「個單位係爹哋、媽咪辛辛苦苦，如果真係要無價值咁樣畀人搶，其實比起𠵱家『賤賣』，我更加唔甘心。」母親命喪火海，宏昌閣遺屬袁小姐，在政府 8.31 收購死線前一周，才遞交「接受收購建議信件」，她只感不甘、「唔忿氣」。
撐到最後一刻
「好坦白講係撐到最後一刻。」父母在宏福苑養大兩姊妹，後來父親離世、姐姐出嫁，袁小姐與母親相依同住至大火前。母親命喪火海，過去上樓期間，她曾經身穿手寫「原址重建」的毛衣表達訴求。但官方否決、業主大會不討論，直到 8.31 收購死線前一周，她遞交了「接受收購建議信件」。
袁小姐認為，宏福苑居民已被「大石閘死蟹」，她形容，過去接觸的兩位解說員都沒能解答疑問，只有一個明確目標，就是追問街坊賣樓情況。
災後生活是「寄居」
大火至今，袁小姐曾入住大埔善樓，後來遷到香港仔漁映樓，每個月繳交「暫住費」，單位原本存在的床、飯枱、電視櫃，到鄰居、保安，一一都在提醒她的身分。她形容事件後自己生活是「寄居」。
反思何謂「屋企」何謂「家」？
她每日收工後，八點、九點回到這個空蕩蕩的單位，假日會選擇離開到姐姐家中，「其實事發之後，我已經開始喺度諗，咩叫做『家』、咩叫『屋企』，其實屋企 suppose 係一個安全嘅地方，但係宏福苑呢個屋企都畀人燒得嘅時候⋯⋯」
「𠵱家『家』呢個字，對我嚟講都幾 heavy」
記者問袁小姐對家的想像，她說留有宏福苑相片的舊電話，也在火海中遺失，所有片段只停留在她腦海。她深深嘆氣道，「（屋企）唔係單單話有床、有櫃、有睡房、有好齊全嘅家電畀到我，就已經係一個所謂 proper 嘅家，令到我重新思考 proper 嘅家入邊嘅 element 係啲乜嘢，所以呢個問題，我未答到住，因為𠵱家「家」呢個字，對我嚟講都幾 heavy。」
不滿高官「斷捨離」論
高官對宏福苑火災的回應，如政務司副司長卓永興的「斷捨離」論、財政司副司長黃偉綸口中的市場價值等，都令她的無奈與憤慨不斷累積，「你越噤聲，我越唔理解」，「其實佢哋可以講啲咁涼薄嘅說話時，其實佢對於家嘅意義（想法）係咩？」
有一種「賤賣」感覺
袁小姐回憶簽接受收購信件一刻，最強烈心情是不甘與「唔忿氣」，有一種「賤賣」感覺，因為家不僅是現實價值，亦是情感、記憶連繫。「個單位係爹哋、媽咪辛辛苦苦，如果真係要無價值咁樣畀人搶，其實比起𠵱家『賤賣』，我更加唔甘心。」
簽信之後，袁小姐將會喪失業主身份，獨立委員會延至十月提交報告。袁小姐說，追究責任是一部分，「但個人點樣完，我答唔到。因為事發到𠵱家，人生係好似 total loss 咁，因為首先屋企燒咗，而燒咗嘅意味就係，好似將我過往成長嘅歷史抹走晒，屋企人又喺火災入面過身，仲要係突然過身⋯⋯個心有好大嘅窿窿，呢個窿窿係咪真係有嘢可以填補返？或者係咪有日可以癒合返？我唔識答。」
相關報道：
宏福苑收購｜限期前不交信 一家六口歐太 盼政府「以情為先」給災民空間考慮
宏福苑收購｜曾爭原址重建 災民點名不滿三高官 單親媽媽范小姐擬含淚簽名：明知懸崖都要跳
宏福苑收購｜壓力纏身 夢見被強搶 單位完好 第一手業主無奈賣樓：已唔係我哋認識嘅香港，可以點？
宏福苑收購｜最後的「45戶」 宏志閣夫妻堅持：為咗保護等緊公義嘅街坊
宏福苑收購｜最後的 45 戶 沒掙扎 不動搖 拒賣業權何小姐：我條氣唔順
