蘋果黎智英案，司法機構網頁顯示，案件會在下周一（9日）上午十時判刑，預計需時一小時。判刑四日前，周四（5日）已有旁聽師及懷疑排隊黨在西九法院外露宿輪候旁聽。有旁聽師指，自 47 人案開審後，才有排隊黨出現，「點解香港聽審要淪落到瞓街？」
今日氣温約 26 度，正午時份，旁聽師排隊的位置，陽光曝曬，他們已用來鋪地睡覺的紙皮，用來遮擋太陽。未來兩日，天文台預計冷鋒來到，氣温或會降至 13 度。上月中蘋果案求情時，前壹傳媒員工阿 Ling 已排了三日三夜，「全取」42 個旁聽位置。今次要排四日隊，她說：「基本上，我哋要預備晒四季嘅衫褲。呢一刻 28 度，我著短褲，夜晚要著好凍嘅衫」。她說，今次是「最後判決」，判刑的時間預計只得一小時，「好關鍵，可能最後一次見到肥佬。上次排三日三夜已覺好辛苦，諗起都好辛苦，但諗起可能佢哋仲驚過我哋。冇理由我哋要驚過佢，咁就照嚟」。
旁聽師阿偉說，香港是一個法治地區，聽理理應不用「瞓街」，「講畀人聽都冇人信呀。點解我哋要瞓街呢？」他憶述，在 47 人案開審首日，開始有排隊黨出現，之後旁聽師為了能入到正庭，就要露宿法院門外，等候取票入庭旁聽。
阿偉說：「之前我哋唔需要瞓街，朝早六、七點來，就可名正言順入到正庭。但依家唔得啦。你一唔來，正庭一張都攞唔到。」他反問：「點解香港真係墮落到，聽審要瞓街先可以聽審，法治唔應該會咁。」
他形容，今次是蘋果黎智英案最後一擊，一定要拿到頭位，「背水一戰，唔知幾時可以見到佢，唔好話三日、四日，一個禮拜，我都同你排。」他認為，在香港再找找不到第二個黎智英，「其實佢一路都可以走，佢咁堅持，咪值得我哋香港人尊重囉。即使見到一秒鐘，我哋仲係度陪住你。」69歲的阿偉說，如沒有排隊黨，他們就不用這樣辛苦，「其實啲老人家真係捱唔到，捱完呢幾日，我哋就瞓低啦。真係四日喎，大佬，真係唔係講笑」。
另一位旁聽師，75歲的陳先生，也在問：「點解會要淪落到瞓街幾日，先有得旁聽一單案件呢？就算世紀大案咁巴閉都好，你都唔需要排隊仲要瞓街，然之後先有得入。」
他在周四晚上來到，之後就見到排隊黨動員。面對即將來臨的判決，他表示自己人心情平靜，「但對幾位受磨難的手足來講，有少少擔心，唔知磨到何年何月。尤其黎智英，好重罪，佢本身係個硬骨頭，唔會咁容易屈服。」
他說自己捱得，現在未算最辛苦的日子，「三月又落雨又有風，就真係辛苦。」周日氣温或降至 13 度，他說自己有充足的禦寒衣物。
