大埔宏福苑大火中，大維修承辦商宏業的授權簽署人黃忠基涉誤殺被捕。由於黃身兼大埔富善邨大維修顧問公司的測量諮詢顧問，富善邨業主立案法團今（18日）召開業主大會，議決解僱顧問公司「天嵐」，最終以逾 14.5 萬業權份數贊成通過，佔有效票達 99%。有贊成「踢走天嵐」的業主表示，「天嵐」收取比市價便宜一半的 82 萬顧問費，必定有箇中原因，亦有人指此公司過往在答問大會中表現參差，包括未能提供工程 RI（註冊檢驗人員）名稱，認為並不可信。
近千業戶周六在自己的屋苑，投票踢走平價進場的工程顧問公司。
業主大會於今日下午二時半在富善社區會堂舉行，會議開始前一小時開放讓業主登記。約於下午一時許，已有逾百業主到場排隊，準備入場投票。有人手持由業主立案法團緊急呼籲業主出席會議的單張到場，在排隊時細閱，人龍中大多為長者。會堂外設有轉播，讓一眾未能進入社區會堂的業主亦能參與會議。
業戶親自將選票放入票箱。
法團已付八萬元 「天嵐」索 22 萬元勘察費
會議中設有四個議程，首個議程為終止與「天嵐建築及測量顧問有限公司」顧問合約，並同意按合約規定支付相關費用。業主立案法團提到，2 月 20 日已透過管業處去信顧問公司，暫停他們的勘察工作。「天嵐」於 2 月 24 日向法團發出信件，要求支付 226,250 元 外牆維修勘察費，法團已去信要求「天嵐」交代完整勘察報告，惟至今未獲回覆。此外，法團亦已根據合約條款向「天嵐」支付八萬元簽署合約費用。
現場人頭湧湧，業戶排隊等候進場。
法團引述市建局指不會協助審核
多名業主在會上關注法團會否支付此 22 萬，包括驗收準則、會否考慮用第三方審核「天嵐」完成的工作程度，「第三方係獨立機構，去睇佢哋做咗幾多嘢，唔係天嵐話自己做咗幾多」。法團回應指，由於「天嵐」尚未回覆已完成的服務範疇，需待對方回覆，並會向法律顧問徵詢意見，如有需要會考慮聘請第三方協助。不過，法團引述市建局指，不會協助審核報告。
及後業主開行投票，工作人員收集選票前，先將票箱展示予在場人士，證明當中沒有其他選票，以示公平公正。所有業主亦需親手將選票投進票箱內。最終以 145,901 業權份數通過終止與「天嵐」的顧問合約，佔有效票的 99.05%。
通過沿用「招標妥」重新招標
其餘議程亦全數通過，包括贊成參加「招標妥」重新招聘《樓宇公用部分檢驗及修葺顧問服務招標文件及合約》，以及贊成就《消防安全（建築物）條例（第 572 章）改善工程參加「招標妥」招聘消防系統改善工程顧問服務合約》。
法團指，去年 12 月 3 日收到消防處通知，需於一年內完成消防系統改善工程，包括在各座地下的公共位置提供額外消防喉轆等，並向業主講解使用「招標妥」的原因，包括有專業技術支援、確保工程品質等。有業主關注使用「招標妥」是否最安全做法，法團提到，政府屬有最大責任監管工程的一方，政府亦計劃推出「加強版招標妥」。最終議程亦以 144,195 業權份數通過，佔有效票 99.41%。
業主支持「踢走天嵐」：收咁平一定有原因
業主廖小姐在會議中支持「踢走天嵐」，她認為此顧問公司並不可信，「顧問就係未來佢話叫我哋整乜就整乜，如果我哋唔炒佢，即係我哋相信呢間顧問公司，雖然好似慳咗，覺得佢中標 82 萬，但如果佢同間工程公司係 friend （朋友）嚟，佢話 100 樣嘢都要整，你睇落 82 萬係慳咗，但個工程費係後面嘅天價，佢收咁平一定有原因」。
街坊：解僱「天嵐」是止蝕的做法
廖形容，解僱「天嵐」是止蝕的做法，「even（即使）我哋已經畀咗 8 萬，往後真係要畀嗰 22 萬，但唔可以為咗慳少少而損失更多，咁樣就係『前車不鑑』」。
廖小姐是首次出席業主大會，坦言是因宏福苑大火後喚醒她守護家園，小時候亦在宏福苑附近上學，「我哋嘅教訓係要汲取，咁大件事仲唔學呀？我唔識咪嚟學、聽多啲，嚟承擔責任，無知唔可以係永遠，而家我哋有權、有機會去發聲，或者將會有機會係打破嗰個制度」。
所有業主亦需親手將選票投進票箱內。最終以 145,901 業權份數通過終止與「天嵐」的顧問合約，佔有效票的 99.05%。
業主轟「天嵐」答問大會表現參差
陳先生（化名）同樣是投下贊成票，他過往一直密切留意業主大會資訊，以及顧問公司的表現，形容「天嵐」過往答問大會表現很參差，「佢好多問題都答唔到我哋，加上佢同宏福苑事件入面被捕人士有聯繫，當嗰啲人士被捕之後，再問佢 RI（註冊檢驗人員）係邊個，佢一路都答唔出」，加上現時法團再致函要求提供服務詳情，「天嵐」同樣是沒有回應，「一間咁樣嘅顧問公司，將來佢亦都有份去建議揀選邊啲工程公司嘅時候，我認為佢好有可疑」。
「天嵐」曾回覆屋苑 黃為公司註冊人員
陳續指，「天嵐」曾回覆屋苑，指黃忠基為其公司的註冊工程人員，但未有參與富善邨工程，此說法亦未能令他信服，「呢啲你哋內部嘅嘢，除非係你哋內部文件、通訊、WhatsApp、Email，所有嘢都公開晒畀我哋睇，如果唔係我唔會知你講法係真定假」。
他亦指，即使現時沿用「招標妥」，眼見宏福聽證會中揭露政府和管理公司工作馬虎，作為業主亦有所隱憂，「你所謂嘅『招標妥』，你用得個『妥』字，你可以令小市民覺得你套系統有幾妥當呢？如果由頭到尾都係一個口號、一個網名，咁你所謂嘅加強版加強咗啲咩地方？」他認為，香港政府如要繼續推「地產經濟」，必須令市民安居樂業，「你要大家用終生積蓄出嚟買樓，你先可以繼續有稅收嘅時候，係唔係可以諗多啲方法令人安心買樓，先可以繼續喺度投資？」
945 戶業主親身投票 358 張授權票
富善邨業主立案法團委員陳先生指，截至會議開始時已有 848 戶業主參與，首個議程有 945 戶業主親身投票，會議授權票共 358 張。委員黃小姐指，是次會議業權份數較 1 月的管理委員會換屆選舉多出近一倍，對今次創下逾 14 萬紀錄感到開心，「我哋同宏福苑好接近，大家可能睇到聽證會新聞都好傷心，更加關乎自己嘅安危，我哋出發點唔係單單係錢方面，好想有一個令到我哋覺得好安全嘅維修工程」。
去年 12 月 20 日富善邨檢驗修葺工程諮詢會期間，有大批居民質疑顧問公司與黃忠基的關係，當時顧問公司負責人曾解釋未有聘用黃忠基。今年 1 月，富善邨業主票投 10 位「富善後代」班子擔任業主立案法團第九屆管理委員會，團隊主張等待政府《建築物條例》修例後，按最新規範推進大維修，以確保工程合法合規。然而，新一屆業主立案法團曾指，現時顧問公司只以82萬元中標，較正常低一半，顧問公司亦拒絕讓居民看合約，因此 2 月 20 日已透過管業處去信顧問公司，暫停他們的勘察工作。
集誌社檔案｜認可人士黄忠基 為宏業的獲授權簽署人
「天嵐」的認可人士黄忠基，同時是「宏業建築」的「獲授權簽署人」，在宏福苑大火後，黃忠基涉誤殺被捕。「天嵐」負責人林志超曾接受傳媒訪問解釋，曾邀請黃忠基擔任測量諮詢顧問，但強調黃忠基非月薪員工。
天嵐曾向居民否認 「絕對係真係冇黃生資料」
「天嵐」的負責人，在去年 12 月 20 日，曾在檢驗修葺工程諮詢會中，曾向居民聲稱，公司登記的資料，「絕對係真係冇黃生資料，呢個百分之一百」。他指公司「實事求是」，「我冇講過大話」。他當時又指，如有任何證據可拿出來，「佢係你僱員、董事、股東，認可人士，拎出你嘅文件，話畀我聽係你簽名嘅，我即刻話畀你聽乜都得」。
