「爹哋媽咪，我哋返嚟喇！」雙親於大火中罹難的蘇先生，周二（28日） 重返宏昌閣 27 樓老家，甫入家門便忍不住飲泣：「上次返嚟已經係飲湯⋯好想飲返你哋嘅湯」。播着爸爸最喜歡的《陪着你走》、媽媽喜歡的粵曲，他在發現父母遺體的客廳位置，放下兩束鮮花、亮起電子蠟燭悼念。
父母生前愛整齊，臨離開前，他盡量將灰燼掃到一旁，將枱凳擺放整齊企理；最後半小時，凝視着已面目全非的每個角落，腦裡浮現起小時候剛搬進來的片段：「以前細個都係租樓，未試過有一間全新嘅屋，嚟到個景又開揚，其實係好開心⋯估唔到而家係變咗頹垣敗瓦，係難過，好難過。」
蘇先生在灰燼瓦礫中，尋回父母生前喜歡的陶瓷擺設，打算清潔乾淨後，放在父母墳頭陪伴他們。臨別前他哽咽：「爹哋媽咪，我哋走喇⋯⋯跟我哋走喇，爹哋媽咪，我哋帶你哋去新屋嗰度呀⋯⋯多謝呢個屋企，帶畀我哋 40 幾年嘅歡笑同埋喜樂，好多謝你，有緣再會！」
傍晚時分，蘇先生到父母位於和合石的墳場獻花，又更換已受日曬雨淋的雙親相片。「今日上咗去單位喇，呢度係你哋嘅新居，希望你哋鍾意我哋嘅安排」，他雙手合十致哀。蘇先生說，恩愛的兩人，墓碑將會連在一起，並用上大火前一日，父親 Facebook 所轉換與母親合照的頭像：「佢話畀我哋知，佢呢幾年影得最好、笑得最開心就係呢張相」，就如歌詞般：「跟我一起飛去。」
相關報道：
圖輯｜遺屬回家祭雙親
宏福苑回家．訪問｜雙親葬火海 蘇先生帶花回家悼念：望來生再報答恩情
宏福苑火災｜八旬雙親葬火海 父遺骸碳化、母「失蹤」逾月靠牙齒證身份 「政府責無旁貸」
