行政長官李家超昨（17日）發表施政報告，今早出席聯合電台節目，接受市民 phone-in，10 多名致電的市民關心經濟、房屋、外勞以至出生率等民生議題。李家超解釋不派消費券是因財政有壓力，如向每名市民派 5000 元消費券將花費 300 億元，猶如興建啟德體育園，要考慮做一次性措施「抑或財政有限下用好呢 300 億做其他嘢呢」。
有市民反對輸入外勞，李家超重申本地工人就業優先，但有行業的確欠缺人手，政府不容濫用故針對兩個行業「動態睇住」。有八旬長者指現時無全民退保、醫保，生活艱難，特首則指「如果真真正正生活好大問題，我哋有綜援嘅」；他又強調政府以引進產業、支援中小企等措施刺激經濟，形容吉舖跟轉型期和電商有關，是常態，而「知道係常態用另一種心態處理」。
行政長官李家超昨發表施政報告，今早出席聯合電台節目，接受市民 phone-in 。（資料相片）
市民稱因外勞失業 特首：要動態睇住
失業率和就業不足率上升，有市民反對輸入外勞，批評影響香港人生計。市民陳先生指，自己本來在國泰任臨時工，因公司僱用外勞令大批原有的本地人失業，外勞更住在珠海「賺香港錢喺內地洗」，對香港經濟毫無助益。李家超重申本地工人就業優先的政策清晰，又指有行業真的欠缺人手，但政府不容濫用，故施政報告推出措施針對輸入侍應生、初級廚師，因這兩個行業佔輸入外勞近一半，「首先針對最明顯認為要針對，睇咗情況下，要動態睇住」，重申有其他行業如洗碗、洗衫、園藝等行業人手不足，要精準輸入外勞。
有年屆 80 歲、香港出生的長者致電，質問李家超「你𠵱家知唔知道香港人，年輕、老年人都好多失業，執笠比比皆事…你睇下我哋負資產、破產日日上升，你有咩辦法可解決我地問題？講係冇用，全民退保、全民醫保都冇，我又冇公屋，我哋點樣生活？」
李家超回應長者指生活艱難，指政府在福利投入很多資源，每日的福利開支達 3.5 億元。（資料相片）
八旬長者嘆生活難 特首：如生活好大問題，我哋有綜援
李家超回應指重視社會保障，在福利投入很多資源，又指「當然如果真真正正生活好大問題，我哋有綜援嘅。但我亦都相信好大部分人，都係有能力自力更生，如果真係需要我哋有綜援幫佢」，又指政府每日花在福利的花費是 3.5 億元，強調「係一日，唔係一年」，而連同教育、醫療開支，佔政府經常性開支百分之 60 ，指市民在政策制度方面都會受惠。
主持提到市道不佳，不少市民期待政府有刺激消費市道措施，問及政府為派消費券的原因。李家超指政府財政有壓力，財赤約 1200 億元而儲備只有約 5000 多億元，「比起較為好時爭咁截」。他指參考過去經驗，如要向每名市民派 5000 元消費券，將要用 300 億元，等同興建一個啟德體育園，「換之言我做一次性措施去做消費券，抑或財政有限下用好呢 300 億做其他嘢呢」，故提出額外預留 300 億元加大工程項目開支，因工程工人亦有很大數目。
李家超指考慮財政壓力不派消費券，又指施政報告預留 300 億元加大工程項目開支。（資料相片）
回應吉舖處處：「知道係常態用另一種心態處理」
他強調政府有從其他方面刺激經濟，如引入產業以帶動就業，亦提出 11 項措施支援中小企，希望幫助在「洗牌」過程中困難的行業，「盡量雪中送炭」。被問及市民覺得市道一般、如何挽回對經濟的信心？李家超指明白市民的感覺，形容「平時行街見到(舖頭)轉型要轉，係會有唔好嘅感覺」，但正如他在施政報告以由 BB 機到手機舉例，在轉型期有人會失業，「洗牌過程有適應期」，政府會在期間幫忙。
他強調政府長遠而言是改變產業結構，令香港在經濟波動中更穩固，「令隻船更穩，到時我哋係大郵輪，唔係小艇」。他強調香港無論在競爭力、金融中心地位、人才方面都有進步，認為香港雖然有弱點，但亦有很多正面地方，籲香港人「唔好令自己太悲天憫人，冇咗自信心好難同人競爭」。
市民吳先生phone-in 說「𠵱家香港要居安思危，睇睇街上好多吉舖，貨櫃碼頭冇大貨櫃船，赤柱冇咗外國人。好多瓣都唔掂。」特首就回應指旅遊方面遊客有所上升，又指吉舖跟經濟轉型、電商有關，因市民網上購物令實體店減少，形容「我講清楚呢個係常態，等於新冠肺炎時我地嘅常態，知道係常態用另一種心態處理」，強調洗牌過程始終有一段時間，但會穩定下來。
相關報道：施政報告 2025｜兩打擊濫用外勞措施功效成疑 基層團體促設暫停輸入外勞機制
施政報告 2025｜盤點特首講經濟 一份報告發展海洋、太空、遊艇、低空經濟
施政報告2025｜北都批地鬆綁 向首長級公務員問責 外勞小修補 搞經濟由遊艇到太空
