宏福苑火災的第十日聽證會，今（10日）由消防助理處長姜世明作供，被問到處方不能在收到「消防裝置及設備證書」（FS251證書）14日後，即時跟進問題，有的被拖了 11 個月。姜指情況「唔理想」。有旁聽災民認為姜世明在「遊花園」，說法不能接受，「（證書）保障緊我哋成幢樓、每一個人嘅性命」。姜多番提到修例，居民指說：「唔係一味同我哋講唔理想然之後嘅嘢。」
收資料歷時11個月 姜世明稱人手所限
宏泰閣居民馮小姐說，最令她感到荒謬，是宏泰消防工程於 2023 年 12 月 4 日簽發「消防裝置及設備證書」，消防在 2024 年 11 月才正式蓋印是。馮小姐指，年檢是每年做一次，「11個月我都就嚟要做下一份嘅時候，你先處理緊上一份」。當聽到姜世明以人手為由，解釋由收取證書到資料輸入的時間是消防「痛點」，她指，「作為業主我覺得唔可以接受、作為一個香港市民都係唔可以接受。」
居民：「作為業主、市民我覺得唔可以接受」
除了「解說」消防監督工作，姜世明今日也多番提到事後會修例。馮小姐說，明白事後補救固然重要，「宏福苑呢個代價實在太大，160 幾條人命，1984 戶無咗呢個家園」而事件也揭露系統問題。她續認為姜世明「遊花園」，沒有正面面對，消防處在事件上的責任，「無論你覺得可唔可以控制到嘅嘢都好，你係應該坦白啲面對呢件事，唔係一味同我哋講唔理想然之後嘅嘢。」
遺屬：三方未盡責肇禍
另一位遺屬、早前作供的居民羅曉琪認為，第一反應是「問題唔係今日存在」，是否真的需要發生嚴重事件才檢討？她又指，事件中每一方都有責任，沒做好本分釀成災禍，「睇到嗰個（宏泰消防）覺得唔關佢事、佢又唔出聲；關佢事嗰個（中華發展）又從來都無落過去、佢淨係負責簽紙…監督嗰個又監督唔到」。
姜世明在會上提到，部門年收 30 萬份文件，不可能逐一查詢。被問到會否認為涉制度問題，羅指，是雞與蛋的問題，如人手不足，是否可再增加，或依靠科技及早發現後派人巡查，「其實你都接受唔到點解仲 Fax（傳真）㗎？」她認為，制度有問題，並非道歉與否問題，而是部門是否願意承擔。「你哋筆錄都寫咗唔少次『唔理想』…有無一次係覺得我哋自己做得唔好？無呢樣嘢」、「淨係唔理想，咁即係點？」
