上月 26日，大埔宏福苑火災發生後，廣福邨平台一度人頭湧湧，災民暫時棲身、義工分發物資。數日後，物資站被撤退，人流消散，更嚴重的是，過去佔了商戶近半生意額、較捨得花錢的宏福苑街坊，已隨大火一去不返。部分熟客恐已葬身火海，老商戶都憂心忡忡。大火過後，屋邨的麵包店、菜檔、豬肉檔都已停業。過去兩周，有商戶開始在屋邨商場做問卷、寫聯署、收集簽名，實行「自己店舖自己救」，爭取領展提供長期減免租金的方案。文字報道刊出後，琴行老闆 Heidi 以聲音導航，細說留下來商戶的心聲，她說：「外面嘅人行到入嚟，可能覺得呢度冇嘢啱買，嘢食又唔係特別好食。喺火災發生之前，鋪頭嘅生意都係麻麻哋，唔明點解佢哋唔直接執笠退休仲好過啦。」「或者係人要對一個地方有咗歸屬感，先會明唔願意離開嘅人嘅感受。我同街坊傾偈嘅時候話，冇事嘅時候，大家見面最多咪打個招呼。出事之後，我哋先知，原來自己對呢個地方有咁深厚嘅感情。」
