宏福苑出售業權第一條死線將於下周二（6 月 30 日）屆滿，有居民表示暫不會出售業權，希望「睇定啲先」，形容政府「五時花六時變」。居民又指初步意向是揀選方案一，即現金收購方案，再物色大埔區的二手居屋，又指「都知樓價抬高咗」會盡量覓新居所。
聽證會今提及殉職消防員何偉豪，廖稱「對何消防員（感到）惋惜」，同時「好感激一班前線嘅消防員」。
一家三口居住宏盛閣的廖先生今（24日）出席聽證會後受訪，表明暫時不會出售業權，指「睇定啲先啦，你知…而家啲嘢五時花六時變，等佢…佢啲嘢都唔係好清𥇦」，需等待政府公佈更多資訊，才能作出決定。他透露家人偏向揀選方案一，即現金收購方案；目前暫居於三門仔過渡性房屋「善樓」，廖先生說「雖然都知樓價抬高咗」，但希望「盡量搵返大埔區」的二手居屋。
對委員會決定不申請為法定調查委員會，廖先生表示失望，質疑黃碧嬌以及前法團成員「係咪可以消遙法外」，認為他們掌握證據卻不出現「係咪真係對件事好呢」，強調居民有權知道事情的真相，認為相關人士需出面作供解釋。
廖先生質疑合安不遵法庭命令召開業主大會、日前洩露私隱，「不如摺咗佢啦」。（資料相片）
質疑合安「偏幫政府」拖延開大會
被問到合安直至目前仍未召開業主大會，他表示「合安咪偏幫緊政府囉」，質疑合安打算把業主大會拖到 8 月 31 日後（註：出售業權最後死線）才召開。廖指合安查核業主身份需時過長，「有曬資料，你要 check 業主嗰個身份證明，係咪真係咁難呢」，廖認為合安作為一間大型物業管理公司，卻連確認業主身份都未能處理好，「不如摺咗佢啦」。
廖又質疑合安辦網上簡介會「有鬼用咩」，重申應召開大會向業主面對面解釋，要合安「自己諗吓啦，係咪仲係適合做…仲有資格做一個管理公司？」。合安沒遵守土地審裁處命令盡快開會、日前核對業主身份時更洩漏私隱，廖先生質疑「呢啲咁低級嘅錯誤都可以犯」，認為公司內部管理出現問題、更遑論有能力處理宏福苑事宜。
廖先生期望能再次上樓執拾，又指不要的物件「寧願掉咗佢」，都不希望留給政府處理。（資料相片）
物品堆滿迷你倉 盼再上樓：寧願掉咗佢都會留俾政府處理
單位未受大火波及，廖先生說兩次回家取回的物品數量較多，已堆滿迷你倉。他表示希望能再次上樓執拾，認為一部分沒有受影響的單位，以及未能拿走足夠物品的居民都有相同願望，又表示「就算搬落嚟啲嘢揼咗佢，都唔會益做拆樓嗰啲朋友囉」、「唔會將唔要嘅嘢俾咗政府，我寧願掉咗佢、揼去堆填區，我都唔會留返俾政府去處理佢」。
