已解散的支聯會，及前主席李卓人、前副主席何俊仁和鄒幸彤，被控「煽動顛覆國家政權」罪，周四（22日）在西九龍裁判法院開審。前支聯會常委鄧岳君昨（19日）下午三時，已到場排隊、通宵輪候旁聽，表示希望以行動支持各人，期間有前支聯會義工和朋友前來支援。他於今早十時多，突接獲警方來電，通知他要到長沙灣警署會面；鄧岳君約半小時後離開警署，稱就事件「無話可說」。
今早約 11 時，西九法院外有近 30 人輪候支聯會案旁聽席，有人在見到傳媒後離開隊伍。
記者今早到法院外觀察，現場已有逾 30 人排隊，多名警員約 11 時到場加強佈防，並設置值班帳蓬。鄧岳君說今晨約 8 時 10 分，有兩名女士前來輪候第二、三位，不足 30 分鐘內，有近 30 人從同一方向、短時間內加入隊伍；有在場的前義工則指，有前來排隊人士一度向他展示手機訊息，問他「係咪名單上嘅人」。
在場排隊人士大多面向牆壁、有人以帽遮樣和耷低頭，未有回應記者提問。
疑似排隊黨稱「好快走，我哋要收工」
疑似排隊黨人士甫見傳媒到場，有人隨即離開隊伍，亦有人面向牆壁、以帽遮樣和耷低頭。記者向輪候者問為何提早排隊、旁聽甚麼案件等？排第二位、戴口罩的女士表示「唔知喎」，急步離隊期間說「我過嚟睇下嘢咋」。另一名女士則指，是弟弟叫她前來一起排隊，被問到為何要排隊、想旁聽甚麼案件，她指「唔知道喎，冇聽講過」，隨後又說「我哋好快就走架喇」，記者再追問她是否替人排隊，她就邊擰轉頭邊說「唔係呀，我哋要收工…要返屋企食飯呀」。
有排隊者（左）稱好快走，又說「我哋要收工」；另一名被指約 8 時到場、排第二位的女士，被問到旁聽甚麼案件，則回應指「唔知喎…我過嚟睇下嘢咋」。
排首位的鄧岳君昨日下午三時到場，說自己猶豫再三下提前三日排隊，笑言「有少少鬥氣，因為都知道一啲咁嘅『朋友』經常係咁，攞晒內庭啲位，所以覺得要做番啲嘢抗衡返囉，咁都唔做，好似有啲那個」，又形容情況如有政治力量在背後推動排隊黨，全取內庭旁聽席，認為情況不健康。鄧岳君說看目前形勢，最終或只有他能進入正庭。
前支聯會常委鄧岳君昨下午三時到場，望以行動表示支持、尊重和著緊審訊。
鄧岳君：係支聯會最後一個使命
他強調到場旁聽是希望展示對各人的支持、尊重和認同，「即係我哋外面仍然著緊佢哋呢個審訊，用行動表示我哋係著緊嘅」，又形容具象徵意義，「等待咗咁多年，審訊終於開始，呢個可能都係香港一個未審先囚的歷史，由 2021 年 9 月到而家」。案件兩度押後、三名被告至今已被還押近 1400 至 1600 日，鄧岳君說「呢個係支聯會嘅最後一個使命，案件無論咩結果都好，支聯會將成為真正的歷史，希望喺過程中透過各方面嘅努力、傳媒嘅報道，希望起碼大眾，尤其係香港和內地同胞，重溫、回憶返 89 年呢件事，自己去判斷返歷史悲劇嘅是非對錯」。
鄧在摺疊凳上，貼上排隊號碼紙張，寫上「1」、「1989」數字，又畫上「民主女神像」。
鄧岳君原在排隊位置貼上「排隊號碼」紙，寫上「1 」字和「1989」，另畫上「民主女神像」，但在場有警員要求他刪去「1989」字眼和圖案，他於是將紙張改貼在自己帶來的摺疊凳上。
早上 11 時多，警方加強佈防，到場設置值班帳蓬。
相關報道：支聯會案｜昔日獲李卓人越洋聲援 工運戰友、國安案獲釋者 台灣集會撐支聯會
支聯會案｜原定 11 月開審 再度押後至明年 1 月 何俊仁、李卓人、鄒幸彤還押 1300 至 1500 日
