宏福苑宏建閣居民今日（25日）大火後第二次回家，居民李先生一家獲酌情與母親、子女共 6 人上樓，最後三嫲孫因不捨離開痛哭。李先生表示，宏福苑地段好、交通方便，單位向海，女兒就讀小學就在旁邊，盼能留下來居住，惟如今感沒有選擇，形容「四餸一湯，煮好晒畀你你喇，唔啱食你都要食，但我食齋㗎喎，一把冚埋嚟，食乜嘢齋呀？你繼續要食呢啲嘢。迫我哋揀咋嘛，咁仲係叫你情我願咩？」假如最終政府立法收樓，他認為「我都無得 say no，唔通我話唔掣咩」。
童言問「點解我哋第二日屋企都無埋？」
李先生與家人同住宏建閣 27 樓單位，與太太育有 12 歲兒子和 8 歲女兒，子女自出生後在宏福苑長大，今日回到完好的家未明為何要離開，問道「點解我哋返屋企，第二日屋企都無埋嘅？」李先生透露，兒子在家拍照、拍片留念時跟房子道別說「屋啊屋，我哋走喇，我哋要去第二度住喇」，李老太聞言即刻失控大哭。
家人前強裝樂觀 自己情緒難抒緩
李先生坦言，要靠社工教導如何開導子女，但自己努力照顧家人之時亦感無助。「我哋一家之主，要睇住阿媽、睇住太太，喺佢面前一定話『無事嘅無事嘅，向前行，有屋企人喺度就係一個家』。但夜晚黑嗰陣時，到我自己一個嗰時，我其實有咩方法可以做到舒服返自己情緒？我都唔知。」
「佢同市民對着幹咁嘅？係咪同市民鬥氣？」
對於一家人與居所別離後的去向，李先生仍茫然。他指出，宏建閣沒有嚴重焚毁，最初政府問卷曾提及原址重建選項，或在對面狗公園重建，「開頭諗住係咪可以住返，又完全唔係嘅」。
他又形容，合安簡介會像發佈會，「我都唔知講緊乜，我哋問佢又唔答」。他想知道樓宇是否可修復、樓換樓和賠償的詳情，續指政府收購金額不足以在市場購得同樣單位，「我覺得啦，佢同市民對着幹咁嘅？你係咪同啲市民鬥氣呢？」，又坦言對過去半年安排不滿，「但係可唔可以同政府拗到呢？我哋都無能為力」。
相關報道：
宏福苑回家｜六歲男孩撐上 22 樓回家 母子相依安樂窩 單親媽媽千金不願賣業權
宏昌閣回家｜鮮花悼亡母 毛衣寫上「開業主大會、原址重建」 「穿」著訴求回家 遺屬：聽下我哋嘅說話
