美國、以色列空襲伊朗，伊朗向區內多個阿拉伯國家的美軍設施還擊，中東局勢緊張，杜拜的機場連日來維持有限度運作，自 2 月 28 日後，今（4 日）晚再有航班從杜拜回港，有在當地滯留了數日的港人，對能順利回港感到「非常開心」，表示「原來香港最安全」。有前來接機的親友表示，入境處的 1868 熱線「冇乜嘢可做到」，但也補充「我唔係話批評，啱嘅。局勢都未去到，只可記錄在案」。
晚上約 9 時 50 分，阿聯酋航空的 EK 380 航班，正式在香港國際機場降落，前來接機的親友放下心頭大石。當乘客步出入境大堂，跟接機的親友相擁。
「miss 咗，唔知幾時有」
余先生前來接親友返港，他說，親友在當地滯留了三日，在 2 月 28 日已改行程想提早回港，及後一直在網上等搶購機票。他說：「唔係個個咁好彩，一開放係網上畀你 book，好似打機咁搶。我最擔心係，你 miss 咗，唔知幾時有，局勢日日轉變，佢真係好彩，一去到，剩返兩個位」。
「1868 冇乜嘢可以做到」
被問及入境處的1868 熱線能否提供協助，余先生說：「我都有啲不滿，係入境處 1868 電話，試過要求協助。at this moment ，冇乜嘢可以做到。最多都係幫你記錄在案。」他補充說：「咁事實係啱嘅，我唔係話批評，啱嘅。局勢都未去到，點講得畀你聽囉，只可記錄在案，咁有乜就揾你囉」。
余先生表示，親友買到機票後，他仍覺未安全，直到起飛，終於放下心頭大石。「最開心知佢起飛」。「我想同佢講，well done! 做得好好，第一時間可以返到嚟，等我哋唔使擔心，所有人都擔心呀」。
郭小姐一行六人，跟旅行團到杜拜。她表示，旅行團在舊城區，感覺上市面不算緊張，可到超市購物，膳食方面，旅行團也有作出安排。她憶述，登機時心情忐忑，擔心會否折返，最終能順利回港，她說：「非常開心，原來香港最安全」。她指機票是由旅行社安排。
騎師田泰，跟馬會代表團到杜拜作賽，滯留後跟家人成功回港，他表示，很高興能順利回港，他指馬會每日都有試買機票，又指在杜拜時，一度驚慌。入境處至今日（4日）下午五時，共接獲 680 名身在當地港人查詢，當中 100 人已安全離開。
相關報道：
空襲伊朗 ｜杜拜機場有限度營運 女足香港隊宣布「Pink Ladies Cup 2026」退賽
