 人揀選今年底能入伙的粉嶺項目。
房屋局：料 11 月底完成揀樓
房屋局下午發稿表示，首批約 35 戶今日已獲安排選樓。局方早前已據攪珠次序分批發出信件，申請者將按訂明日期和時間選購單位，預計 11 月底完成所有選樓程序。局方指，在以情為先的前提下，會安排充裕時間講解及處理選樓過程，讓業主安心順利完成選樓。
當局指收購期限 8.31 屆滿後，共 1,971 戶業主簽署交回「接受收購建議信」，當中約 1,700 戶業主參與「特設銷售計劃」。完成簽署買賣協議申請人，已在法律上確認出售業權，將獲邀選樓；若申請者業權仍未轉讓政府，在選樓階段會先為其預留特設銷售計劃的新單位，待完成轉讓手續後，房委會或房協會與其簽訂購買新單位的買賣協議或臨時買賣協議。
房屋局重申，已預留房委會及房協共十個項目逾 4,400 個單位，供已出售業權的業主選購或樓換樓，當中 400 呎以上大單位共約 2,800 個，超過單位總數六成，由於預留數量遠超參加計劃的業主數目，不同選樓次序的業主均有充裕及多元化的選擇。
相關報道：宏福苑回家｜一群居民去信特首、副政務司長 渴望再上樓執拾 政府：取得所有業權，方可處理其他工作
