被 DQ 的社工，可否形容自己是前社工？社工註冊局主席許宗盛今（19日）早接受商業電台訪問時說：「前，即係話我有資格喎。」他指，被停牌的人，因不適宜、不能再做社工，「咁佢都可以話我都係前社工，變咗有啲模糊嘅地方」。
退休社工，例如想參選，又可否填報自己是「前社工」？許宗盛說：「我覺得有商榷囉。你唔提一定最穩陣嘅」。他又指，去信劉家棟，只是提醒他所用的稱謂，法律上可能「踩咗界」，「我唔係挑戰佢、懲罰佢、警戒佢」。
翻查資料，註冊局去信劉家棟時，曾指出「若閣下繼續使用「社運案獨立社工」、「前社工」或相關名銜，可能已觸犯條例」。
許宗盛：我哋係冇權話，批准你咁用
在反修例運動，被控阻差辦公罪成入獄八個月的劉家棟，去年被社工註冊局釘牌五年，為有限期釘牌的個案中，期限最長的一位。今年二月，社工註冊局去信指他使用「前社工」等名銜，可能已觸犯《社工註冊條例》。
事件引起社福界反彈，社工註冊局主席許宗盛今早接受商業電台節目《在晴朗的一天出發》訪問，主持人問及，哪一條例，不可稱做前社工？許宗盛表示，根據《社工註冊條例》第 34條「使用命銜」1 C，除了名列註冊紀錄冊的人，其他人無權使用「註冊社會工作者」、R.S.W、「社會工作」或 social work 等稱謂，不論是否連同任何其他稱謂，或任何英文縮寫使用，或以其他方式使用，以描述其專業為社會工作專業，或，他續說：「嗱！呢個重要啦」–描述其社會工作專業資格。「係咪有啲意會，描述佢係社會工作專業資格呢？」
許宗盛稱，社工註冊局，只有權監管註冊社工。「唔係註冊社工，話知佢係以前係註冊社工，依家退咗休，或者畀我哋除牌，或自願除牌，就已經係唔受我哋監管」。主持人追問，那為何劉家棟仍會收到註冊局的信件？
許宗盛說：「如果我哋睇到，有啲人，總之佢唔係註冊社工，佢係有啲咁嘅表達，我哋純粹好意咁提醒佢。我哋係冇權話，批准你咁用。」他強調：「我唔可以批准，我亦都唔可以唔准」。
翻查社工註冊局發給劉家棟的信件，曾明確提出，「注意到閣下 facebook 帳戶，標示了「社運案獨立社工」及「社工編號」；另一篇在 帖文以「前社工」作標示。劉家棟使用的稱謂，出了什麼問題？
許宗盛說：「佢用社工個名，佢仲有加咗其他描述，嗰個描述呢，可能會引起，描述咗佢個社會工作專業資格。我唔係話我唔准佢用，我只不過提醒佢，你如果咁用，你自己睇睇個條例啦。法律上可能踩咗界啦，有灰色地帶啦，我係提醒佢，我就唔係挑戰佢、懲罰佢、警戒佢。我提醒佢有啲咁嘅嘢啫」。
翻查註冊局給劉家棟的信件，信中曾指出「請閣下留意，在並非名列註冊紀錄冊下，若閣下繼續使用「社運案獨立社工」、「前社工」或相關名銜，可能已觸犯條例。」
「前，之係話我有資格喎」
主持人問及，如一位退休社工，出來選舉，如填報前社工，又是否應該？許宗盛說：「我覺得有商榷囉。你唔提一定最穩陣嘅」。他解釋，社工一般服務基層市民，有很多機會，接觸服務使用者的敏感資料，所以社工要註冊，以保障廣大市民。
業界有意見指，前社工只是一個事實的陳述，註冊局去信劉家棟，指出他用「前社工」有問題，有違公眾的認知。許宗盛說：「前，之係話我有資格喎。我係一個退役嘅，我自己唔去繼續做一個註冊社工，咁咪前社工囉；有啲係，根本畀人停牌，話你唔適宜、冇社工資格，咁嗰啲都叫前社工？有好多原因，令你唔能夠做社工，咁佢都可以話我都係前社工，變咗有啲模糊嘅地方」。
前註冊局主席梁傳孫去信查詢，自己能否在履歷上填報自己是前社工，許宗盛回應說：「佢如果係做過註冊局主席，佢應熟讀哂，我哋條例。佢好明顯會知道，註冊局冇權喺度立論。佢都唔係註冊社工，不受註冊局規管。佢都應該要明白啦，唔知佢自己點解，仲要攞我哋意見。」
