立法會棄選潮「尚未完場」，率先棄選的 74 歲立法會主席梁君彥，今（22日）出席立法會年結記者會時，被問及棄選情況時重申，以往的立法會，有三至四成議員不連任，「𠵱家都係廿多人宣布唔選之嘛，如果 40 % ，36 人呀，仲要揾多十幾人」。他又指，如果是其他地方的議會，「一變天真係換一半人。」
做了 21 年議員，2016 年起出任立法會主席，梁君彥在九月底首先「劈炮」，宣布不角逐連任。他表示，自己見證香港由亂到治，由治及興的新境界。被問及今屆議會有多人棄選的看法，梁君彥說：「我上星期個研討會講哂畀你聽，你哋聽唔明。」
他重申在上周「行政立法同心治港創未來」提到的數據指，每一屆立法會選舉，都有議員沒連任。他指第二、三屆，有 30% 以上，當時有 60 名議員，即近 20 人不連任。第五、六屆，約有 40 % 議員不連任， 「60人中，廿多人，唔係怪」。他指上屆較特別，有逾 60 %。
「呢個就香港咁。如果你其他啲議會，其實，一變天，真係換一半人。」他指這是正常生態，不需要大造文章。他說：「如果我哋議會 90 個人，有 80 人連任，咁你又話乜嘢呢？」
梁君彥繼續計數說：「𠵱家都係廿多人話宣布唔選之嘛，如果 40 % ，36 人呀，仲要揾多十幾人話點解佢唔選，點解選呀，呢個唔係特別同過去脫節事情」。
議員私德是否重要？ 「呢個係金魚缸」
愛國者治港下的立法會，議員私德是否重要？已宣布棄選的立法會主席梁君彥分享感受，形容在議事堂內，議員就如金魚缸內的金魚，「外面會睇得你又大條啲啦，又清楚啲啦，做嘢要好小心」。
梁君彥表示，留意到很多年青有為，有志之士，挺身而出想参選。在議事堂內過了 21 年，當中有九年是坐在主席枱的位置，他形容：「呢個係金魚缸，我哋係裏面嘅金魚，
外面會睇得你又大條啲啦，又清楚啲啦，做嘢要好小心」，「你嘅私人生活，都希望做到一個好好榜樣畀香港市民，周圍都係望住你。」他希望多些年青人，品格良好，有心為香港的人出來參選。
通過 130 項法案 較上屆多六成
梁君彥表示，今屆通過 130 項法案，較上屆的 81 項多六成。今年通過 41 政府法案、兩議員法案，通過了包括規管「簡樸房」（即劏房）、規管網約車等。同性伴侶關係登記條例草案被立法會否決，梁君彥指投票「反映主流民意」，議員各抒己見，彰顯法治精神。
今屆有 90 名議員，是否有此需要？梁君彥認為「人多好做作」。他指立法會有 18 個委員會，每個委員會下有小組委員會」，還有法案委員會，總共四、五十個，「分開嚟做，大把嘢做」，需要議員分擔工作，「冇乜話人多」。
「議員唔係做戲，唔係做娛樂界」
四年任期即滿，很多議員的表現、名字等，公眾並無深刻印象，談及議員的認受性，梁君彥指，今屆有 59 張新臉孔，「有心做嘢，好快上手」。他又指，一部戲如有 90 位主角，觀眾都會認不出這麼多主角，「議員唔係做戲，唔係做娛樂界，係為香港人做實事」。
相關報道：
立法會棄選潮｜江玉歡「咪兜」告別 「直抒市民心底話，不是該做嗎？」 將「開台」講民生法律議題
「告別」議案｜指選舉提名期周五開始 李慧琼撤回告別議案：確保選舉公平
立法會棄選潮｜民建聯梁熙、劉國勳等五人棄選 26 人參選名單 葉傲冬取代李世榮
立法會棄選｜75 歲田北辰「見好就收」 成棄選第 16 人 區選敗將莊豪鋒接棒
