三個簡約公屋項目被剪螺絲、東涌第 42 區公營房屋石屎強度不足⋯⋯接連有公營房屋項目出問題，房屋局局長何永賢今（23日）在商業電台節目《在晴朗的一天出發》表示，東涌 第 42 區項目中，在混凝土車抽取的「磚仔」樣本有問題，她解釋在混凝土車內的石屎，有如開奶粉「某啲位唔完全勻循」。她指最重要是已落了在樓宇的石屎，初步收到 17 %的相關樣本，強度都比要求高。
「就算幾努力呢，某啲位唔完全勻循」
東涌 42 區公營房屋項目，五座當中，有四座的石屎強度不達標，何永賢解釋，混凝土車運送石屎時要「攪住」，她舉例指有如開奶粉，「奶粉同個水，就算幾努力呢，可能有啲粒粒，某啲位唔完全勻循，石屎本身唔係完全完美物料」。
「最緊要係喺現場落嗰啲石屎合唔合格」
何永賢表示，當田螺車到地盤後，會在車抽取樣本，俗稱石屎「磚仔」，一般會取 10 至 12 個「磚仔」，現發現有一個「磚仔」有問題，會再在現場的樓宇中，再取 12 個位的樣本，「嗰啲先係真係喺個樓的石屎，最緊要係喺現場落嗰啲石屎合唔合格，我哋剛收到 17 %樣本，第一批樣本，安一安心先，睇到個強度，比要求高 23% 至 67% 」。她指是因為安全系數發揮作用。
指地盤仍可做釘板、扎鐵工作
何永賢指不合格的一批石屎，「都冇倒去地盤」，但仍要待其他檢測有結果。她指有問題的石屎樣本，在群樓平台，範疇很大，地盤其他地方，仍可做釘板、扎鐵工作。
83% 樣本周五有結果
何永賢指，如發現有問題，要了解在那些範圍，針對性採取措施，「要打咗佢打咗佢，要加固就加固，加鋼筋呀」，工程師有一套策略在合約內。現仍有 83% 樣本未有結果，房委會昨表示，會在周五（25 日）取得全部混凝土芯抗壓強度測試結果，目前評估這次事件對整體工程進度的影響輕微。
結構工程師：一定係撈得好勻
石屎是否會如奶粉般「攪唔勻」？結構工程師倪學仁就稱，石屎在廠內經攪拌才運送，「一定係撈得好勻」，在運送途中則會由田螺車持續攪拌，相信攪拌不均而導致強度不達標的機會很微，「個地盤離開石屎廠都頗遠喎，架車行到嚟（地盤），唔勻都撈到勻啦。」他稱影響「磚仔」質素的因素，包括負責製作的工人手藝、採樣的位置等。倪指，最重要是混凝土芯的測試結果，但認為當局仍應找出「磚仔」強度不達標的真正原因。
指北都另一番光景
北部都會區發展是現屆政府一個重點工作，何永賢表示，在 27 年起，北都的機遇會出來，「對我嚟講，北都嘅地真係好好㗎」，「佢嘅地好平，地塊面積大，效益好高」。她說：「我最近身邊有個例子，年青人在港島傳統中產區，最近搬咗去元朗，出返嚟港大，佢發現元朗有舊墟，又去發掘新環境。如果年青人慢慢去咗北都，屋企人一齊去，又會發現魚塘景色一番光景。」
會否搬入？ 「咁我呢幾年呢做咗房屋局長⋯⋯」
被問及會否搬入北都？何永賢表示，已有例子，有些家庭如要改善面積、租金，如家人，老中青一起搬入，「可能我啲老友將來搬入去，我又會一齊咁樣⋯⋯」，但她又說：「咁我呢幾年呢做咗房屋局長，我同屋企人講，我又唔會買樓、賣樓，我又唔會搬屋住」。
她又指，北都的地較大，較好用來發展建築新科技，她指組裝合成（MIC）有鋼結構（如簡約公屋」，及混凝土結構（如傳統公屋），她指混凝土技術，房委會在廿多年前，已造立體廚廁，「𠵱家嘅MIC 係呢個放大版」，「𠵱家希望可以做到五日，或四日一層，做好啲裝修」，已跟港大合作研發了由工廠、運送、吊運的流程，作更好管理。
相關報道：
瑪麗斜𨋢槽｜承建商「安保」背景拆解 四年接逾 417億元公營工程 𨋢槽斜𨋢點解決？
東涌問題公屋｜再多一座石屎強度「未達合約要求」 安保工程項目五座大廈四「失守」
東涌問題公屋｜42 區三座石屎強度未達標 總承建商安保屢「出事」 新地旗下混凝土供應商被撤換
