火災後，住在宏泰閣 7 樓的歐陽先生，日復日折返宏福苑，盼著早日回家。上星期，他終於可以上樓，抬出夾萬，取回亡妻婚戒，成為有線新聞的畫面。這婚戒，他早想取回，為太太陪葬，但上樓安排來得太晚，一直未能如願。「由 12 月講到𠵱家呢一刻，（太太）上晒位⋯⋯到呢一刻都係做唔到。」
事發至上樓的 155 日，除了要找回戒指，歐陽先生還要父兼母職，為發展遲緩的六歲兒子阿諾追回學習進度。頂住喪妻之痛，他設法讓兒子知媽媽已離開。他曾告訴阿諾「媽咪上咗天堂」，兒子曾因看不到媽媽發脾氣。直到一次，阿諾再問起，歐陽先生直接說：「媽咪死咗，因為火災，媽咪好掛住你，你一定要記住媽咪」。看到爸爸在哭，阿諾叫「爸爸唔好喊」，沒再發脾氣。
歐陽先生還要父兼母職，為發展遲緩的六歲兒子阿諾追回學習進度。頂住喪妻之痛，他設法讓兒子知媽媽已離開。
兒子「發展遲緩」 兩歲半才學懂叫爸媽
廿年前，歐陽先生因父母辭世，一支公搬入宏福苑，到 2017 年遇上太太，組織家庭，婚後誕下一子，叫「阿諾」。一家三口是傳統家庭，男主外、女主內。從事維修技工的歐陽先生說，仔仔早年確診「發展遲緩」，至兩歲半才學懂叫爸爸媽媽，妻子對湊仔事事親力親為，帶著他東奔西跑睇醫生、補習，幼稚園上全日班，只為兒子趕回同齡學子的進度，衣食住行都不願假手於人。
走火警的最後通話
火災當日，太太如常接送兒子上學，買餸回家再準備晚餐，打理好家頭細務後，下午本應幼稚園接回兒子。「嗰陣時最尾係講緊三點三、至三點四呢個時間，我記得老婆同我講，佢𠵱家跑咗落樓梯、喺 4 樓同 5 樓之間，跟住再打電話，已經係冇人聽。」歐陽先生說，當日知道火燭，他把身上所有可以保護自己的裝備帶上，希望衝進火場救回太太，然而當時宏昌閣已成火柱、宏泰閣也不能倖免；太太的遺體最後在梯間被消防發現，頭髮已經沾濕，遺體仍然完好。
每日徘徊宏福苑 不願亡妻孤伶伶
歐陽先生給今日復日走入宏福苑，除了接送兒子返學放學，也有另一層意義，「我會覺得老婆仲喺上面，我陪住佢，起碼我日日喺度行來行去，入唔到間屋、入唔到宏福苑樓下，自己都幾個月感覺到，我係陪緊太太⋯⋯即係唔想佢咁孤伶伶。」
身穿工人衣衫的他，帶上白色勞工手套，工業用口罩，不時靠著窗前，用手抓住窗前的橙網，低下頭似在挖掘。
12 月已要求遺屬提早回家取遺物陪葬
政府於四月中，首次安排七幢受災大廈災民回家，歐陽先生重返宏泰閣，是災後 155 日首次回家，他沒費神多想，目標只有家中夾萬。記者從外圍觀察，身穿工人衣衫的他，帶上白色勞工手套，工業用口罩，不時靠著窗前，用手抓住窗前的橙網，低下頭似在挖掘。
從有線新聞當日採訪的畫面中，看到他在屋內翻出夾萬。落樓後，幾個人夾手夾腳把夾萬撬開，這才取出亡妻的結婚戒指、母親交托的龍鳳鈪取回，他潸然淚下。
歐陽先生解釋，原本希望太太喪禮時「有嘢跟住去、陪住佢」，「由頭到尾，我由 12 月，已經同一戶一（社工）講咗，話幾時安排我上樓，可以搵翻隻戒指？因為我一心係諗住⋯⋯太太上位可以擺翻隻戒指入去，跟住畀太太跟住一齊上位。」
「有時我仲以為我自己翻咗荔枝角開工，荔枝角嘅意思係收押所，畀人監視、畀人夾住上。大佬！我唔係監犯啊？」歐陽先生訴說對回家安排的不滿。
政府安排事與願違，歐陽先生不岔指，設靈時家屬會將遺物放在棺木，「我哋連呢樣嘢都做唔到」。工作關係，歐陽先生經常走入不同的大廈，維修石屎層，他質疑，樓與樓之間的情況，是否危險到足以令上樓日期延後，但同時又有一批又一批的工作人員上樓。他續指，火災釀成 168 死，既然可以安排住戶大規模上樓，為何遺屬不能率先上樓執拾，讓先人好走？「由 12 月講到𠵱家呢一刻，（太太）上晒位、安排好晒，定咗咁耐，𠵱家先至上（樓）⋯⋯到呢一刻都係做唔到。」「有時我仲以為我自己翻咗荔枝角開工，荔枝角嘅意思係收押所，畀人監視、畀人夾住上。大佬！我唔係監犯啊？」
歐陽先生說，災後盡量買回太太為仔仔買的物品，如小朋友用的防摔iPad套、方便飲水的飲管蓋。
亡妻電話尋湊仔經
電視新聞的訪問出街後，歐陽先生仍然回到宏福苑附近，抱著六歲的兒子穿過廣福邨的社區會堂返學。歐陽先生說，大火後，阿諾很「癡身」，不時要抱，作為父親，只要能滿足都會盡做，「呢段時間，我係追返晒以前媽咪做落，因為以前我無經過手。」
太太離開後，消防員在她身上找到一部手提電話，歐陽先生接過後，從電話找到亡妻怎樣照顧兒子，他就跟著筆記到各個地方拜訪「睇阿諾去過邊度補習、去過邊度地方，自己親身去翻嗰個現場，同啲老師或者所謂嘅姑娘，講返呢件事。」
獲老闆體諒停工，歐陽先生選擇全職照顧兒子，每日送完返學後，獨個在宏福苑流連，有時午餐也不吃，直至接放學。學校社工，醫生跟他說，事後阿諾不曾大吵大鬧，但不時會問起「媽媽幾時返屋企？」唯獨有兩次，是父子相處時，阿諾認真問起媽媽去向。
歐陽先生每日送完返學後，獨個在宏福苑流連，有時午餐也不吃，直至接放學。
告訴孩子媽媽離開了
第一次，是災後父子處理證件後，回到廣福邨打韆鞦，當時阿諾不知道媽媽身在何地，只知道有一整個月沒見過媽媽，「佢問翻，『媽咪喺邊度？』『媽咪幾時嚟？』我話𠵱家喺婆婆屋企住，唔返屋企㗎嘞。」
「我咪講話，『媽咪上咗天堂、唔返嚟㗎啦』，『但係媽咪都好掛住你，你要記住媽咪、唔好忘記媽咪』」這是第一次阿諾因看不到媽媽大發脾氣。
另一次，父子返學途中，看著熏黑的宏福苑、周遭圍起封鎖線，阿諾問「媽媽喺邊」，再次發脾氣。歐陽先生想起心理學家建議，不要轉彎末角，「我直接講話，『媽咪死咗，因為一次意外火災，已經唔喺度啦，但係媽咪好掛住你，你一定要記住媽咪、唔好忘記媽咪』」。
「咁佢見到我喊，佢叫『爸爸唔好喊』、『爸爸抹眼淚』原本發晒脾氣嘅，見到我喊緊嗰時，佢就靜晒冇發脾氣，就跟住我返學。」
雖然阿諾此後沒再主動問起，但歐陽先生說，災後盡量買回太太為仔仔買的物品，如小朋友用的防摔iPad套、方便飲水的飲管蓋、波鞋、圖書，阿諾就會無意識下提起媽媽，「（以前）媽咪買俾我。」
歐陽先生仍想重回宏福苑居住，不論重建、復修，只因太太猶在。
「我想要翻我太太」
火災帶走一個太太、一個媽媽，同樣帶走了一個女兒。外母膝下有四姊妹，排第二的太太，自嫁給歐陽先生後，搬入宏福苑，其餘家庭成員都在粉嶺一帶生活。
「婆婆冇咗個女、我冇咗太太，阿諾冇咗媽咪，嗰種（安慰說話）係講唔到。」歐陽先生說，現時暫住在阿諾婆婆家中，至今婆婆也難以接受女兒罹難，事發初期經常以淚洗面，至今一家人絕口不提宏福苑，只能由其他家人安慰，阿諾則由一家人共同照顧。不過 6 月後，由於婆婆會搬到姨仔家，他則要再搬新居，屆時才有空間太太遺物整理好。
想重建、復修
他坦言，即使有外人說，事件中多人罹難，自己仍想重回宏福苑居住，不論重建、復修，只因太太猶在。「啲人話講到好恐怖，又話咩冤魂不散，咁冤魂不散都係我太太，關你咩事？」他說，「嗰啲係街坊，我冇害過佢，驚嗰個唔係我，驚嗰個係害佢嘅人，我唔會驚。」
然而現階段政府不打算調整安置政策。帶著阿諾，他沒有選擇。歐陽先生指，原打算在阿諾升讀小一後，重投工作，所以特意聘請外傭照顧阿諾，幸好阿諾沒抗拒，反而常常用自己最愛的英文與她交流。但從解說隊聽到的是，「以前你哋住兩房嘅，我哋最多都係俾翻兩房你選擇。」
過去一家三口住在兩房單位，他聞言即氣憤道，「我以前唔使請工人添，咁我𠵱家要請工人。我以前太太喺度，𠵱家唔喺度，咁係咪唔同咗？以前我唔使請工人，係咪而家要請工人、係咪唔同咗啊？」
歐陽先生指，原打算在阿諾升讀小一後，重投工作，所以特意聘請外傭照顧阿諾，幸好阿諾沒抗拒。
教兒子做錯事一定要認
「如果你畀返太太我，我連層樓俾埋你都得，你可唔可以俾返太太我？係咁簡單⋯⋯你畀到太太我，我𠵱家所有援助拎翻晒出嚟，畀返你都得，我最多咪重新開始⋯⋯但我最基本我就係想要翻我太太。」
歐陽先生的仔仔取名叫「進諾」，個子比同齡小朋友高，訪問當天下起雨，他卻還不夠高為爸爸撐傘，爸爸只好彎腰遷就。歐陽先生說，「自己唔係好叻，就係教佢一樣嘢。做錯事一定要認，唔可以講大話⋯⋯其他嘢我就冇乜本事教到佢，𠵱啲做人嘅道理一定要教，一定要講清楚。」
相關報道：
宏福苑回家｜五歲女兒、外傭罹難 金器遺物疑被盜 警指尋回機會微、有兩個月「空窗期」
宏福苑回家｜灰燼中 家園記憶的尋覓
