最新一份《財政預算案》今（26日）出爐。巨額財赤下，香港人如何「被節流」？財政司司長陳茂波選擇縮減多項社福措施預算，包括調整長者兩蚊交通津貼、取消中小幼學生免入息審查津貼、交通補貼開支門檻增至 500 元等。 有在職長者說：「自己承受囉，唔需要話去咩好啲地方買餸，買啲營養為主就算」。有年長的天台屋家長，其子失去 2500 元學生津貼，自己的兩蚊車優惠也被削，計劃「多返兩日工」幫補，變成一星期要返足七日工，他說：「我哋唔可以強求政府，佢（政府）嘅開支係達到危險程度⋯」

相關報道：

財政預算2025．持續更新｜財赤872 億　高官公僕議員凍薪　削 1 萬公務員職位　退稅上限 1500蚊　

預算案記者會｜是否拿中產開刀？　陳茂波：希望諒解

財政預算 2025｜不計發債「收入」料連續 8 年赤字　剔除發債、回撥　今年實質赤字 3492 億

財政預算案2025｜被凍薪的一群怎樣說？　工會：無奈接受　何君堯：我話減薪都唔怕！

財政預算案 2025｜基層長者不滿政府搞 AI 　減社福撥款

財政預算案 2025 ｜解散前夕　民主黨指官員應減薪　羅健熙： 一個政黨不能再提意見，可惜

今年67歲的梁先生，成為被「開刀」目標。有領取「生果金」的梁先生，與患有精神病的太太，租住元朗的村屋，月租七至八千元，一星期在港島返五日保安工， 每日通勤至少來回六程，每日要用 12 元。若以成人車費計算，他每日在交通上的開支，約 25 元至 29 元。他預計，新的長者車津措拖實行後，每月約多付300元。

不過，這筆數仍未計算梁先生閒時在各區做餐飲業炒散、外出買餸、太太和本人恆常跨區看病和覆診的交通支出。

雖然遠居在新界村屋，交通車費較高，但梁先生不打算搬進市區。他解釋，太太有時需以輪椅出入，在市區沒有在村屋住地面方便、空氣新鮮，加上在市區以他的能力只能居住劏房，因此寧願多付些車費，住在元朗。

「僥倖自己仍有工的能力」

被問到會否對長者2元交通津貼優惠被「開刀」感失望，他選擇以平常心面對，「講唔上話失望，但又講唔上有啲咩希望」。他計劃交通上多出來的費用將在飲食開支上扣除，「自己承受囉，係人哋都要食飯㗎啦，咁咪唔需要話去咩好啲地方、買餸，買啲營養為主就算」，僥倖自己仍然有工作的能力，否則經濟負擔將會加大。

根據今（26日）勞福局立法會上書面回應議員質詢，2023 年本港 65 歲及以上的勞動人口有213,500人。早前外界指，長者兩蚊車津的開支龐大，因在職長者使量用較大，梁先生認為，已退休又合資格的長者車津，可以用乘車時段計算，非繁忙時段可以更優惠，「政府畀一蚊，佢畀一蚊呢？非繁忙時段，用得少，唔會阻得到人返工，佢又可以出行，可以探孫，可以做其他嘢。」

因為脊椎痛，每月定時針灸五六次的梁先生，一直未有想過「退休」。他說年輕的時候「你揀工」，現則時「工揀你」，僱主在聘請長者勞工時會考慮他們未來的身體會否出現問題，而無法穩定工作，因此長者求職有一定難度，現職的保安工也是靠朋友介紹才順利入職。

輪候上公屋一年多

已屆退休之年為什麼仍然工作？

梁先生目前是家庭的經濟支柱，夫婦兩人的屋租、水、電、媒等日常費用由他的工作來維持。雖然已在排隊輪候上公屋一年多，但仍然未眉目。同時，他說香港的醫療費用高昂，「病一次就十萬八萬就冇咗，年紀大，你銀行唔會借畀你㗎啦，都冇乜經濟能力去還，你冇理由去周圍打攪別人啦，最好靠自己，有能力做嘢嘅，就盡量去做」，他至今仍在工作。

他建議政府應協助本地失業人士重返職場，「哪怕係有啲殘疾嘅，佢哋都可以做嘢㗎。」

同樣 67 歲的餐飲炒散工 Steven（化名）今天工作至下午五時才下班，匆匆趕到深水埗受訪，見面之時，Steven才得知新的長者車津計算方法、中三兒子每年 2500 元的津貼取消。

Steven 早前接受訪問時曾透露，自己著重兒子教育，為免兒子跨區上學，不申請過渡性度房屋，捱貴租住一家三口住在學校同區的天台屋，現時已輪候公屋九年。因此他得悉兒子每學年的 2500 元免入審查津貼被取消時，神情一變，反問：「係會取消咩？」

2500 元學生津貼　相當於兒子十堂補習費

他解釋，2500元對他們一家而言「好好用」， 相當於兒子十堂的私人補習費用，「 如果係富人嚟講呢，就食個西餐就冇咗半啦，如果佢（政府）cut咗，我哋都冇辦法，只有一樣嘢就係接受啦。」他認為，中小幼學生津貼應保留，不過可加入入息審查，讓有需要的基層家庭可使用到這筆錢。

 Steven一家居於深水埗區，一星期做五天散工，早更在銅鑼灣、夜更在太子，現時每月未計外出交通費用，約花80元，平均每個工作天搭兩程車。他聽到長者車費十元或以上的以正價兩折計算時，只是淡淡道： 「有就OK啦，有一程都好好，有勝於無啦，我哋唔可以強求政府、要求佢咁高，佢（政府）嘅開支係達到危險程度⋯⋯」。

被問到長者車津削減，會否影響他跨區工作的意欲時，Steven 即回應說：「唔係我想唔想做，係我冇得揀⋯⋯」他解釋，因年齡問題，很多時僱主不願僱用他，找工作時，僱主多只會叫他留下聯絡電話，之後大部分也音訊全無。與梁先生一樣，Steven 認為，政府應先鼓勵本地長者勞工就業，再考慮引入外勞，否則「努力求存嘅人，連最後一碗飯都冇得食」。

計劃「返多兩日工」　一周做足七日幫補

失去了兒子的學生津貼、自己的搭車優惠也被削，雙重打擊下，星斗市民自己可如何「節流」？Steven說，「就算係慳，都唔慳咗幾多啦，慳都係食少兩個菠蘿包，唔食早餐 。」Steven的妻子早前為陪兒子在家讀書，一直未有外出工作，是次兒子補習學費「被縮減」，除了會再每星期多返兩日工、「有得返就返」，妻子也會外出工作幫補兒子學習花銷。

原來一星期工作已五天，再加兩天，豈不是 「冇得唞」？他低著頭說：「咁樣都可以攬返啲千蚊。自己可以維持嗰個生活水平，就都冇辦法㗎啦，只有自己去面對現實囉。」